Published:Updated:

குழந்தைகளின் கண்களை பாதிக்கும் ‘க்வாரன்டீன் மயோபியா’! - வருமுன் காக்கும் வழிகள்

க்வாரன்டீன் மயோபியா
பிரீமியம் ஸ்டோரி
News
க்வாரன்டீன் மயோபியா

பெருந்தொற்றுக் காலம் என்பதால் மருத்துவமனைகளுக்கு வரும் நோயாளிகளின் எண்ணிக்கை குறைந்துள்ளது. இது பிரச்னையை ஆரம்பத்திலேயே கண்டறிவதைத் தாமதப்படுத்தும்.

‘வாணலிக்குத் தப்பி அடுப்புல விழுந்தது போல’ என சொல்லக் கேட்டிருப்போம். அதே தான் கொரோனா காலத்தில் நடந்தேறியிருக் கிறது. கோவிட் தொற்றுக்கு பயந்து நமது உலகமே கேட்ஜெட்டின் மூலம் சுழலத் தொடங்கியது. விளைவு குழந்தைகளுக்கு ‘க்வாரன்டீன் மயோபியா’ (Quarantine Myopia) என்ற கண் சார்ந்த பிரச்னை அதிகரித்திருக்கிறது என்கின்றனர் மருத்துவர்கள்.

அதென்ன ‘மயோபியா’?

‘மயோபியா’ என்பது கிட்டப்பார்வைக் கோளாறு. அருகில் இருப்பது நன்றாகத் தெரியும். 3 முதல் 6 அடி தூரத்திலுள்ள பொருள்கள், எழுத்துகள் சரியாகத் தெரியாது. பெருந்தொற்றுக் காலத்தில் இது அதிகரித்துள்ள தால் ‘க்வாரன்டீன் மயோபியா’ என்று பெயரிடப்பட்டுள்ளது.

“பெருந்தொற்றுக் காலம் என்பதால் மருத்துவமனைகளுக்கு வரும் நோயாளிகளின் எண்ணிக்கை குறைந்துள்ளது. இது பிரச்னையை ஆரம்பத்திலேயே கண்டறிவதைத் தாமதப்படுத்தும். சீனா, கனடா நாடுகளில் க்வாரன்டீன் மயோபியா அதிகரித்துள்ளதை யடுத்து, இந்தியாவிலும் இது தொடர்பான ஆய்வை நடத்த வேண்டியது அவசியம்” என்கிறார் மதுரையைச் சேர்ந்த மூத்த கண் மருத்துவர் கிருஷ்ணதாஸ்.

பெரியவர்களிடமும் கேட்ஜெட் பயன்பாடு அதிகரித்திருக்கும்போது குழந்தைகளை மட்டும் இந்தப் பிரச்னை பாதிப்பது ஏன் என்று விளக்குகிறார்.

குழந்தைகளின் கண்களை பாதிக்கும் ‘க்வாரன்டீன் மயோபியா’! - வருமுன் காக்கும் வழிகள்

“10 வயதுக்குட்பட்ட குழந்தைகளின் கண்கள் அதிக நெகிழ்வுத்தன்மையுடன் இருக்கும் அவர்கள்தான் இந்தப் பிரச்னையால் அதிகம் பாதிக்கப்படுகின்றனர். அதிக கேட்ஜெட் பயன்பாட்டினால் பெரியவர் களுக்கு வறண்ட கண்கள், கண்களில் வலி, நீர் வடிதல் போன்ற சிறிய பிரச்னைகள்தான் ஏற்படும். கண்களில் நெகிழ்வுத்தன்மை குறைந்து திடமாகத் தொடங்க விடுவதால் 10 வயதுக்கு மேற்பட்ட மற்றும் பதின்பருவ குழந்தைகளுக்கும் பெரியவர்களுக்கு ஏற்படும் இந்தப் பிரச்னைகள்தான் அதிகம் ஏற்படும்.

மூன்று முக்கிய காரணங்கள்!

அம்மாவுக்கோ, அப்பாவுக்கோ அல்லது இருவருக்குமோ இந்தப் பிரச்னை இருந்தால் மரபியல் ரீதியாக குழந்தைகளுக்கு கிட்டப் பார்வை பிரச்னை ஏற்படலாம். அதீதமாக புத்தகம் படித்தாலும் இந்தப் பிரச்னை ஏற்படும். பெருந்தொற்றுக் காலத்தில் குழந்தைகள் வெளியே விளையாடுவதும் மிக மிகக் குறைந்துவிட்டது. கண்களின் வளர்ச்சிக்கு முக்கியமான சூரிய ஒளி இல்லாதது, கேட்ஜெட்ஸை பார்க்கும் ஸ்கிரீன் டைம் அதிகரித்துள்ளது என இரண்டு காரணங்களால்தான் ‘க்வாரன்டீன் மயோபியா’ அதிகரித்துள்ளது. கண்களின் முன்பகுதியிலிருந்து பின்பகுதி வரையான நீளம் சராசரியாக 24 மி.மீ. கேட்ஜெட்ஸ் பயன் பாட்டின் காரணமாக கிட்டப் பார்வையிலேயே அதிக நேரம் கவனம் செலுத்தும்போது கண்களின் அமைப்பு பலவீன மாகி, அதன் நீளம் 25, 26, 27 மீ.மீ என அதிகரிக்கும். இதனால் தூரத்திலிருந்து வரக்கூடிய ஒளிக்கதிர்கள் பார்வைக்கான விழித்திரை நரம்பின் மேல் விழாமல், சற்று முன்னாடியே விழும். இதனால் கண்களால் தூரத்திலிருக்கும் பொருள்களை சரியாக ஃபோகஸ் செய்ய முடியாமல் போகும். பள்ளிகள் திறந்தால் பல குழந்தைகள் போர்டு தெரியவில்லை என்று புகார் சொல்லக்கூடும். ஏற்கெனவே பார்வைக் கோளாறுக்கு கண் ணாடி அணிந்திருக்கும் நிலையில் மயோபியா பாதித்தால் பிரச்னையின் தீவிரம் கூடும்.

குழந்தைகளின் கண்களை பாதிக்கும் ‘க்வாரன்டீன் மயோபியா’! - வருமுன் காக்கும் வழிகள்

அறிகுறிகள்!

தூரத்திலுள்ள பொருள்கள் தெரியாது, திரையை அருகில் வைத்துப் பார்ப்பது, தூரத்தில் பார்க்கும்போது கண்களைச் சுருக்குவது, கண்களில் கூச்சம், நீர்வடிதல் போன்ற அறிகுறிகள் தென்படலாம். இந்தப் பிரச்னையை ஆரம்பத்திலேயே கண்டறிந்து, கண்ணாடி அணிந்தால் தூரத்திலிருக்கும் பொருள்கள் தெரியும். பிரச்னைத் தீவிரமாகி கண்களின் வளர்ச்சி பாதித்தால், 40 வயதுகளில் கண்களில் அழுத்தம் ஏற்பட்டு நிரந்தர பார்வை இழப்பு, நரம்புகள் பலவீனமடைந்து விழித்திரை விலகுதல் போன்ற தீவிர பிரச்னைகள் பாதிக்கலாம்.

தீர்வுகள்!

10 வயதுக்குட்பட்ட குழந்தை களுக்கு தினசரி அதிகபட்சம் 2 மணி நேரத்துக்கு மேல் ஸ்கிரீன் டைம் இருக்கக் கூடாது. பள்ளிகளும் இதைக் கருத்தில்கொண்டு நேரத்தைக் குறைக்க வேண்டும். தொடர்ச்சியாக 15-20 நிமிடங்கள் திரையைப் பார்க்க நேர்ந்தால், ஒன்றிரண்டு நிமிடங்கள் தூரத்திலிருக்கும் பொருள்களில் கவனம் செலுத்தும்படி பெற்றோர், ஆசிரியர்கள் அறிவுறுத்த வேண்டும். கூடுமானவரை சூரிய வெளிச்சம் படும் இடத்தில் அமர்ந்து ஆன்லைன் வகுப்புகளில் பங்கேற்கச் செய்யலாம். காலை, மாலை இள வெயிலில் 2 மணி நேரம் குழந்தைகளை வெளியே பாதுகாப்பாக விளையாட அனுமதியுங்கள்.''