Published:Updated:

நேஷனல் ஹாட் பிட்ஸ்

அரசு சுகாதார மையம்
பிரீமியம் ஸ்டோரி
News
அரசு சுகாதார மையம்

தடுப்பூசியா, நாங்கள் விஷ ஊசி என்று நினைத்துத்தானே ஓடினோம்” என்று சொல்ல... ராஜீவ் சுக்லாவுக்கு முகத்தில் ஈயாடவில்லையாம்.

உத்தரப்பிரதேசத்தில், கொரோனா தொற்றைக் கட்டுப்படுத்த மக்களுக்குத் தடுப்பூசி செலுத்தப்பட்டுவருகிறது. அப்படிதான் பராபங்கி மாவட்டம், சிஸ்சுர்ஹா கிராமத்துக்குத் தடுப்பூசி செலுத்தவந்த மருத்துவ அதிகாரிகளைக் கண்டு ஓட்டம் பிடித்த கிராம மக்கள் சிலர், சரயு ஆற்றில் குதித்துவிட்டார்கள்.

நேஷனல் ஹாட் பிட்ஸ்

இது பற்றிக் கேள்விப்பட்ட ராம் நகர் சப் கலெக்டர் ராஜீவ் சுக்லா, நேரில் சென்று மக்களிடம் “பழைய புராணங்களையும் கதைகளையும் நம்பாதீர்கள். தடுப்பூசிதான் உங்கள் உயிரைக் காக்கும்” என்று பொறுமையாக எடுத்துச் சொன்ன பிறகே மெதுவாக முன்வந்து தடுப்பூசி போட்டுக்கொண்டார்கள். அப்போது சிலர், “தடுப்பூசியா, நாங்கள் விஷ ஊசி என்று நினைத்துத்தானே ஓடினோம்” என்று சொல்ல... ராஜீவ் சுக்லாவுக்கு முகத்தில் ஈயாடவில்லையாம். இதையடுத்து, விழிப்புணர்வை அதிகப்படுத்தும்படி அதிகாரிகளுக்கு உத்தரவிட்டிருக்கிறது மாவட்ட நிர்வாகம்! தலைவன் எவ்வழியோ...

நேஷனல் ஹாட் பிட்ஸ்

பீகார் மாநிலம், மதுபானி மாவட்டத்திலுள்ள சுக்கி கிராமத்தில் அரசு சுகாதார மையம் ஒன்று முறையாகச் செயல்படாததால், மாடுகள் கட்டும் தொழுவமாக மாறிவிட்டது. மருத்துவச் சிகிச்சைக்காக நாடே பரிதவிக்கும் நிலையில், இந்தச் சம்பவம் பலரையும் அதிர்ச்சியில் ஆழ்த்தியுள்ளது. விஷயத்தைக் கேள்விப்பட்டு அந்த கிராமத்துக்குச் சென்ற வட இந்திய ஊடகங்கள், கொரோனா தொற்றால் பாதிக்கப்பட்டவர்கள் சொந்தச் செலவில் வீட்டில் தனிமைப்படுத்திக்கொண்டிருப்பதையும், அரசு சுகாதார மையம் மாட்டுத் தொழுவமாக மாறிவிட்டதையும் படம் பிடித்துள்ளனர். அவர்களிடம், “கடந்த ஆண்டில் ஒரு மருத்துவர் அல்லது ஒரு செவிலியர்கூட இந்த சுகாதார மையத்துக்கு வரவில்லை... நாங்கள் வேறென்ன செய்ய?” என்று கேட்டு வேதனைப்பட்டுள்ளனர் கிராமத்து மக்கள். மனுஷங்கப்பா, நாங்க மனுஷங்கப்பா!

நேஷனல் ஹாட் பிட்ஸ்

வெற்றிப் புன்னகையுடன் இந்திய தேசியக்கொடியை ஏந்தி, இரு முறை ஒலிம்பிக் அரங்கில் பதக்கங்களுடன் வலம்வந்த சுஷில் குமார், கொலை வழக்கில் கைதாகியுள்ளார். முன்பகை காரணமாக 23 வயதான முன்னாள் ஜூனியர் மல்யுத்த வீரர் சாகர் ராணாவையும், அவரின் நண்பர்களையும், தன் நண்பர்களோடு சேர்ந்து கடுமையாகத் தாக்கியுள்ளார் சுஷில் குமார். இதில் சாகர் ராணா சிகிச்சை பலனின்றி இறந்துபோனார். இதையடுத்து, தலைமறைவான சுஷில் குமாரைக் கொலை வழக்கில் தேடப்படும் நபராக அறிவித்தது போலீஸ். இந்தநிலையில்தான், மேற்கு டெல்லியில் தன் நண்பர் வீட்டுக்கு சுஷில் குமார் வந்தபோது அவரைச் சுற்றி வளைத்து, கைதுசெய்தது போலீஸ். தனது 14 வயதில் எந்த சத்ரசால் ஸ்டேடியத்தில் பயிற்சியைத் தொடங்கினாரோ, அதே ஸ்டேடியத்தில் கொலைச் சம்பவத்தையும் நடத்தியுள்ளார் சுஷில் குமார். பறிபோன பெருமை!