அண்மையில் சந்தையில் வெளியான புதிய திட்டங்களில் சிலவற்றை இங்கே பார்ப்போம்.
ஏகன் லைஃப் இன்ஷூரன்ஸ்: லைஃப் + 36
ஏகன் லைஃப் இன்ஷூரன்ஸ் நிறுவனம் ‘லைஃப் + 36 கிரிட்டிகல் இல்னஸ் இன்ஷூரன்ஸ்’ என்ற புதிய இன்ஷூரன்ஸ் திட்டத்தை அறிமுகம் செய்துள்ளது. இந்தத் திட்டத்தை ஃப்ளிப்கார்ட் வலைதளத்தின் மூலம் வாங்க முடியும். லைஃப் கவரேஜ் ரூ.1 லட்சம் மதிப்புள்ள பாலிசிக்கான பிரீமியம் 153 ரூபாய். இந்த பாலிசியில் 10,000 ரூபாய் வரை மருத்துவச் செலவுகளையும் க்ளெய்ம் செய்துகொள்ளலாம். ஒரே பாலிசியில் லைஃப் மற்றும் ஹெல்த் கவர் இரண்டையும் அனுபவிக்க முடியும் என்பது இந்த பாலியின் சிறப்பு. குறிப்பாக, கேன்சர் ஹார்ட் அட்டாக், கிட்னி பாதிப்பு, பக்கவாதம் உள்ளிட்ட 36 வகையான வியாதிகள் அடங்கும்.
ஒட்டுமொத்த விகடனுக்கும் ஒரே ஷார்ட்கட்!
ஈக்விட்டாஸ் ஸ்மால் ஃபைனான்ஸ் பேங்க் ஃபிக்ஸட் டெபாசிட்!
பெரும்பாலான வங்கிகள் ஃபிக்ஸட் டெபாசிட்களுக்கு 4.5% முதல் 6% வரை வட்டி வழங்குகின்றன. சில வங்கிகள் மட்டும்தான் அதிக வட்டியை வழங்குகின்றன. அந்த வகையில், ஈக்விட்டாஸ் ஸ்மால் ஃபைனான்ஸ் பேங்க் 1 - 5 வருடங் களுக்கான ஃபிக்ஸட் டெப்பாசிட்களுக்கு 6.75% முதல் 7.35% வரையிலான வட்டியை வழங்குகிறது. மூத்த குடிமக்கள் ஆரம்பிக்கும் ஃபிக்ஸட் டெபாசிட்களுக்கு 7.95% வட்டி நிர்ணயம் செய்யப்பட்டுள்ளது. மூத்த குடிமக்களுக்கு மட்டும் முதிர்வுக் காலத்துக்கு முன் ஃபிக்ஸட் டெபாசிட்டுகளை நிறுத்தினால் அபராதத் தொகை கிடையாது.
ஆன்லைன் மூலமாகச் சேமிப்பு மற்றும் எஃப்.டி வங்கிக் கணக்கை இந்த வங்கியில் ஆரம்பிக்க முடியும். ஒரு லட்சம் ரூபாய்க்கு அதிகமாகவும், இரண்டு கோடி ரூபாய்க்கு குறைவாகவும் உள்ள சேமிப்புக் கணக்குகளுக்கு 7% வட்டியை இந்த வங்கி வழங்குகிறது. ஃபிக்ஸட் டெப்பாசிட்களிலிருந்து மாதம்தோறும் வட்டியை மட்டும் எடுத்துக் கொள்ளும் ஆப்ஷனை வங்கி வழங்குகிறது.
உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க
VIKATAN DEALSமுத்தூட்: பாதுகாப்பான என்.சி.டி!
முத்தூட் மினி ஃபைனான்ஷியர்ஸ் (Muthoottu Mini Financiers) நிறுவனம், பாதுகாப்பான என்.சி.டி (Secured NCD) வெளியிடுகிறது. இதற்கு நவம்பர் 18-ம் தேதி வரை விண்ணப்பிக்கலாம். இதன் முகமதிப்பு ரூ.1,000. குறைந்தபட்சம் 10 என்.சி.டி-க்களுக்கு அதாவது, ரூ10,000-க்கு விண்ணப்பிக்க வேண்டும். இதன் முதிர்வுக்காலம் 480 நாள்கள், 24 மாதங்கள், 36 மாதங்கள், 50 மாதங்கள் மற்றும் 85 மாதங்கள். ஆண்டுக்கு 10.5% வட்டி கிடைக்கும். இந்த என்.சி.டி-யில் என்.ஆர்.ஐ-க்கள் முதலீடு செய்ய முடியாது. இந்த என்.சி.டி மும்பை பங்குச் சந்தையில் பட்டியலிடப்படும். தற்போது வங்கிகள் டெபாசிட்டுகளுக்கு 5-8% மட்டுமே வட்டி வழங்கி வருவதால், இந்தக் கடன் பத்திரத்துக்கு வழங்கும் வட்டி கவர்ச்சிகரமானதாக இருக்கிறது.
ஐ.சி.ஐ.சி.ஐ லொம்பார்ட்: ஹெல்த் இன்ஷூரன்ஸ்!
ஐ.சி.ஐ.சி.ஐ லோம்பார்ட், ஆன்லைன் ப்ரீ-பெய்டு கார்டு வர்த்தக தளமான ஃப்ரீபே கார்டுடன் (Freepaycard) இணைந்து, மருத்துவமனை தினசரி செலவு, இறப்புப் பலன், பரவும் நோய்கள் தொடர்பான மருத்துவமனை செலவுகள் என்ற மூன்று புதிய ஹெல்த் இன்ஷூரன்ஸ் காப்பீட்டுத் திட்டங்களை அறிமுகப்படுத்தியுள்ளது. இவற்றில் முதல் பாலிசித் திட்டத்துக்கான பிரீமியம் ரூ.699 (கவரேஜ் ரூ.60,000). இரண்டாவது மற்றும் மூன்றாவது பாலிசிக்கான பிரீமியம் முறையே ரூ.699 (கவரேஜ் ரூ.1 லட்சம்) மற்றும் ரூ.379 (கவரேஜ் ரூ.75,000). உங்கள் தேவைக்கேற்ப ஏற்ப பாலிசியை எடுத்துக்கொள்ளலாம்.