Published:Updated:

நேஷனல் ஹாட் பிட்ஸ்

தாலிபன்
பிரீமியம் ஸ்டோரி
தாலிபன்

டெல்லி பல்கலைக்கழகத்தின் ஆங்கிலப் பாடத் திட்டத்திலிருந்த பிறமொழி எழுத்தாளர்களின் படைப்புகள் திடீரென்று நீக்கப்பட்டிருக்கின்றன

நேஷனல் ஹாட் பிட்ஸ்

டெல்லி பல்கலைக்கழகத்தின் ஆங்கிலப் பாடத் திட்டத்திலிருந்த பிறமொழி எழுத்தாளர்களின் படைப்புகள் திடீரென்று நீக்கப்பட்டிருக்கின்றன

Published:Updated:
தாலிபன்
பிரீமியம் ஸ்டோரி
தாலிபன்

தாலிபன்களால் உயரும் பிரியாணி விலை?

ஆப்கானிஸ்தானில் ஆட்சியைக் கைப்பற்றியிருக்கும் தாலிபன்களால் ஹைதராபாத்தில் பிரியாணியின் விலை உயரும் என்றால் நம்ப முடிகிறதா? நம்பித்தான் ஆக வேண்டும்! ஹைதராபாத் ஸ்டைல் பிரியாணியில் கணிசமான அளவு உலர் பழங்கள் சேர்க்கப்படும். அந்த உலர் பழங்களை 85 சதவிகிதம் அளவுக்கு ஆப்கனிலிருந்துதான் இறக்குமதி செய்கிறது இந்தியா. ஆப்கனைக் கைப்பற்றியவுடனேயே இந்தியாவுக்குச் செல்லும் சரக்குப் போக்குவரத்துக்கு தாலிபன்கள் தடைவிதித்துவிட்டனர். இதனால், இந்தியாவில் உலர் பழங்களின் விலை கடுமையாக உயர்ந்திருக்கிறது. இந்திய ஏற்றுமதிக் கூட்டமைப்பின் இயக்குநர் அஜய் சஹாய், ``தடை நீக்கப்படாவிட்டால், கையிலிருக்கும் உலர் பழங்கள் தீர்ந்துபோவதுடன், மாற்று இறக்குமதிக்கான வாய்ப்புகளை பரீசலனை செய்ய வேண்டிவரும்’’ என்றிருக்கிறார். ஹைதராபாத் பிரியாணி விற்பனையாளர்களும், ``வால்நட், ஆப்ரிகாட், பாதாம் உள்ளிட்டவற்றின் விலை கடந்த இரு தினங்களில் இரு மடங்காகிவிட்டன. பிரியாணி விலையை ஏற்றுவதைத் தவிர எங்களுக்கு வேறு வழியில்லை’’ என்கிறார்கள்.

நேஷனல் ஹாட் பிட்ஸ்

டெல்லி பல்கலைப் படைப்புகள் நீக்கம்... காரணம் சாதியப் பின்புலமா?

டெல்லி பல்கலைக்கழகத்தின் ஆங்கிலப் பாடத் திட்டத்திலிருந்த பிறமொழி எழுத்தாளர்களின் படைப்புகள் திடீரென்று நீக்கப்பட்டிருக்கின்றன. மேற்கு வங்க எழுத்தாளரும், பழங்குடிகளுக்கான செயற்பாட்டாளருமான மகாஸ்வேதா தேவியின் சிறுகதைகளும், தமிழ்நாட்டு எழுத்தாளர்களான பாமா, சுகிர்தராணி ஆகியோரின் படைப்புகளும் நீக்கப்பட்டிருப்பது சர்ச்சையைக் கிளப்பியிருக்கிறது. ‘பல்கலைக்கழகத் தேர்வுக்குழுவின் ஆலோசனைக்குப் பிறகுதான் பாடத்திட்டத்தில் மாற்றம் செய்யப்பட்டது’ என்று பல்கலைக்கழகத் தரப்பு விளக்கம் அளித்தாலும், பலரும் அதை ஏற்றுக்கொள்வதாக இல்லை. எழுத்தாளர் சுகிர்தராணி, ``எனது படைப்புகள் நீக்கப்பட்டது அதிர்ச்சி தரவில்லை. ஆனால், பட்டியல் சமூக எழுத்தாளர்களின் படைப்புகள் நீக்கப்பட்டு, உயர் வகுப்பினரின் படைப்புகள் சேர்க்கப்பட்டிருக்கின்றன. இதற்குச் சாதியப் பின்புலம்தான் காரணமாக இருக்கக்கூடும்’’ என தனது கண்டனத்தைப் பதிவுசெய்திருக்கிறார்.

பீட்சா டார்ச்சர்!

பெங்களூரு எலகங்கா, நியூ டவுன் பகுதியில் வசித்துவருகிறார் 36 வயது பெண் ஒருவர். அந்தப் பெண்ணின் சமூக வலைதளப் பக்கத்துக்கு மெசேஜ் அனுப்பிய மர்ம நபர் ஒருவர், ‘என்னைத் திருமணம் செய்துகொள்ளுங்கள்’ என்று வற்புறுத்தியிருக்கிறார். அந்தப் பெண் பதிலேதும் அளிக்காத நிலையில், மறுநாள் அந்தப் பெண்ணின் வீட்டுக்கு பீட்சா ஒன்று வந்தது. `நான் பீட்சா ஆர்டர் செய்யவில்லை’ என அந்தப் பெண் கூற, `உங்கள் பெயரில்தான் ஆர்டர் செய்யப்பட்டிருக்கிறது’ என்றிருக்கிறார் டெலிவரி பாய். வேறு வழியில்லாமல் காசு கொடுத்து பீட்சாவை வாங்கியிருக்கிறார். மறுநாள், அந்தப் பெண் வேலை பார்க்கும் அலுவலகம், வீடு, அவரின் நண்பர் வீடு... என்று அவர் செல்லுமிடமெல்லாம் பீட்சா வருகிறது. திருப்பி அனுப்பிக்கொண்டேயிருக்கிறார். சில நாள்கள் கழித்து, “நான்தான் பீட்சா ஆர்டர் செய்கிறேன். திருமணம் செய்ய ஒப்புக்கொள்ளவில்லையென்றால், தினமும் பீட்சா ஆர்டர் செய்வேன்’’ என்று மெசஞ்சரில் மிரட்டியிருக்கிறார் அந்த மர்ம நபர். அந்தப் பெண் எலகங்கா காவல் நிலையத்தில் புகார் அளித்ததைத் தொடர்ந்து, மர்ம நபரைத் தேடிவருகிறார்கள் காவல்துறையினர்.