Published:Updated:

வெளிநாட்டுக் கல்விக்கு கைகொடுத்த எஸ்.ஐ.பி முதலீடு!

வெளிநாட்டுக் கல்விக்கு கைகொடுத்த எஸ்.ஐ.பி முதலீடு!
பிரீமியம் ஸ்டோரி
News
வெளிநாட்டுக் கல்விக்கு கைகொடுத்த எஸ்.ஐ.பி முதலீடு!

நானும் எஸ்.ஐ.பியும்!

ம் குழந்தைகளைப் பற்றிய கனவுகள் நமக்குப் பெரிதாக இருப்பது தவறில்லை. ஆனால், அந்தக் கனவுகளை நிறைவேற்ற நம்முடைய முதலீட்டு முயற்சிகள் முனைப்பாக இருக்க வேண்டும். நம் இலக்கு களுக்கான முதலீடுகளை முறையாகச் செய்ய ஆரம்பித்துவிட்டாலே எவ்வளவு பெரிய கனவையும் வாழ்க்கையில் நனவாக்கிக் காட்ட முடியும். இதற்குச் சரியான உதாரணமாகத் திகழ்கிறார் சென்னை கேளம்பாக்கத்தைச் சேர்ந்த முகுந்த்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

63 வயதான இவர், கடந்த 25 வருடங்களுக்குமேலாக மியூச்சுவல் ஃபண்டில் எஸ்.ஐ.பி முறையில் முதலீடு செய்துவருகிறார். தன் மகளை வெளிநாட்டுக்கு அனுப்பிப் படிக்க வைக்க வேண்டும் என விரும்பிய இவர், அதற்கான முதலீடுகளை எஸ்.ஐ.பி முறையில் செய்ததே சிறப்பு. அவர் தன் முதலீட்டு அனுபவங்களை நம்முடன் பகிர்ந்துகொண்டார்.

வெளிநாட்டுக் கல்விக்கு கைகொடுத்த எஸ்.ஐ.பி முதலீடு!

“நான்கு வருடங்களுக்குமுன் பணிஓய்வு பெற்றேன். பி.எஃப் பென்ஷன் மற்றும் மியூச்சுவல் ஃபண்ட் முதலீடு மூலமான தொகைமூலம் ஓய்வுக்காலத்தை நிம்மதியாகக் கழித்து வருகிறேன். நான் ஆரம்பத்தில் எஸ்.ஐ.பி முறையில் மாதந்தோறும் ரூ.1,000 முதலீடு செய்துவந்தேன். அதனை ரூ.2,000 எனப் படிப்படியாக அதிகரித்தேன். எங்களுக்கு ஒரே பெண். அவளுக்கு நல்ல கல்வி கொடுக்கத் திட்டமிட்டோம். அவளை அமெரிக்காவில் படிக்க வைக்க எஸ்.ஐ.பி முறையில் முதலீடு செய்தேன். அதன்மூலம் கிடைத்த தொகையைக்கொண்டே என் மகளை அமெரிக்காவில் படிக்கவைத்தேன். தற்போது அவர் கனடாவில் வேலை பார்த்து வருகிறார்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

வெளிநாட்டுக் கல்விக்கு கைகொடுத்த எஸ்.ஐ.பி முதலீடு!

எனது எஸ்.ஐ.பி அனுபவத்தில், பங்குச் சந்தையின் இறக்கத்தால் குறுகிய காலத்தில்தான் ஈக்விட்டி மியூச்சுவல் ஃபண்டுகளில் லாபம் குறைந்தது. நீண்ட காலத்தில் அவை மிகவும் லாபகரமாகவே இருந்தது. நான் முதலீடு செய்திருந்த, பங்குச் சந்தை சார்ந்த ஃபண்டுகள் ஆண்டுக்குச் சராசரியாக 18-20% வருமானம் கொடுத்திருக்கிறது. இதற்குக் காரணம், சந்தை இறக்கத்தில் ஒருபோதும் எஸ்.ஐ.பி முதலீட்டை நான் நிறுத்தியதில்லை. இதற்குக் காரணம் என் நிதி ஆலோசகர் ‘ஷான்வெல்த்’ சண்முகத்தின் தொடர் ஆலோசனையே” என்றவர், இன்றைய இளைஞர் களுக்கு ஒரு நல்ல ஆலோசனை வழங்கினார்.

“நான் வேலைக்குச் சேர்ந்து 15 ஆண்டுகள் கழித்துத்தான், எதிர்காலத் தேவைக்காக முதலீடு செய்ய ஆரம்பித்தேன். இதனால் நான் முதலீடு செய்யவேண்டிய தொகை அதிகமாக இருந்தது. இன்றைய இளைஞர்கள் கைநிறைய சம்பளம் வாங்கு கிறார்கள். அவர்கள் முதல் சம்பளம் வாங்கிய உடனே முதலீட்டை ஆரம்பிக்க முடியும். அப்படிச் செய்யும்போது, குறைவான தொகையை முதலீடு செய்து வந்தாலே இலக்கு தொகை அல்லது அதைவிட அதிகமாகச் சேர்த்துவிட முடியும்” என்றார்.

அனுபவமே நல்ல பாடம் என்பார்கள். முகுந்த் சொல்கிற யோசனையை இன்றைய இளைஞர்கள் அவசியம் பின்பற்றி நடக்கவேண்டும்.

உங்களின் எஸ்.ஐ.பி முதலீட்டு அனுபவங்களை finplan@vikatan.com

என்ற மெயிலுக்கு அனுப்பிவைக்கலாம்.