Published:Updated:

“என் வைராக்கியம் இப்ப ஜெயிச்சிருக்கு!”

மாரியம்மாள்
பிரீமியம் ஸ்டோரி
மாரியம்மாள்

பாட்டு ரெக்கார்டிங் போயிட்டிருந்தப்போ சந்தோஷ் சாருக்கு தனுஷ் சார் போன் பண்ணியிருக்கார்.

“என் வைராக்கியம் இப்ப ஜெயிச்சிருக்கு!”

பாட்டு ரெக்கார்டிங் போயிட்டிருந்தப்போ சந்தோஷ் சாருக்கு தனுஷ் சார் போன் பண்ணியிருக்கார்.

Published:Updated:
மாரியம்மாள்
பிரீமியம் ஸ்டோரி
மாரியம்மாள்
ப்போதாவது ஒரு குரல் திசையெங்கும் பரவித் திரும்பிப்பார்க்க வைக்கும். அப்படி ஒரு குரல் மாரியம்மாளுக்கு. ‘கண்டா வரச்சொல்லுங்க’ என்ற அவரது குரல் காற்றில் ஒவ்வொரு வீட்டுக்கும் போய்ச் சேர்ந்திருக்கிறது.

‘‘என் ஊர் சிவகங்கை மாவட்டம் கிடக்குழி. பள்ளிக்கூடம் போயிட்டு வர்றப்போ ஃப்ரெண்ட்ஸ்கூட சேர்ந்து பாடிக்கிட்டே கிடப்பேன். நானே வரிகள் போட்டு பாடுவேன். ஜனங்க மத்தியில பாட சாவு வீட்டுலதான் முதல் வாய்ப்பு கிடைச்சது. அப்ப எனக்கு 8 வயசு. துக்கவீட்டுக்கு வந்திருந்த பெரியவங்க எல்லாம் நான் பாடுறதைக் கேட்டுட்டு என்னைப் பாராட்டினாங்க அப்புறம் என்னோட பாட்டு மேடைகள்ல அரங்கேறியது. இப்போ பெரிய பாடகரா எல்லோராலும் கொண்டாடப்படுற அந்தோணிதாசன், மகாலிங்கம், ஆந்தங்குடி இளையராஜா மற்றும் முத்து சிற்பி எல்லாருமே என்னோட பசங்கதான். நான் வாழ்க்கையில உயரணும்னு காத்துட்டு இருந்தவங்க.

“என் வைராக்கியம் இப்ப ஜெயிச்சிருக்கு!”

என் கணவர்தான் எனக்கு பாட்டுல குரு. கச்சேரிக்குப் போறப்போ காதல் வந்து ரெண்டு பேரும் கல்யாணம் பண்ணிக்கிட்டோம். எங்க கல்யாணத்துக்கு அவர் வீட்டுல ஒத்துக்கல. ஒரு வருஷத்துல குழந்தை லட்சுமி பொறந்திருந்த நேரம், என் மாமியார் வீட்டுல கணவருக்கு ரெண்டாவது திருமணம் பண்ணி வெச்சிட்டாங்க. நான் தாழ்த்தப்பட்ட சாதியில பொறந்தவன்னு சொல்லி என்னை ஒதுக்கிட்டாங்க. வாழ்க்கையே வெறுத்துட்டேன். என் கணவர்கூட பேசாம இருந்தேன். ஆனா, கச்சேரிக்கு புக் பண்றவங்க ரெண்டு பேரையும் சேர்த்து ஒண்ணாதான் அழைப்பாங்க. ஒண்ணா கச்சேரிக்கு மட்டும் போவேன். ஆனா, தொழில் நிமித்தம் தாண்டி கணவர்கிட்ட பர்சனலா எதுவும் பேச மாட்டேன். என் பொண்ணை வைராக்கியமா தனி மனுஷியா வளர்த்தேன். இப்போ இவளும் நாட்டுப்புறப் பாடல்களைப் பாடுறா. ஆனா, இவளை இந்த ஃபீல்டுக்கு விடக் கூடாதுன்னுதான் நினைச்சேன். ஏன்னா, நான் பட்ட கஷ்டத்தை என் பொண்ணு படக்கூடாதுன்னு நினைச்சிட்டு இருந்தேன். ஆனா, பாட்டு ரத்தத்துலயே ஊறியிருக்கே! என் புருஷன் சாகுற வரைக்கும் பொண்ணு அவரை ‘அப்பா’ன்னு கூப்பிட்டது இல்ல.

மாரியம்மாள்
மாரியம்மாள்

மாரி செல்வராஜோட ‘பரியேறும் பெருமாள்’ ரொம்பப் பிடிச்ச படம். ஆனா, மாரியோட படத்துலயே பாடுவேன்னு நினைக்கல. ஒருநாள் மாரிகிட்ட இருந்து எனக்கு போன் வந்திருக்கு. என் போனை எப்பவும் சின்னப் பேரன் சுபாஷ்தான் எடுத்துப் பேசுவான். ‘நான் மாரிசெல்வராஜ் பேசுறேன்’னு அவர் சொன்னவுடனே ‘சொல்லுங்க சார்’னு சொல்லிட்டு என்னைத் தேடியிருக்கான். அந்த நேரத்துல நான் வீட்டுல இல்ல. என் பொண்ணுகிட்ட பேசிட்டு வெச்சிட்டார் மாரி தம்பி. சாயங்காலம் வீட்டுக்கு வந்தவுடனே பசங்க என்கிட்ட விஷயத்தைச் சொல்ல, சந்தோஷமா மாரி தம்பியைக் கூப்புட்டுப் பேசினேன். ‘அம்மா, என்னோட படத்துல ஒரு பாட்டு பாட முடியுமா’னார். ‘சார், என்ன கேட்டுட்டீங்க... இதுக்குத்தானே காத்துக்கிட்டு இருக்கேன்’னு சொல்லிட்டு சென்னைக்குக் கிளம்பி வந்துட்டேன்.

சந்தோஷ் நாராயணன் சார் ஸ்டூடியோவுக்குப் போனப்போ மனசுல பெரிய ஆசை எதுவுமே வெச்சுக்காமத்தான் போனேன். ஏன்னா, இது மாதிரி நிறைய ரெக்கார்டிங் ஸ்டூடியோவுக்குப் போயிட்டு ஏமாந்து வந்திருக்கேன். சில பாடல்கள் ரெக்கார்ட்டிங் வரைக்கும் போயிட்டு ரிலீஸாகாம போயிருக்கு. இல்லைன்னா வேற பாடகர் பாடி வந்திருக்கு. ஆனா ‘கிராமிய வாய்ஸ் தேடிக்கிட்டு இருந்தோம். உங்க வாய்ஸ் கிடைச்சிருக்கு’ன்னு சந்தோஷ் சார் சொன்னப்ப ரொம்ப சந்தோஷம். ஒரு குழந்தைக்குச் சொல்லிக் கொடுக்குற மாதிரியே சொல்லிக்கொடுத்தார். ‘அம்மா, நம்ம ஊர்ல பாடுற பாட்டுகளோட ராகம்தான். அதனால, பயப்படாமப் பாடுங்க’ன்னு மாரி தம்பி சொன்னார்.

பாட்டு ரெக்கார்டிங் போயிட்டிருந்தப்போ சந்தோஷ் சாருக்கு தனுஷ் சார் போன் பண்ணியிருக்கார். அப்போ நான் பாடிட்டு இருந்ததைக் கேட்டிருக்கார். உடனே, இங்கிலீஷ்ல பயங்கரமா தனுஷ் சார் ஏதோ சொன்னார். எனக்கு என்ன சொல்றார்னு தெரியல. பாட்டு ரெக்கார்டிங் முடிச்சவுடனே ‘அம்மா நல்லாப் பாடியிருக்காங்க, எந்த ஊரு?’ன்னு தனுஷ் சார் விசாரிச்சார்னு சந்தோஷ் தம்பி என்கிட்ட சொன்னார். அதைக் கேட்க ரொம்ப சந்தோஷமா இருந்தது. பாட்டு ரிலீஸுக்குப் பிறகு போன்ல கூப்பிட்டு தனுஷ் தம்பி பேசுனாங்க. ‘நல்லாப் பாடியிருக்கீங்க அம்மா, வெளியூர்ல இருக்கேன். சென்னை வந்ததும் சந்திக்குறேன்’னார். ரொம்ப சந்தோஷமா இருக்கு. இந்தப் பாட்டு பாடுனப்போ தனுஷ் தம்பிக்குத்தான் பாடுறேன்னு தெரியாது. ஆனா, இப்போ உலகம் முழுக்க என்னோட குரலுக்கு ரசிகர்கள் கிடைச்சிருக்காங்க. இதுவரைக்கும் நான் பட்ட கஷ்டத்துக்கு விடியல் வந்திருக்குன்னு நினைக்குறேன்’’

அந்தக் குரலில் ஆனந்தத்தின் தெறிப்பு!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism