Published:Updated:

வெற்றியாளர்களை வளர்த்தெடுக்கும் 25 வார்த்தைகள்!

நாணயம் புக் செல்ஃப்
பிரீமியம் ஸ்டோரி
News
நாணயம் புக் செல்ஃப்

நாணயம் புக் செல்ஃப்

சில விஷயங்களைப் பின்பற்றும்போது சாதாரணமானவர்கள்கூட வெற்றியாளர்களாக உருவெடுக்கிறார்கள். கெவின் ஈஸ்ட்மென் என்பவர் எழுதிய ‘வொய் தி பெஸ்ட் ஆர் தி பெஸ்ட்’ எனும் புத்தகம், வெற்றியாளர்களை வளர்த்தெடுக்கும் 25 வார்த்தைகள் என்னென்ன என்பதைக் குறித்துச் சொல்கிறது.

விளையாட்டு வீரரான புத்தக ஆசிரியர்

கெவின் ஈஸ்ட்மேன், ஒரு சிறந்த கூடைப்பந்து விளையாட்டு வீரர். கூடைப்பந்து விளையாட்டின் சிந்தனைச் சிற்பி என்று போற்றப்படுபவர். தன்னுடைய நாற்பதாண்டுக்கால விளையாட்டு கேரியருக்குப்பின், தற்போது விளையாட்டு நிறுவன மேலாண்மை மற்றும் அரசாங்கப் பணியாளர்களுக்குத் தலைமை மற்றும் வெற்றி பெறுதல் குறித்து அடிக்கடிப் பேச அழைக்கப்படும் பயிற்சிப் பேச்சாளர் ஆவார்.

வெற்றியாளர்களை வளர்த்தெடுக்கும் 25 வார்த்தைகள்!

‘‘தலைவர்களும் பயிற்சியாளர்களும் மேன்மை என்பதையே தொடர்ச்சியாகப் பின்தொடர்ந்து செல்பவர்களாக இருக்கின்றனர். எடுத்த காரியத்தில் வெற்றிபெற, ஏற்கெனவே மிகப்பெரும் வெற்றிபெற்றவர்கள் எப்படிச் செயல்பட்டு அந்த வெற்றியைப் பெற்றனர் என்பதை நாம் கவனமாக ஆராய்ச்சி செய்ய வேண்டும். அப்படிக் கண்காணித்து தெரிந்துகொள்வதன் மூலமே நம்முடைய வெற்றிக்கான செயல்திட்டத்தை நம்மால் உருவாக்கிக்கொள்ள முடியும்’’ என்று சொல்லி ஆரம்பிக்கிறார் ஆசிரியர். இந்தவித ஆராய்ச்சியில் ஈடுபட்டு, ஆசிரியர் கண்டறிந்த 25 சக்தி மிகுந்த வார்த்தைகளையும் அதன் பயன்களையும் சொல்வதே இந்தப் புத்தகத்தின் நோக்கம். அந்த 25 வார்த்தைகள்...

உண்மை (Truth)

இந்த வார்த்தை இல்லாவிட்டால் தனிமனித மற்றும் குழுக்களின் வெற்றி என்பது சாத்திய மாகாது. இது இல்லாவிட்டால் ஏமாற்றமும் ஏக்கமுமே எப்போதும் எஞ்சி நிற்கும்.

செயல் (Action)

எண்ணியவற்றை அடைய இருக்கும் ஒரே வழி, இப்போதே வேலையை ஆரம்பிப்பதாகும்.

உள்நோக்கம் (Intentional)

நான் எதை அடையவேண்டும் என்று நினைக்கி றேனோ, அதை அடைவதற்கான காரியங்களை, அதை அடையவேண்டும் என்ற நோக்கத்துடன் செய்வதைக் குறிக்கிறது இது.

தயார்நிலை (Preparation)

நான் நினைத்த இடத்தைச் சென்றடையும் முன்னரே அந்த இடத்தைத் தக்கவைத்துக் கொள்வதற்குத் தயார் நிலையில் இருப்பது.

பதில்சொல்லும் பொறுப்பு (Accountability)

நம் குழு வெற்றியடைய என்ன செய்யவேண்டும் என்பதை முழுமையாகப் புரிந்துகொண்டு, அதைச் செயல்படுத்தி அந்தச் செயல்பாடுகளால் வரும் விளைவுகளுக்கு நாம் பொறுப்பாக இருப்போம் என்பதை நம் குழுவினருக்கு ஐயமின்றித் தெளிவுபடுத்துதல்.

நம்பகத்தன்மை (Trust)

நம்முடைய குழுவினர் ஒருவருடன் ஒருவர் இணைந்து செயல்பட்டுவர உதவும் பசை இது.

தியாகம் (Sacrifice)

ஒரு தனிநபராக நமக்குச் சிறந்ததாகவும் நாம் இருக்கும் குழுவுக்கு ஒவ்வாததாகவும் இருக்கும் ஒரு விஷயத்தை விட்டுக்கொடுப்பது.

ஒழுக்கம் (Discipline)

நம்முடைய முந்தைய சுக, துக்க, முட்டாள் தனமான, கடினமான விஷயங்களிலிருந்து நம்மை வெளியே எடுத்துவரக்கூடிய கவனமான மனநிலையைக் குறிக்கிறது இது.

அர்ப்பணிப்பு மனநிலை (Commitment)

நம்முடைய வார்த்தைக்கு நான் தரும் மதிப்பு, நம்முடைய அணியின் உறுப்பினர் ஒவ்வொரு வருக்குப்பின் நாம் நின்று தாங்கிப்பிடிக்கும் வகையிலான பாதுகாப்பு, நம்முடைய அணியின் நன்மையை எப்போதுமே கருத்தில்கொள்வது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
வெற்றியாளர்களை வளர்த்தெடுக்கும் 25 வார்த்தைகள்!

நம்பிக்கை (Belief)

நாம் ஈடுபடும் காரியங்களில் வெற்றிபெறுவதற் காக நாம் எடுக்கும் முயற்சிகள், ஆராய்ச்சிகள், எண்ணங்கள் மற்றும் தயார்நிலைப்படுத்திக் கொள்ளுதல் நமக்கு வெற்றியைக் கொண்டுவந்து தரும் என்பதைக் குறிக்கிற வார்த்தை இது.

தேவையில்லாதது (Unrequired)

நம்முடைய குழுவின் வெற்றிக்கு அவசியமான தாக இருக்கும்; அதே சமயத்தில் குழுவில் உள்ள மற்றவர்கள் அதனை ஒரு வேலையாகப் பார்க்காத, சிந்திக்காத மற்றும் செய்ய விரும்பாதிருக்கும் ஒன்றை முக்கியமான ஒன்றாகக் கருதி செய்வதைக் குறிக்கிறது இந்த வார்த்தை.

தெரிவுகள் (Choices)

சரியானவர்களின் பேச்சை நான் கேட்பதன் மூலமே நான் சரியான முடிவுகளை எடுக்கமுடியும் என்பதை உணர்வது.

நட்புவட்டம் (circles)

நம் எதிர்காலத்தின்மீது பாதிப்புகளை ஏற்படுத்தக்கூடிய மற்றும் எந்த மாதிரியான நபராக நாம் உருவெடுப்போம் என்பதை நிர்ண யிக்கக்கூடிய நபர்களில் யாரை நம்முடன் பழக அனுமதிக்கிறோம் என்பதைக் குறிக்கிற வார்த்தை.

போட்டி (Competition)

நாம் தலைசிறந்து விளங்க நினைக்கும் துறையில் நமக்கு எதிராக இருக்கிற ஒரு விஷயம் போட்டி. இது நமக்கு எதிராகவும் நாம் அதற்கு எதிராகவும் அன்றாடம் இயங்கியாக வேண்டும் என்பதே காலத்தின் கட்டாயம்.

வேட்கை (Passion)

நமக்குள் இருந்து நாம் விரும்பும் ஒரு விஷயத்தை நோக்கி நம்மை உந்தித்தள்ளும் ஒன்று இது. பலமுறை நம்மால் முடியாது என்று நினைத்த எல்லைகளையெல்லாம் தாண்டிச் செல்ல உதவும்.

பழக்கம் (Habit)

இவற்றில் நல்லவை என்பது நமக்கு மிகவும் உதவும் ஒன்றாகும். இதை உருவாக்கிக்கொள்வது கடினம் என்றால் அதை விட்டொழிப்பது என்பது அதைவிட மிகக்கடினம்.

அவசரம் (Urgency)

‘இப்போதே’ எனும் வார்த்தையே ‘பின்னர்’ என்ற வார்த்தையைவிட அதிக அளவில் வெற்றியை நம்மிடம் கொண்டுவந்து சேர்க்கும்.

தரம் (Standards)

நாம் நம்மீதும் நம்முடைய குழுவினரின் மீதும் எந்த அளவிலான எதிர்பார்ப்பை வைத்துள் ளோம் என்பதைக் குறிப்பிடுவதுதான் தரம். இது சரியாக அமைந்துவிட்டால் எங்கே இருக்கிறது குறைபாடு என்பதைச் சுலபத்தில் கண்டுபிடித்து விடலாம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

தைரியம் (Courage)

நாம் எதிர்கொள்ள வேண்டிய அத்தனை விஷயங்களுக்குத் தேவையான நம்மாலான அத்தனை முயற்சிகளையும் செய்துவிட்டோம் என்பதை முழுமையாய் உணர்ந்துகொள்ளும் போது நமக்கு வரும் உணர்வு.

வெற்றியாளர்களை வளர்த்தெடுக்கும் 25 வார்த்தைகள்!

ஆர்வம் (Curiosity)

நாம் அடைய வேண்டிய இலக்கைச் சென்றடைய, நமக்குத் தெரியவேண்டிய விஷயங்கள் பலவும் நமக்குத் தெரியாது என்பதை நாம் புரிந்துகொண்டிருக்கும் நிலை யில் நமக்கு இருப்பது இது.

மரியாதை (Respect)

இதை நாம் மற்றவருக்குக் காட்டும்போது நம்முடைய பணிவை அது வெளிப் படுத்தும். நாம் நாளடைவில் இதைச் சம்பாதிக்கவேண்டி இருக்கும்.

சீர்ப்படுத்துதல் (Adjustment)

நாம் செல்லும் பாதை தவறு என்பதை உணர்ந்து மாற்றுப்பாதையை தேர்ந்தெடுப்பதைக் குறிக்கும் வார்த்தை இது.

அடக்கம் (Humility)

‘எல்லாம் தெரிந்தவர்கள் இல்லை நாம்’ என்ற உணர்வை நம்முள்ளே ஊட்டி நம்மைக் கற்றுக் கொள்ளத் தூண்டும் வார்த்தை இது.

முதலீடு (Investment)

சின்னதோ பெரியதோ, நாம் இன்று செய்யும் காரியங்கள் பலவும் இன்றைக்கே பலனைத் தரா விட்டாலும் எதிர்காலத்தில் அது நிச்சயமாக உதவும் என்பதை உணர்ந்து செயல்படுவது.

திறமை (Talent)

எப்போதும் நம்மிடம் இது அதிகமாக இருப்பது போல் உணர்வது. உண்மையில் தொடர்ந்து ஒரு கூடுதல் பரிமாணத்தை அதிகரித்துக்கொண்டே போனால் மட்டுமே கொஞ்ச நஞ்சமாவது நம்மிடம் எஞ்சி நிற்கும் என்பதை நாம் புரிந்து கொண்டு செயல்பட வேண்டும்.

எதற்கு முன்னுரிமை?

“இந்தப் புத்தகத்தில் இருக்கும் பல வார்த்தைகளை நீங்கள் ஏற்கெனவே எதிர் கொண்டிருப்பீர்கள். ஆனாலும் பல ஆண்டுகளாக வெற்றி குறித்து நான் சிந்தித்து கண்டறிந்தவை. வெற்றிபெற எது முக்கியம் என்பதை உணர்ந்து அதனை அதே அளவு முக்கியத்து வத்துடன் செய்து வரவேண்டும். வெற்றிபெற நேர மேலாண்மையைவிட எதற்கு முன்னுரிமை தர வேண்டும் என்பதைப் புரிந்து கொண்டு செயல்படுவதே முக்கியமான ஒன்று’’ என்று சொல்லி முடிக்கிறார் ஆசிரியர்.

வெற்றிக்கான 25 முக்கிய வார்த்தைகளையும் அதற்கு உண்டான புத்தம்புது பரிமாணத்தையும் சொல்லும் இந்தப் புத்தகத்தை அனைவரும் படிக்கலாம்!

- நாணயம் விகடன் டீம்