Published:Updated:

வரித்துறையின் மகத்தான புதிய சலுகை! - அனைவரும் பயன்படுத்தலாமே!

வரி
பிரீமியம் ஸ்டோரி
வரி

படிவம் V-ஐ இதுவரை சமர்ப்பிக்காதவர்கள் 30.09.2020-க்குள் அனுப்பி நடவடிக்கையைத் தவிர்க்கலாம்.

வரித்துறையின் மகத்தான புதிய சலுகை! - அனைவரும் பயன்படுத்தலாமே!

படிவம் V-ஐ இதுவரை சமர்ப்பிக்காதவர்கள் 30.09.2020-க்குள் அனுப்பி நடவடிக்கையைத் தவிர்க்கலாம்.

Published:Updated:
வரி
பிரீமியம் ஸ்டோரி
வரி
ருமான வரித்துறை புதிய சலுகை ஒன்றை அறிவித்துள்ளது. இந்தப் புதிய சலுகை விவரங்களைத் தெரிந்துகொள்ளும் முன்னர் மூன்று அடுக்காக உள்ள வருமான வரிக் கடமை பற்றி முதலில் தெரிந்துகொள்வது அவசியம். ஏனெனில், சலுகையின் நோக்கம் அதுதான்.

1. யாரெல்லாம் வருமானவரி செலுத்த வேண்டும்?

60 வயதுக்கு உட்பட்டவர்கள் ஏப்ரல் முதல் மார்ச் வரையான தனது நிதியாண்டு வருமானம் ரூ.2.5 லட்சத்துக்கு அதிகமானால் வரி செலுத்த வேண்டும். 60 வயதை எட்டியவர்களின் நிதியாண்டு வருமானம் ரூ.3 லட்சத்தைத் தாண்டினால், 80 வயதை அடைந்தவர்களின் வருமானம் ரூ.5 லட்சத்துக்கு அதிகமாக இருந்தால் வரி செலுத்த வேண்டும்.

வரித்துறையின் மகத்தான புதிய சலுகை! - அனைவரும் பயன்படுத்தலாமே!

2. வருமானவரிக் கணக்கு தாக்கல் (Tax filing)

`வருமானவரிக் கணக்கு தாக்கல்’ என்று சொல்லப்படும் டாக்ஸ் ஃபைலிங் என்பது, செலுத்தப்பட்டுள்ள வருமான வரி சரிதானா என்பதை மீண்டும் ஒரு முறை சரிபார்த்து (Review) விடுபாடு இருந்தால் அதைச் சரிசெய்து வருமான வரித்துறைக்கு வரிக் கணக்கை அனுப்பிவைப்பது. அதாவது, செலுத்தப்பட்ட வருமான வரியில், வருமானத்தின் ஏதேனும் ஒரு பகுதி அல்லது வட்டி, வாடகை போன்ற ஏதேனும் வருவாய் அம்சம் விடுபட்டிருந்தால், அதைச் சேர்த்து அதற்கான வரியைச் செலுத்தி வரிக் கணக்கை அனுப்புவது அல்லது வரிச் சலுகை இனங்களில் ஏதாவது கோரப்படாமல் விடுபட்டிருந்தால் அதற்காகக் கூடுதல் வரி செலுத்தப்பட்டிருக்கும். இத்தகைய இனங்களில் விடுபட்ட சலுகையையும் தற்போது சேர்த்து அனுப்பி, செலுத்தப்பட்ட மிகையான (Excess) வரியையும் திரும்பப் (Refund) பெறுவது. இதுதான் டாக்ஸ் ஃபைலிங். இதற்கான அவகாசம் நிதியாண்டு முடிவான மார்ச் மாதத்திலிருந்து நான்கு மாதங்கள்.

வரி
வரி

3. வரிக் கணக்கு ஒப்புகை

வருமானவரிக் கணக்கை மின்னணுத் தீர்வு (Electronically) மூலம்தான் வருமான வரித் துறைக்குச் சமர்ப்பிக்கிறோம். இவ்வாறு சமர்ப்பிக்கப்பட்ட கணக்கு சரிதான் என்பதற்கு அடையாளமாக டாக்ஸ் ஃபைலிங் செய்த படிவத்தில் வரி செலுத்துபவர் கையொப்பமிட்டால்தான் அதை ஒப்புக் கொண்டதாக அர்த்தம். ஆனால், டாக்ஸ் ஃபைலிங்கில் வரி செலுத்துபவர் (Digital) கையொப்பம் இடுவதில்லை. அதற்கு பதிலாகச் செய்யப்படுவதுதான் `மின்னணுச் சரிபார்ப்பு’ (E-verification) என்று சொல்லப்படும் ஐ.டி.ஆர் படிவம் V-ஐ வருமான வரித்துறைக்குச் சமர்ப்பித்தல். இதற்குரிய காலக்கெடு டாக்ஸ் ஃபைலிங் படிவத்தைப் பதிவேற்றம் செய்தது முதல் 120 நாள்கள்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

மின்னணுச் சரிபார்ப்பு செய்வதற்கு ஐந்து வகையான நடைமுறை அமலில் உள்ளது. அவை 1.ஆதார் எண் 2.நெட்பேங்க்கிங் 3. இ.வி.சி (Electronic Verification Code) பெறுதல் - வங்கிக் கணக்கு எண் வழியாக 4. இ.வி.சி எண் பெறுதல் - ஏ.டி.எம் மூலமாக 5. மேற்கண்ட நடைமுறையைக் கடைப்பிடிக்க முடியாதவர்கள் டாக்ஸ் ஃபைலிங் படிவம் V-ஐ பதிவிறக்கம் செய்து கையொப்பமிட்டு பெங்களூரிலுள்ள வருமான வரித்துறையின் மத்திய செயல்முறை மையத்துக்கு (CPC) அஞ்சலில் அனுப்பலாம்.

வரி
வரி

இந்த மூன்றடுக்கு நடைமுறைகளை முழுமையாகச் செய்தால் மட்டுமே அந்தந்த நிதியாண்டுக்கான வரிக் கடமை நிறைவுபெறும். ஆனால், வரியைச் செலுத்தி, டாக்ஸ் ஃபைலிங் செய்த பின்னரும் மின்னணுச் சரிபார்ப்பு அல்லது பெங்களூருக்கு ஐ.டி.ஆர் படிவம் V-ஐ அனுப்பி வைக்காதவர்கள் சட்டப்படியான நடவடிக்கைகளுக்கு உட்பட வேண்டியிருக்கும்.

எனவே, இத்தகைய சூழலில் வரி செலுத்துவோரின் குறைகளைக் களையும் நோக்கத்தில் மேற்கண்ட மதிப்பீட்டு ஆண்டுகளில் நிலுவையாக உள்ள மின்னணுச் சரிபார்ப்பை (E-Verification) செய்து வரிக் கணக்கை முழுமையாக்க தற்போது ஒருமுறை வாய்ப்பு (Onetime Measure) சலுகை வழங்கப்பட்டுள்ளது.

இதன்படி, 2015-16, 2016-17, 2017-18, 2018-19 மற்றும் 2019-20 மதிப்பீட்டு ஆண்டுகளுக்கு இதுவரை வரி சரிபார்ப்புப் படிவம் சமர்ப்பிக்காமல் உள்ளவர்கள் 30.09.2020-க்குள் இதற்கான வரி சரிபார்ப்பு நடவடிக்கையைப் பூர்த்திசெய்துகொள்ள அனுமதிக்கப் பட்டுள்ளது. அதாவது, மேற்கண்ட ஆண்டுகளுக்கு டாக்ஸ் ஃபைலிங் செய்ய நிர்ணயிக்கப்பட்டிருந்த தேதிக்குள் டாக்ஸ் ஃபைலிங் மட்டும் செய்திருந்து, வரி சரிபார்ப்பு செய்யாமல் உள்ளவர்களுக்கு மட்டுமே இந்த ஒரு முறை சலுகை பொருந்தும்.

வரி
வரி

இவ்வாறு வரி சரிபார்ப்பு செய்யாதவர்கள் முந்தைய பத்தியில் குறிப்பிடப்பட்டுள்ள ஐந்து வகையான நடைமுறைகளில் ஏதேனும் ஒன்றின்படி தற்போது தரப்பட்டுள்ள சலுகையின்படி வரி சரிபார்ப்பு செய்யலாம். இடைப்பட்ட காலத்தில் வருமான வரித்துறை வேறு சில நடவடிக்கைகளை மேற்கொண்டுள்ள இனங்களுக்கு தற்போது அறிவிக்கப்பட்டுள்ள சலுகை பொருந்தாது.

சலுகைக்குத் தகுதியுடையோர் 30.09.2020-க்குள் வரி சரிபார்ப்புப் படிவம் V-ஐ சமர்ப்பித்துவிட்டால், அந்தப் படிவங்களை ஆய்வு செய்து 31.12.2020-க்குள் வருமான வரிப்பிரிவு 143(1)-ன் கீழான அறிவிப்பை வரி செலுத்தியவரின் மின்னஞ்சல் முகவரிக்கு வருமான வரித்துறை அனுப்பிவிடும். பிரிவு143(1)-ன் கீழான நோட்டீஸ் என்பது சமர்ப்பிக்கப்பட்ட படிவம் பரிசீலிக்கப்பட்டு விட்டது என்பதற்கான முதன்மைத் தகவல்தான், இந்த நோட்டீஸ் வந் தபிறகுகூட கூடுதல் விவரங்கள் ஓராண்டு வரை கோரப்படலாம்.

ஆனால், தற்போது இதற்கான விதி தளர்வு செய்யப்பட்டுள்ளது. அதன்படி 31.12.2020-க்குள் செலுத்திய வரி போதுமானதா, குறைவானதா, அதிகமானதா என்பது பற்றிய முடிவான தகவல் அனுப்பப்பட்டுவிடும். எனவே, பதற்றம் தேவையில்லை!

மேற்கண்ட மதிப்பீடு ஆண்டுகளுக்குப் படிவம் V-ஐ இதுவரை சமர்ப்பிக்காதவர்கள் 30.09.2020-க்குள் அனுப்பி நடவடிக்கையைத் தவிர்க்கலாம். தவறினால் வரித்துறை நடவடிக்கைக்கு ஆளாக வேண்டியிருக்கும்!