Published:Updated:

“நிறுவனத்தில் இல்லையென்றாலும் பங்குகளை விற்க மாட்டேன்!” - ‘மைண்ட்ட்ரீ’ கிருஷ்ணகுமார்!

சந்தை
பிரீமியம் ஸ்டோரி
சந்தை

பிரமாதமான ஐடியாக்கள் சந்தையில் இருக்கின்றன. நாம்தான் தேர்ந்தெடுத்து முதலீடு செய்ய வேண்டும்.

“நிறுவனத்தில் இல்லையென்றாலும் பங்குகளை விற்க மாட்டேன்!” - ‘மைண்ட்ட்ரீ’ கிருஷ்ணகுமார்!

பிரமாதமான ஐடியாக்கள் சந்தையில் இருக்கின்றன. நாம்தான் தேர்ந்தெடுத்து முதலீடு செய்ய வேண்டும்.

Published:Updated:
சந்தை
பிரீமியம் ஸ்டோரி
சந்தை
மைண்ட் ட்ரீ - கடந்த ஆண்டு செய்தித்தாள்களில் அடிக்கடி இடம்பிடித்த நிறுவனத்தின் பெயர். இந்த நிறுவனத்தைத் தொடங்கியவர்களில் முக்கியமானவர் கிருஷ்ணகுமார்.

மைண்ட்ட்ரீ நிறுவனத்தை எல் & டி நிறுவனம் வாங்குவதை எதிர்த்து, அந்த நிறுவனத்திலிருந்து வெளியேறிய கிருஷ்ணகுமார், என்.எஸ்.பார்த்தசாரதியுடன் (இவரும் மைண்ட்ட்ரீ நிறுவனம் உருவாகக் காரணமாக இருந்தவர்) இணைந்து ‘மேளா வென்ச்சர்ஸ்’ என்னும் நிறுவனத்தைத் தொடங்கியிருக்கிறார். இந்த நிறுவனம் ஸ்டார்ட்அப் நிறுவனங்களில் முதலீடு செய்யும் வென்ச்சர் கேப்பிட்டல் நிறுவனமாக இருக்கிறது.

‘‘மைண்ட்ட்ரீ நிறுவனத்திலிருந்து நான் வெளியேறியிருக்கலாம். ஆனால், அந்த நிறுவனத்தின் பங்குகளை விற்கும் ஐடியா எனக்கில்லை’’ என்று சொல்லும் கிருஷ்ணகுமாருடன் தொடர்புகொண்டு பேசினோம்.

கிருஷ்ணகுமார்
கிருஷ்ணகுமார்

ஒட்டுமொத்த விகடனுக்கும் ஒரே ஷார்ட்கட்!

மைண்ட்ட்ரீயிலிருந்து விலகியபின் வென்ச்சர் கேப்பிட்டல் நிறுவனம் தொடங்கும் திட்டம் எப்படி உருவானது?

‘‘கடந்த டிசம்பரில் இந்த எண்ணம் உருவானது. அதைத் தொடர்ந்து அதற்கான பணிகளில் ஈடுபட்டோம். ஸ்டார்ட்அப் நிறுவனங்களில் முதலீடு செய்யப்போகிறோம். ஆனால், நாங்கள் செய்யவிருப்பது ஏஞ்சல் முதலீடு அல்ல. ஏற்கெனவே ஏஞ்சல் முதலீடு பெற்றிருக்கும் நிறுவனங்களில் அல்லது ஓரளவுக்கு வளர்ந்த நிறுவனங்களில் முதலீடு செய்யவிருக்கிறோம்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

அதேபோல, ‘பிசினஸ் டு கஸ்டமர்’ பிரிவில் முதலீடு செய்யும் திட்டம் எங்களுக்கில்லை. அதாவது, நேரடியாக வாடிக்கையாளர்களைச் சென்றடையும் நிறுவனங்களில் முதலீடு செய்யப்போவதில்லை. பிசினஸ் டு பிசினஸ் பிரிவில் செயல்படும் டெக்னாலஜி நிறுவனங்களில் முதலீடு செய்யவிருக்கிறோம். இந்தியாவில் தொடங்கப்பட்ட, அதேநேரம் சர்வதேச அளவில் பிசினஸ் செய்யும் நிறுவனமாக இருக்கிற மாதிரி தேடி வருகிறோம்.’’

ஸ்டார்ட்அப் நிறுவனங்களில் முதலீடு செய்ய எவ்வளவு நிதியைத் திரட்டப் போகிறீர்கள், எப்படி முதலீடு செய்யப் போகிறீர்கள்?

‘‘200 கோடி ரூபாய் அளவுக்கு நிதி திரட்டப் போகிறோம். இதுவரை 131 கோடி ரூபாய் அளவுக்கு முதலீட்டாளர்களிடமிருந்து ஒப்புதல் கிடைத்திருக்கிறது. இந்தியா மட்டுமன்றி, சர்வதேச அளவில் உள்ள பல முதலீட்டாளர்கள் முதலீடு செய்திருக்கிறார்கள். யார் எவ்வளவு தொகையை முதலீடு செய்திருக்கிறார்கள் என்பதெல்லாம் ரகசியம். இந்த ஃபண்டுக்கு ஏ.ஐ.எஃப் (பிரிவு 2) கீழ் செபி அனுமதி வழங்கியிருக்கிறது.’’

சந்தை
சந்தை

தற்போது பெரும்பாலான தொழில்களில் வளர்ச்சி இல்லை. இந்த நிலையில் முதலீடு செய்வதற்கு ஏற்ற நிறுவனங்களை எப்படிக் கண்டுபிடிப்பீர்கள்?

‘‘சந்தையில் முதலீட்டுக்கு எப்போதும் வாய்ப்புகள் இருக்கும். தவிர, நாங்கள் டெக்னாலஜி நிறுவனத்தில் முதலீடு செய்ய இருப்பதால், இதுபோன்ற நிறுவனங்கள் சந்தையில் இருக்கவே செய்யும். நிறுவனம் தொடங்கப்பட்டது முதல் பல ஸ்டார்ட்அப் நிறுவனங்களிடம் பேசி வருகிறோம். பிரமாதமான ஐடியாக்கள் சந்தையில் இருக்கின்றன. நாம்தான் தேர்ந்தெடுத்து முதலீடு செய்ய வேண்டும்.’’

இதுவரை ஏதாவது முதலீடு செய்திருக்கிறீர்களா, ஆண்டுக்கு எத்தனை நிறுவனங்களில் முதலீடு செய்வீர்கள்?

‘‘கடந்த சில மாதங்களாக நடந்த பேச்சுவார்த்தையில் ஒரு நிறுவனத்தில் முதலீடு செய்யப்போகிறோம். அந்த நிறுவனம் ஏ.ஆர்-வி.ஆர் (Augmented reality and virtual reality) பிரிவில் செயல்பட்டு வருகிறது. செயற்கை நுண்ணறிவு, மெஷின் லேர்னிங், ஐ.ஓ.டி உள்ளிட்ட சிறப்புப் பிரிவுகளில் செயல்படும் நிறுவனங்களில் முதலீடு செய்யவிருக்கிறோம். அடுத்த மூன்று ஆண்டுகளில் 12 முதல் 15 நிறுவனங்களில் முதலீடு செய்வோம். ஏற்கெனவே டெக்னாலஜி சார்ந்த அனுபவம் எங்களுக்கு இருக்கிறது. நாங்களே முதலீட்டாளர்களாக இருக்கும் பட்சத்தில் ஸ்டார்ட்அப் நிறுவனங்களை அடுத்தகட்டத்துக்கு எடுத்துச் செல்ல முடியும் என்பதே எங்கள் பலம் என்று நினைக்கிறோம்’’ என்று பேசி முடித்தார் உற்சாகமாக!

புதிய முயற்சிக்கு வாழ்த்துகள் கே.கே..!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism