Published:Updated:

அனில்... சச்சின்... சர்ச்சையில் 300 பேர்... பண்டோரா பேப்பர்ஸ் சொல்வது என்ன..?

ஒட்டுமொத்த விகடனுக்கும் ஒரே ஷார்ட்கட்

Use App
அனில் அம்பானி, சச்சின் டெண்டுல்கர்
அனில் அம்பானி, சச்சின் டெண்டுல்கர்

சர்ச்சை

பிரீமியம் ஸ்டோரி

வெளிநாட்டில் முதலீடு செய்த இந்தியர்கள் உட்பட பல பெரும் செல்வந்தர்களின் சொத்து விவரம் வெளியீடு பரபரப்பை ஏற்படுத்தியுள்ளது. உலகிலுள்ள பெரிய பத்திரிகை துறை சார்ந்த நிறுவனங்கள் இணைந்து சர்வதேச புலனாய்வு பத்திரிகை யாளர்கள் கூட்டமைப்பு (ICIJ) என்ற அமைப்பை ஏற்படுத்தியுள்ளனர். இந்த அமைப்பினர் 91 நாடுகளில் உள்ள பெரும் தொழிலதிபர்கள், விளையாட்டுப் பிரபலங்கள், முன்னாள் மற்றும் இந்நாள் ஆட்சியாளர்கள், திரைப்பட நடிகர்கள் போன்ற பெரும் செல்வந்தர்கள், வெளிநாடுகளில் சட்டத்துக்குப் புறம்பாக முதலீடு செய்த ஆவணங்களை, பண்டோரா பேப்பர்ஸ் எனும் பெயரில் வெளியிட்டுள்ளது. அது மிகப் பெரிய சர்ச்சையை தற்போது ஏற்படுத்தியுள்ளது.

ஷியாம் ராம்பாபு
ஷியாம் ராம்பாபு

இந்த அமைப்பில் பிரபல ஊடகத்துறை சார்ந்த பத்திரிகை நிறுவனங்களான தி கார்டியன், வாஷிங்டன் போஸ்ட், பி.பி.சி, நமது நாட்டைச் சேர்ந்த இந்தியன் எக்ஸ்பிரஸ் போன்றவை உள்ளன. ஏறக்குறைய 1.2 கோடி ஆவணங்களை இந்த அமைப்பினர் ‘பண்டோரா பேப்பர்ஸ்’ வாயிலாக வெளியிட் டுள்ளனர். நமது நாட்டின் முன்னணி கிரிக்கெட் வீரர் சச்சின் டெண்டுல்கர், தொழிலதிபர் அனில் அம்பானி, பிரபல தொழிலதிபர் கிரண் மஜூம்தார் ஷா, பல முன்னணி ஐ.பி.எல் அணியை வைத்துள்ள நிறுவனங்கள், பாகிஸ்தான் பிரதமர் இம்ரான் கானின் அரசில் பங்கு வகிக்கும் நிதி அமைச்சர், ஜோர்டன் அரசர் மற்றும் பல்வேறு நாட்டைச் சேர்ந்த முக்கிய பிரபலங்களின் சொத்து விவரங்களும் இவற்றுள் அடக்கம். குறிப்பாக, நமது நாட்டைச் சேர்ந்த 300 பிரபலங்கள் மற்றும் முன்னணி நிறுவனங்களின் முதலீட்டு விவரங்கள் தற்போது வெளியிடப்பட்டுள்ளன.

கறுப்புப் பணத்தை ஒழிக்க பல நடவடிக்கை களை அரசு மேற்கொண்டு வருகிறது. ஆனால், அரசின் கண்களில் மண்ணைத் தூவிவிட்டு வெளிநாடுகளில் முதலீடு செய்யப்படுவது தொடர் நடவடிக்கையாக நடந்துவருகிறது. அதை சமீப நாள்களில் மிகப் பெரிய அளவில் வெளிக்கொண்டு வந்தது ‘பண்டோரா பேப்பர்ஸ்’தான்.

இந்த ஆவணங்களை வழக்கம்போல நமது நாட்டின் பிரபலங்கள் மறுத்து வருகின்றனர். கிரிக்கெட் வீரர் சச்சின் டெண்டுல்கரின் வழக்கறிஞர் இதைப் பற்றிக் குறிப்பிடும்போது, ‘‘சச்சினின் வெளிநாட்டு முதலீடுகள் சட்டத்துக்கு உட்பட்டு வெளிநாடுகளில் வரி செலுத்தப்பட்டு செய்யப்பட்ட முதலீடுகள் ஆகும். இவற்றுள் வரி ஏய்ப்பு எதுவும் நடைபெறவில்லை’’ என்று குறிப்பிட்டுள்ளார்.

அனில் அம்பானி
அனில் அம்பானி

மேலும், ரிலையன்ஸ் கம்யூனிகேஷன் நிறுவனத்தின் தலைவரான அனில் அம்பானி பத்துக்கும் மேற்பட்ட நிறுவனங்களை வெளிநாட்டில் திறந்து உள்ளது கண்டறியப் பட்டுள்ளது. அனில் அம்பானிக்கு மிகப் பெரிய அளவில் கடன் உள்ளது. லண்டன் கோர்ட்டில் நடைபெற்ற வழக்கில் தன்னுடைய நிகர சொத்து மதிப்பு பூஜ்யம் என்று அவர் தெரிவித்திருந்தார். அவர் சார்ந்த நிறுவனப் பங்குகள், முதலீட்டாளர்களுக்கு கடுமையான நஷ்டத்தைக் கடந்த காலங்களில் கொடுத்திருக் கிறது. ஆனால், இந்த ஆவணங்கள் அவரின் வெளிநாட்டு சொத்து விவரங்களை வெளிக் கொணர்வதாக உள்ளன.

கறுப்புப் பணத்தை வெளிநாடுகளில் முதலீடு செய்ய உதவுவதற்காகப் பல நாடுகளில் ஏஜென்சிகள் வேலை செய்கின்றன. மொரீஷியஸ், ஸ்விட்சர்லாந்து, கேமேன் தீவுகள், துபாய், பனாமா தீவுகள் போன்ற நாடுகளில் செய்யப்படும் முதலீடுகளுக்கு அல்லது அந்த முதலீடுகளில் பெறப்படும் லாபத்துக்குப் பெரும்பாலும் வரி எதுவும் விதிக்கப்படுவது இல்லை.

சச்சின் டெண்டுல்கர்
சச்சின் டெண்டுல்கர்

இந்தியாவில் உள்ள கறுப்புப் பணத்தைப் பெரும்பாலும் செல்வந்தர்கள் இது போன்ற நாடுகளில்தான் முதலீடு செய்கின்றனர். இந்த நாடுகளில் செல்வந்தர்கள் போலியாக புதிய நிறுவனங்களைத் தோற்றுவித்து தமது கறுப்புப் பணத்தை இந்த நிறுவனங்களில் முதலீடு செய்கின்றனர். இந்த முதலீட்டிலிருந்து லாபம் வந்ததுபோல, போலி கணக்குகள் காட்டப்படுகின்றன. இந்த நிறுவனங்கள் பொதுவாக ஷெல் நிறுவனங்கள் என்று அழைக்கப்படுகின்றன.

இந்த ஷெல் நிறுவனங்களில் பணியாளர்கள் பெரியளவில் வேலை செய்ய மாட்டார்கள். போலியாக அந்த நிறுவனம் லாபம் ஈட்டியது போல, கணக்குகள் காட்டப்படும். அந்த நாடுகளில் ஈட்டிய வருமானத்துக்குப் பெரும்பாலும் வரி செலுத்த வேண்டிய தேவை இருக்காது. அவ்வாறு ஈட்டிய வருமானத்தைக் கொண்டு வெளிநாடுகளில் சொத்துகளை வாங்கிக் குவிக்கின்றனர். அல்லது அந்தப் பணத்தை மீண்டும் நமது நாட்டுக்கு முதலீடாகக் கொண்டு வருகின்றனர். இவ்வாறாக கறுப்புப் பணம் சுழற்சியில் வெளிநாடுகளில் சொத்துகளாகவோ, மீண்டும் நமது நாட்டில் வெள்ளைப் பணமாகவோ மாற்றப்படுகிறது. இதைச் செய்துகொடுக்கும் ஏஜென்டுகளுக்கு கமிஷன் தொகை கொடுப்பதன் மூலம் இந்தச் சுழற்சி சிறப்பாக நடைபெறுகிறது.

இதுபற்றிக் கருத்து தெரிவித்துள்ள மத்திய அரசு தரப்பு ‘பண்டோரா பேப்பர்ஸ்’ அமைப்பு வெளியிட்டுள்ள விவரங் களை விசாரிப்பதற்கு சி.பி.ஐ தரப்பில் குழு அமைக்கப் பட்டுள்ளது. இந்த விவரங்களை ஆராய்ந்து தவறு எதுவும் நடைபெற்று இருந்தால், கடுமையான நடவடிக்கை மேற்கொள்ளப்படும் என்று தெரிவித்துள்ளது.

மத்திய அரசு கறுப்புப் பண ஒழிப்பு சார்ந்த பல நடவடிக்கைகளைத் தொடர்ந்து எடுத்து வருகிறது. இதில் ஒரு பங்காக அரசு எடுத்த பண மதிப்பிழப்பு நடவடிக்கை என்பது மிகவும் துணிச்சலான நடவடிக்கையாக அரசால் கூறப்பட்டு வருகிறது. ஆனால், ‘பண்டோரா பேப்பர்ஸ்’ ஆவணங்கள் கறுப்புப் பணம் உருவாவது இன்னும் முழுமையாக ஒழிந்துவிடவில்லை என்பதையே ஆணித்தரமாக எடுத்துச்சொல்வதாக இருக்கிறது.

கறுப்புப் பணம் என்ற விஷ விதை நமது நாட்டில் மட்டும் பாதிப்பை ஏற்படுத்துவதாக இல்லை. இது உலகளாவிய விஷயமாகும். 91 நாடுகளில் நடைபெற்ற முறைகேட்டைக் கூறுவதன் மூலம் கறுப்புப் பணம் எப்படி உலக அளவில் பரந்து விரிந்திருக்கிறது என்பதைக் கூறுவதாக அமைந்துள்ளது.

மூன்றாவது கண் என்று அழைக்கப்படும் பத்திரிகைதுறை சார்ந்த அமைப்பு இவ்வளவு பெரிய முறைகேட்டை வெளிக் கொண்டு வந்திருப்பது உண்மை யிலேயே பாராட்டப்பட வேண் டிய விஷயமாக இருக்கிறது. இவ்வளவு பெரிய புலனாய்வு நடவடிக்கையை ரகசியமாக ஒன்றிணைத்து தக்க சமயத்தில் வெளியிட்டதன் மூலம் ஊடகங் களின் அமைப்பு சிறப்பாகச் செயல்பட்டுள்ளது.

ஆட்சி அதிகாரத்தை வைத்துள்ள இந்த 91 நாட்டை சார்ந்த அதிகாரத்தைக் கொண் டுள்ள ஆட்சியாளர்கள், இந்த முறைகேட்டில் ஈடுபட்ட நபர்கள் மீது என்ன நடவடிக்கை எடுக்கப்போகிறார்கள் என்பதைப் பொறுத்தே கறுப்புப் பணத்தை ஓரளவுக்காவது கட்டுப்படுத்த முடியும். அதுவரை எவ்வளவு பாடுபட்டாலும் கறுப்புப் பணத்தைத் தடுக்க முடியாது என்பதே கசப்பான உண்மை!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு