Published:Updated:

மேக்கேதாட்டுவில் வேகமெடுக்கும் பணிகள்... என்ன செய்யப்போகிறது தமிழக அரசு?

மேக்கேதாட்டு
பிரீமியம் ஸ்டோரி
மேக்கேதாட்டு

அடிப்படைக் கட்டமைப்பு பணிகளுக்காகக் கருங்கற்கள், மணல் ஆகியவை குவிக்கப்பட்டுள்ளன.

மேக்கேதாட்டுவில் வேகமெடுக்கும் பணிகள்... என்ன செய்யப்போகிறது தமிழக அரசு?

அடிப்படைக் கட்டமைப்பு பணிகளுக்காகக் கருங்கற்கள், மணல் ஆகியவை குவிக்கப்பட்டுள்ளன.

Published:Updated:
மேக்கேதாட்டு
பிரீமியம் ஸ்டோரி
மேக்கேதாட்டு

காவிரியின் குறுக்கே மேக்கேதாட்டு பகுதியில் புதிய அணையைக் கட்ட கடந்த பல ஆண்டுகளாகவே கர்நாடக அரசு முயன்றுவருகிறது. ‘இது சட்டவிரோதம். மேக்கேதாட்டு அணை கட்டப்பட்டால், வெள்ளக்காலங்களில்கூட தமிழ்நாட்டுக்கு ஒரு சொட்டு காவிரி நீர் வராது’ என்று தமிழகத்திலுள்ள விவசாய சங்கங்களும், அரசியல் இயக்கத்தினரும் எதிர்ப்பு தெரிவித்துவருகிறார்கள். இது தொடர்பாக தமிழக அரசு தொடர்ந்த வழக்கு உச்ச நீதிமன்றத்தில் நிலுவையிலுள்ள நிலையில், தற்போது அங்கு கட்டுமானப் பணிகளுக்கான ஆரம்பகட்ட வேலைகள் தொடங்கப்பட்டுள்ளதாக அதிர்ச்சித் தகவல் வெளியாகியுள்ளது.

பி.ஆர்.பாண்டியன்
பி.ஆர்.பாண்டியன்

ஏப்ரல் 12-ம் தேதி மேக்கேதாட்டு பகுதிக்கு நேரில் சென்று பார்வையிட்டுத் திரும்பியுள்ள தமிழக காவிரி விவசாயிகள் சங்கப் பொதுச்செயலாளர் பி.ஆர்.பாண்டியன் நம்மிடம் அது குறித்து விரிவாகப் பேசினார். ‘‘மேக்கேதாட்டு விலுள்ள அடர்ந்த வனப்பகுதியில் மலைக்குன்றுகளுக்கு இடையே 150 அடி ஆழமான பகுதியில் சுமார் 67 டி.எம்.சி தண்ணீரைத் தேக்குவதற்கு, 9,000 கோடி ரூபாயை ஒதுக்கீடு செய்து அணைக் கட்டுமானப் பணிகளை கர்நாடக அரசு தொடங்கியிருக்கிறது. இந்தப் பகுதியில் கட்டுமானப் பொருள்களைக் கொண்டு செல்ல சாலைகள் அமைக்கப்பட்டு வருகின்றன. அடிப்படைக் கட்டமைப்பு பணிகளுக்காகக் கருங்கற்கள், மணல் ஆகியவை குவிக்கப்பட்டுள்ளன.

இந்த அணையைக் கட்டுவதால் கர்நாடகா மாநிலத்தில் ஒரு சொட்டுத் தண்ணீரைக்கூட விவசாயத்துக்குப் பயன்படுத்த முடியாது. ஆறு டி.எம்.சி தண்ணீரை பெங்களூரு நகரத்துக்கு உயரழுத்த மோட்டார்கள் மூலம் கொண்டுசெல்ல கர்நாடக அரசு திட்டமிடுகிறது. தமிழகத்துக்கு வரக்கூடிய தண்ணீரைத் தடுத்து கர்நாடகாவில் அரசியல் லாபம் தேடுவதும் அவர்களின் முக்கிய நோக்கமாக உள்ளது.

மேக்கேதாட்டு பகுதியில் வசிக்கும் மக்கள் அணைக் கட்டுமானப் பணிக்கு எதிரான மன நிலையில் இருக்கிறார்கள். அணையில் தேக்கப்படும் தண்ணீரால் அந்தப் பகுதியின் வனம் மற்றும் வன விலங்குகளுக்கு ஆபத்து ஏற்பட்டுள்ளது. அங்கிருக்கும் குடியிருப்புகளும் அப்புறப்படுத்தப்படும். அதனால், இந்தத் திட்டம் தேவையில்லை என்று அப்பகுதி மக்கள் எதிர்ப்பு தெரிவிக் கிறார்கள். ஆனால், மத்தியில் காங்கிரஸ், பா.ஜ.க என்று எந்தக் கட்சி ஆட்சி செய்தாலும், மேக்கேதாட்டு அணைக்கு மறைமுகமாகத் துணைபோகின்றன.

மேக்கேதாட்டுவில் வேகமெடுக்கும் பணிகள்... என்ன செய்யப்போகிறது தமிழக அரசு?

தமிழகத்திலுள்ள அரசியல் கட்சிகள், விவசாய சங்கங்கள் அனைவரும் ஒன்றுபட்டு, அணை கட்டுமானப் பணியைத் தடுக்க வேண்டும். தவறினால், தமிழக மக்களின் குடிநீர் ஆதாரம் முற்றிலும் பறிபோகும். சுமார் 25 லட்சம் ஏக்கர் விளைநிலங்கள் பாதிக்கப்படும். நிலத்தடி நீரும் கேள்விக்குறியாகும். தமிழகத்தின் வாழ்வாதாரத்தைப் பாதுகாக்க வேண்டுமென்றால், கர்நாடக அரசின் இந்த நடவடிக்கையைத் தடுத்து நிறுத்த வேண்டும். உச்ச நீதிமன்றத்தில் நிலுவையிலுள்ள வழக்கை விரைவாக விசாரணைக்குக் கொண்டுவந்து, அணைகட்டும் பணியைத் தடுத்து நிறுத்துவதற்கான போர்க்கால நடவடிக்கைகளில் தமிழக அரசு அதிகாரிகள் இறங்க வேண்டும்’’ என்றார்.

என்ன செய்யப்போகிறது தமிழக அரசு?

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism