Published:Updated:

7 பேர் விடுதலை... ஆளுநர் மறுத்தது உண்மையா... வதந்தியா?

7 பேர் விடுதலை விவகாரம்
பிரீமியம் ஸ்டோரி
7 பேர் விடுதலை விவகாரம்

`ஏழு பேரின் விடுதலை விவகாரத்தில் தமிழக அரசின் தீர்மானத்தை ஆளுநர் ஏற்க மறுத்துவிட்டதாக வெளிவந்திருக்கும் தகவல்கள் உண்மையா... வதந்தியா?’ என்ற கேள்வி, பரபர விவாதத்தைக் கிளப்பியுள்ளது.

7 பேர் விடுதலை... ஆளுநர் மறுத்தது உண்மையா... வதந்தியா?

`ஏழு பேரின் விடுதலை விவகாரத்தில் தமிழக அரசின் தீர்மானத்தை ஆளுநர் ஏற்க மறுத்துவிட்டதாக வெளிவந்திருக்கும் தகவல்கள் உண்மையா... வதந்தியா?’ என்ற கேள்வி, பரபர விவாதத்தைக் கிளப்பியுள்ளது.

Published:Updated:
7 பேர் விடுதலை விவகாரம்
பிரீமியம் ஸ்டோரி
7 பேர் விடுதலை விவகாரம்

`ராஜீவ் காந்தி கொலை வழக்கு தொடர்பாக 28 ஆண்டுகளுக்கும் மேலாக சிறையில் உள்ள நளினி, முருகன், சாந்தன், பேரறிவாளன், ராபர்ட் பயஸ், ரவிச்சந்திரன், ஜெயக்குமார் ஆகிய ஏழு தமிழர்களின் விடுதலை விவகாரத்தில் தமிழக அரசே முடிவெடுக் கலாம்’ என உச்ச நீதிமன்றம் தெரிவித்திருந்தது. இதையடுத்து, கடந்த ஆண்டு செப்டம்பர் மாதம் ஏழு பேரின் விடுதலை தொடர்பான பரிந்துரைத் தீர்மானத்தை, ஆளுநர் பன்வாரிலால் புரோகித்துக்கு தமிழக அமைச்சரவை அனுப்பியிருந்தது. தீர்மானம் அனுப்பப்பட்டு 13 மாதங்கள் கடந்த நிலையில், இந்த விவகாரத்தில் எந்தவித அதிகாரபூர்வ முடிவையும் ஆளுநர் வெளியிடவில்லை. இந்த நிலையில் தீர்மானத்தை ஏற்க ஆளுநர் மறுத்துவிட்டதாகவும், அதை வாய்மொழியாக முதல்வர் எடப்பாடி பழனிசாமியிடம் அவர் தெரிவித்து விட்டதாகவும் தகவல் வெளியாகி யுள்ளது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இதுதொடர்பாக தமிழக சட்டத்துறை அமைச்சர் சி.வி.சண்முகத்திடம் பேசினோம். ‘‘ஆளுநரிடமிருந்து அதிகாரபூர்வ பதில் எதுவும் கிடைக்காமல், அனுமானத்தில் வெளியாகும் செய்திகளுக்கு எங்களால் விளக்கமளிக்க முடியாது’’ என்றார் கறாராக.

7 பேர் விடுதலை விவகாரம்
7 பேர் விடுதலை விவகாரம்

மீன்வளத்துறை அமைச்சர் ஜெயக்குமார், ‘‘அமைச்சரவை முடிவு என்பது, ஒட்டுமொத்த தமிழகத்தின் உணர்வு. ஆனால், ஆளுநர் தன் விருப்பத்தின்படிதான் முடிவெடுப்பார். அதில் நாங்கள் தலையிட முடியாது’’ என்றார்.

நளினியின் சகோதரர் பாக்கியநாதன், ‘‘ஏழு தமிழர்களுக்கான விடுதலை, பல ஆண்டுகாலப் போராட்டம். வாய்மொழியாகச் சொன்னதாக வெளியாகும் செய்திகள் வதந்தியாக இருக்கும் என்றே நம்புகிறோம். ஆளுநர், இதில் விரைந்து முடிவெடுக்க வேண்டும்’’ என்றார்.

அ.தி.மு.க-வின் கூட்டணிக் கட்சியான பா.ம.க-வின் நிறுவனர் ராமதாஸ் விடுத்துள்ள அறிக்கையில், ‘தீர்மானம் குறித்து ஆளுநருக்கு பலமுறை நினைவூட்டப்பட்டும், அவர் அதில் எந்தவித முடிவும் எடுக்காமல் இருக்கிறார். அதன் அடிப்படையிலேயே அவர் தீர்மானத்தை ஏற்றுக்கொள்ள மறுத்ததாகச் செய்தி வெளியாகியிருக்கும். ஆளுநர் தீர்மானத்தையே ஏற்றுக்கொள்ள மறுத்தார் என்றால், அதை அவர் அதிகாரபூர்வமாக அறிவிக்க வேண்டும்’ எனக் குறிப்பிட்டுள்ளார்.

நளினி, முருகன் உள்ளிட்டோரின் வழக்கறிஞர் புகழேந்தி, ‘‘தீர்மானத்தை நிராகரிக்க, ஆளுநருக்கு அதிகாரம் கிடையாது. முடிவெடுக்க ஆளுநர் இத்தனை நாள்கள் தாமதப்படுத்துவதே கைதுசெய்யப்பட்டவர்களின் உரிமைக்கு எதிரானதுதான். இதை அடிப்படையாகக் கொண்டு உச்ச நீதிமன்றத்தை அணுகலாம் என்று இருக்கிறோம்’’ என்றார்.

இது, 28 வருடப் போராட்டம். முன்னாள் சி.பி.ஐ அதிகாரி களும் ராஜீவ் கொலை வழக்கை விசாரித்த நீதிபதிகளுமே, ‘விடுதலை செய்வதே சரி’ என்ற நிலைப்பாட்டில் இருக்கிறார்கள். இந்த நிலையில் ‘ராஜீவ் காந்தியைக் கொன்றது விடுதலைப் புலிகள்தான்’ என்று சமீபத்தில் சீமான் பேசியிருப்பது, இவர்களின் விடுதலையில் சிக்கலை ஏற்படுத்தலாம் என்ற பேச்சுக்களைக் கிளப்பியிருக்கிறது. எனவே, இந்த விஷயத்தில் ஆளுநர் விரைந்து முடிவெடுப்பது எல்லாவற்றுக்கும் முற்றுப்புள்ளி வைப்பதாக இருக்கும்.