Published:Updated:

அடுக்குமாடிக் குடியிருப்புக்குப் பட்டா அவசியமா?

ஒட்டுமொத்த விகடனுக்கும் ஒரே ஷார்ட்கட்

Use App
அடுக்குமாடிக் குடியிருப்பு
அடுக்குமாடிக் குடியிருப்பு

கேள்வி - பதில்

பிரீமியம் ஸ்டோரி

சென்னைப் புறநகரிலுள்ள அடுக்குமாடிக் குடியிருப்பில் வீடு வாங்கியுள்ளேன். இது சி.எம்.டி.ஏ அங்கீகாரம் பெற்ற கட்டுமானம். ஆனால், இதற்கு பட்டா இல்லை. இதனால் எதிர்காலத்தில் சிக்கல் வருமா?

ஆல்பிரட், சென்னை

த.பார்த்தசாரதி, சொத்து ஆலோசகர்

அடுக்குமாடிக் குடியிருப்புக்குப் பட்டா அவசியமா?

‘‘இந்த அடுக்குமாடிக் குடியிருப்புக்கு பிளான் அப்ரூவல் பெறப்பட்டுள்ளதா என்பதைப் பாருங்கள். தவிர, உங்களுடைய வீடு அடுக்குமாடிக் குடியிருப்பு என்பதால், ‘அன்டிவைடட் ஷேர்’ என்ற வகையில் வரும். எனவே, இதற்கென தனியாக பட்டா வாங்க முடியாது. உங்கள் குடியிருப்பில் வசிக்கும் அனைவரின் ‘அன்டிவைடட்’ ஷேர் நிலமதிப்பையும் சேர்த்தால், அந்த அபார்ட்மென்டின் நிலமதிப்பு வரும்பட்சத்தில் அனைவரும் இணைந்து கூட்டுப் பட்டாவுக்கு விண்ணப்பித்துப் பெறலாம். அடுக்குமாடிக் குடியிருப்பினைப் பொறுத்தவரை, பட்டா இல்லை என்றாலும் பிரச்னை இல்லை.’’

மியூச்சுவல் ஃபண்டில் ஸ்வீப் (sweep) பிளான் என்றால் என்ன, அதனை எப்படிப் பயன்படுத்தலாம்?

திருச்செல்வன், மதுரை

பி.ஆர்.டி.கோவர்தனன் பாபு, நிதி ஆலோசகர்

‘‘ஸ்வீப் என்றால் ‘விரைவாக மற்றும் எளிதாக மாற்றுதல்’ என அர்த்தம். மியூச்சுவல் ஃபண்டில் லாபத்தை வேறொரு திட்டத்தில் முதலீடு செய்வதை ‘ஸ்வீப்’ என்று கூறுகிறார்கள். ‘டிவிடெண்ட் ஸ்வீப்’ என்றால், ஒரு திட்டத்தில் கிடைக்கும் டிவிடெண்ட் தொகையை வேறொரு திட்டத்தில் முதலீடு செய்வது. ‘அப்ரிசியேஷன் ஸ்வீப்’ என்றால், அந்த ஃபண்டில் குரோத் ஆப்ஷனில் முதலீடு செய்து, அதன்மூலம் கிடைக்கும் லாபத்தை, மாதம் அல்லது காலாண்டுக்கு ஒருமுறை வேறொரு ஃபண்டில் முதலீடு செய்வது.

த.பார்த்தசாரதி, பி.ஆர்.டி.
கோவர்தனன் பாபு, ஆர்.கணேசன்
த.பார்த்தசாரதி, பி.ஆர்.டி. கோவர்தனன் பாபு, ஆர்.கணேசன்

மியூச்சுவல் ஃபண்டில் ரிஸ்க்கைக் குறைப்பதற்கு இந்த ‘ஸ்வீப் பிளான்’ உதவுகிறது. ஈக்விட்டி ஃபண்ட் டிவிடெண்ட் ஆப்ஷனில் முதலீடு செய்து டிவிடெண்ட் தொகையைக் கடன் சார்ந்த ஃபண்டுகளுக்கு ‘ஸ்வீப்’ செய்துகொள்ளலாம். அதாவது மாற்றிக்கொள்ளலாம். கடன் ஃபண்டில் குரோத் ஆப்ஷனில் முதலீடு செய்து, அதன்மூலம் கிடைக்கும் லாபத்தை மட்டும் ஈக்விட்டி ஃபண்டிற்கு மாற்றிக்கொள்ளலாம். இந்த பிளானைத் தேர்வு செய்தால், கூடுதலாகக் கிடைக்கும் லாபத்தை வேறு திட்டத்துக்கு மாற்றும் பணியை மியூச்சுவல் ஃபண்ட் நிறுவனமே செய்துவிடும்.’’

அடுக்குமாடிக் குடியிருப்புக்குப் பட்டா அவசியமா?

அப்பாவுக்கு ஆன்லைன்மூலம் பணப் பரிமாற்றம் செய்தேன். என் கணக்கிலிருந்து அப்பாவின் வங்கிக் கணக்குக்குப் பணம் அனுப்பப்பட்டதாக எஸ்.எம்.எஸ் வந்து விட்டது. ஒரு வார காலமாகியும் வங்கிக் கணக்கில் பணம் வரவில்லை என்கிறார் என் அப்பா. இதற்கான புகாரை யாரிடம் செய்வது?

ராதாகிருஷ்ணன், ராஜபாளையம்

ஆர்.கணேசன், உதவிப் பொதுமேலாளர் (ஓய்வு), பஞ்சாப் நேஷனல் பேங்க்

‘‘எந்த வங்கியிலிருந்து பணம் அனுப்பப்படுகிறதோ, அந்த வங்கிதான் அந்தப் பரிமாற்றத்துக்குப் பொறுப் பாகும். எனவே, அந்த வங்கியில்தான் இதுதொடர்பாக புகார் அளிக்க வேண்டும். புகாரின்பேரில், இதில் நடந்துள்ள தவறு என்னவென்று 24 மணி நேரத்துக்குள் கண்டறிந்து தீர்க்க முயற்சி செய்வார்கள். எனவே, நீங்கள் பணம் அனுப்பிய வங்கியை அணுகினாலே போதும்.’’

ஹெல்த் இன்ஷூரன்ஸ் பாலிசியில் அதிகபட்சம் எவ்வளவு தொகைக்கு பாலிசி கவரேஜ் எடுக்க முடியும்?

திவ்யபாரதி, சென்னை

பி.மனோகரன், இன்ஷூரன்ஸ் ஆலோசகர்

‘‘ஹெல்த் இன்ஷூரன்ஸ் பாலிசியில் அதிகபட்ச கவரேஜ் தொகையானது நிறுவனத்துக்கு நிறுவனம் மாறுபடும். ரூ.25,000 முதல் ரூ.40 லட்சம் வரை பாலிசிகள் விநியோகிக்கப்படுகின்றன.’’

டீமேட் கணக்கு தொடங்க புரோக்கிங் நிறுவனம் ஒன்றில் ரூ.4,500 கட்டணமாகக் கேட்டார்கள். இவ்வளவு தொகை ஆகுமா?

ரமேஷ் குமார், திருச்சி

எம்எஸ்ஓ.அண்ணாமலை, பங்குச் சந்தை ஆலோசகர்

‘‘சில நிறுவனங்கள், குறிப்பிட்ட அளவு தொகையை டீமேட் கணக்கைத் தொடங்கும்போதே வாங்குகின்றன. இப்படி வாங்கும் நிறுவனங்கள் ஆண்டுப் பராமரிப்புத் தொகை என்று தனியாக வாங்குவதில்லை. மேலும், இந்தத் தொகையை நீங்கள் டீமேட் கணக்கை முடிக்கும்போது திரும்பத் தந்து விடுவதாகச் சொல்கின்றன. அந்த வகையில்தான் ரூ.4,500 கேட்கிறார்கள் என்றால், அதில் தவறு இல்லை. பொதுவாக, ஆண்டுப் பராமரிப்புக் கட்டணம் ரூ.300 - ரூ500 வரை வாங்குகிறார்கள் என்பதால், இந்த அளவுக்கு டீமேட் கணக்கைத் தொடங்கும்போது கேட்க வாய்ப்பிருக்கிறது.’’

பி.மனோகரன், எம்எஸ்ஓ.அண்ணாமலை, ஜி.டி.கோபாலகிருஷ்ணன்
பி.மனோகரன், எம்எஸ்ஓ.அண்ணாமலை, ஜி.டி.கோபாலகிருஷ்ணன்

ஃபிக்ஸட் டெபாசிட்டில் போடப்பட்ட பணத்தை முதிர்வுத் தேதிக்குமுன்பாக எடுக்க முடியுமா, அப்படி எடுத்தால் அதற்கு அபராதம் வசூலிப்பார்களா?

நரேஷ் குமார், கோயமுத்தூர்

ஜி.டி.கோபாலகிருஷ்ணன், வங்கி மேலாளர், இந்தியன் வங்கி, சங்கரன்கோவில்

‘‘ஃபிக்ஸட் டெபாசிட்டில் போடப்பட்ட தொகையை முதிர்வுக் காலத்துக்கு முன்பாகவே எடுக்க முடியும். அப்படி எடுக்கும்போது, முன்னதாக எடுக்கும் கால அளவுக்கேற்ப அபராதத் தொகை வேறுபடும். வங்கிக்கு வங்கி இதற்கான விதிமுறைகள் மாறுபடும்.’’

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு