Published:Updated:

பாரம்பர்யச் சுவை: கருப்பட்டிப் பொங்கல்... இது தூத்துக்குடி கிராமப் பெண்களின் கைமணம்!

கமகமக்குது கருப்பட்டிப் பொங்கல்!
பிரீமியம் ஸ்டோரி
கமகமக்குது கருப்பட்டிப் பொங்கல்!

நமக்காக வீட்டுவாசலில் கோலமிட்டு வெண்கலப் பானையில் பொங்கலிட்டே காண்பித்தார் தனலட்சுமி.

பாரம்பர்யச் சுவை: கருப்பட்டிப் பொங்கல்... இது தூத்துக்குடி கிராமப் பெண்களின் கைமணம்!

நமக்காக வீட்டுவாசலில் கோலமிட்டு வெண்கலப் பானையில் பொங்கலிட்டே காண்பித்தார் தனலட்சுமி.

Published:Updated:
கமகமக்குது கருப்பட்டிப் பொங்கல்!
பிரீமியம் ஸ்டோரி
கமகமக்குது கருப்பட்டிப் பொங்கல்!

தித்திக்கும் வெல்லத்தில் சர்க்கரைப் பொங்கலின் சுவை ஏகாந்தம்... அதுவே கருப்பட்டியில் செய்த பொங்கலாக இருந்தால்..? `பரமானந்தம்' என்கிறார்கள் பனை மரங்கள் சூழ்ந்த தூத்துக்குடி மாவட்டம் உடன்குடி அருகிலுள்ள படுக்கப்பத்து கிராமத்துப் பெண்கள்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

நமக்காக வீட்டுவாசலில் கோலமிட்டு வெண்கலப் பானையில் பொங்கலிட்டே காண்பித்தார் தனலட்சுமி. “நாங்க சின்ன வயசா இருக்கிறப்ப கருப்பட்டி காபிதான்...

பாரம்பர்யச் சுவை; கருப்பட்டிப் பொங்கல்
பாரம்பர்யச் சுவை; கருப்பட்டிப் பொங்கல்

தின்பண்டமும் கருப்பட்டியில செஞ்சதாத்தான் இருக்கும். காபியோட மணம் வீட்டைத் துளைக்கும். எங்க பாட்டி, அம்மா காலத்துல இந்தப் பகுதி முழுவதும் தைப் பொங்கல் அன்னிக்கு கருப்பட்டிப் பொங்கல் செய்றதுதான் வழக்கம். கரும்புச் சாற்றிலிருந்து தயாரிக்கப்படுகிற அச்சு வெல்லம், உருண்டை வெல்லத்தை மக்கள் அதிகமா பயன்படுத்த ஆரம்பிச்சதனால கருப்பட்டிப் பொங்கல் வழக்கத்தை மறந்துட்டாங்க. எங்களை மாதிரி சிலர் மட்டும் பாரம்பர்யத்தை மாத்தாம இன்னும் கருப்பட்டியிலதான் பொங்கல் செய்றோம்.

வெங்கலப் பானை, செம்புப் பானையை விட மண்பானைதான் கருப்பட்டிப் பொங்கல் செய்ய சிறப்பா இருக்கும். பானையில் பால் பொங்கினதும் சிவப்பு சம்பா அரிசியை களைஞ்சுப் போடணும். அரிசி வெந்ததும், தூளாக்கிய கருப்பட்டியைப் போட்டுக் கிளறணும். ஏலக்காய், முந்திரிப் பருப்பு, கிராம்பு, சுக்குப்பொடி, தேங்காய்த் துருவல் சேர்த்துக் கிளறணும். பொங்கல் செய்ய நினைக்கிறவங்க வார்ப்புக் கருப்பட்டியை உபயோகப்படுத்தலாம். இது கருப்பட்டியா மாறுவதுக்கு முந்தைய பதம். இந்தப் பொங்கல்ல நெய் சேர்க்கமாட்டோம். அதனால எவ்வளவு சாப்பிட்டாலும் திகட்டாது. வயிறு மந்தமில்லாமல் எளிதா செரிமானம் ஆகிடும்'' என்றபடியே கருப்பட்டிப் பொங்கலை நமக்குத் தந்தார். தித்தித்தது நாக்கும் மனதும்.

கமகமக்குது கருப்பட்டிப் பொங்கல்!
கமகமக்குது கருப்பட்டிப் பொங்கல்!

ஒரிஜினல் கருப்பட்டியை அடையாளம் காண்பது எப்படி?

``கருப்பட்டியைக் கடித்து மெல்லும்

போது அதன் சுவை கரிப்புத்தன்மை

யுடன் கூடிய இனிப்புச்சுவையாக இருந்

தால் அதுதான் ஒரிஜினல். மெல்லும்போது கருப்பட்டி வாசனையுடனோ, வாசனை இல்லா

மலோ சீனிக்கு உண்டான இனிப்புச் சுவை மட்டும் தெரிந்தால் அது போலி கருப்பட்டி. முழுக் கருப்பட்டியை உடைத்துப் பார்த்தால் கறுப்பும் பழுப்பும் கலந்த நிறத்தில் மங்கலாக இருக்கும். போலி கருப்பட்டியின் உட்புறமோ பளபளப்பாக இருக்கும்.

கடைகளிலிருந்து வாங்கி வீட்டில் வைத்திருக்கும் கருப்பட்டி, சில நாள்களில் அல்லது சில வாரங்களில் கெட்டித்தன்மையில் இருந்து இளக ஆரம்பித்தால் அது போலி. கல்லுபோல அப்படியே இருந்தால் ஒரிஜினல். கருப்பட்டியைக் கையில் எடுத்து உற்றுப் பார்த்தால் பளபளப்பில்லாமல் இருந்தால் அது ஒரிஜினல். கருப்பட்டியைத் தடவிப் பார்க்கும்போது வெள்ளையாக மைதா மாவு போல படர்ந்திருந்து, அது கையில் ஒட்டினால் அது போலி.

பாரம்பர்யச் சுவை: கருப்பட்டிப் பொங்கல்... இது தூத்துக்குடி கிராமப் பெண்களின் கைமணம்!

தேங்காயைத் தட்டிப்பார்ப்பது போல, கருப்பட்டியின் பின்புறம் தட்டிப்பார்க்கும்போது சத்தம் மிதமாகக் கேட்டால் அது ஒரிஜினல்... சத்தம் அதிகமாகக் கேட்டால் அது போலி. ஒரு டம்ளர் தண்ணீரில் கருப்பட்டித் துண்டைப் போட்டால் முழுவதும் கரைய குறைந்தது ஒன்றரை மணி நேரத்துக்கு மேல் ஆகும். போலி என்றால் 30 நிமிடங்களிலேயே பாதி கரைந்துவிடும்.

நாள்பட்ட கருப்பட்டியின் மேற்புறம் புள்ளி புள்ளியாக மாறும். பதநீரில் சுண்ணாம்பு சேர்ப்பதால் இப்படியாகிறது. இதனால் பாதிப்பில்லை. போலி கருப்பட்டியில் புள்ளி வராது” என்கின்றனர் கருப்பட்டி காய்ச்சும் தொழிலில் அனுபவமுள்ள சிலர்.

பாரம்பர்யச் சுவை: கருப்பட்டிப் பொங்கல்... இது தூத்துக்குடி கிராமப் பெண்களின் கைமணம்!

கருப்பட்டியின் மருத்துவ குணங்கள் குறித்து திருநெல்வேலி மாவட்டம் பாபநாசத்தைச் சேர்ந்த சித்த மருத்துவர் மைக்கேல் செயராசுவிடம் பேசினோம், “கருப்பட்டி ரத்தத்தைச் சுத்திகரித்து உடலைக் குளிர்ச்சியாகவும், மேனியை பளபளக்கவும் வைக்கிறது. பெண்கள் பூப்பெய்திய நேரத்தில் ரத்தப்போக்கைக் கட்டுப்படுத்தவும், இடுப்பு, கர்ப்பப்பை வலுவாகவும் செய்துதரும் உளுந்தங்களியில் கருப்பட்டி சேர்ப்பார்கள். இதில் இரும்புச்சத்தும் சுண்ணாம்புச்சத்தும் அதிகம் உள்ளது. பற்களையும் எலும்புகளையும் வலுவடைய செய்கிறது'' என்கிறார்.

அப்புறமென்ன... ஒரிஜினல் கருப்பட்டியில் மணக்கட்டும் உங்கள் வீட்டுப் பொங்கல்!