Published:Updated:

சாவரின் கோல்டு பாண்டு... தங்கப் பத்திர முதலீடு லாபம் தருமா?

சாவரின் கோல்டு
பிரீமியம் ஸ்டோரி
News
சாவரின் கோல்டு

அடிக்கடி கேட்கப்படும் கேள்விகள், பதில்கள்

FAQ

ங்கம் வாங்குவது நம் மக்களுக்கு மிகவும் பிடித்த பொழுதுபோக்கு. தங்கம் வாங்குவது என்று முடிவெடுத்தால், அதை நகைகளாக வாங்குவதால், செய்கூலி, சேதாரம் எனப் பல வகைகளில் பணத்தை இழக்க வேண்டியிருக்கிறது. ஆபரணத் தங்கமாக வாங்காமல், முதலீடு என்ற நோக்கில் வாங்க நினைப்பவர்களுக்கு மத்திய அரசாங்கம் வெளியிடும் ‘சாவரின் கோல்டு பாண்ட்’ என்பது மிகச் சரியான முதலீடாக இருக்கும். இந்த பாண்டுகள் பற்றி அடிக்கடி கேட்கப் படும் சில கேள்விகளுக்கான பதில்களைப் பார்ப்போம்.

சாவரின் கோல்டு பாண்டு என்றால் என்ன?

‘‘இந்திய அரசாங்கத்தின் சார்பாக ரிசர்வ் வங்கியின் மூலமாக வெளியிடப்படுவது எஸ். ஜி. பி (SGB) எனச் சுருக்கமாக அழைக்கப்படும் சாவரின் கோல்டு பாண்டுகள்தான். தங்கத்தின் மீது நேரடியாக முதலீடு செய்வதற்குப் பதிலாக பத்திரங்கள் வாயிலாக முதலீடு செய்வதே இந்த முறை ஆகும். 2015-ம் ஆண்டு முதல் இது நடைமுறைக்கு வந்துள்ளது. தங்கப் பத்திரங்களை வாங்கும்போதும், விற்கும்போதும் பணமாக மட்டுமே பரிமாற்றங்கள் நடைபெறும். தங்கக் காசுகளாகவோ, தங்கக் கட்டி களாகவோ பெற முடியாது.’’

ஷியாம் சுந்தர்  கமாடிட்டி நிபுணர்
ஷியாம் சுந்தர்  கமாடிட்டி நிபுணர்

எஸ்.ஜி.பி-யில் குறைந்தபட்ச முதலீடு எவ்வளவு?

‘‘குறைந்தபட்சமாக ஒரு கிராம் தொடங்கி, அதிகபட்சமாக 4 கிலோ வரை ஒரு நிதி ஆண்டில் தனிநபர் முதலீடு செய்யலாம். வீட்டில் உள்ள குடும்ப உறுப்பினர்கள் ஒவ்வொரு தனிநபருமே அதிகபட்சமாக ஆண்டொன்றுக்கு 4 கிலோ தங்கத்தின் மதிப்புக்கு முதலீடுகளைச் செய்யலாம்.

அறக்கட்டளையாக இருக்கும் பட்சத்தில் ஒரு நிதி ஆண்டில் 20 கிலோ வரை முதலீடு செய்யலாம். ஜாயின்ட்டாக முதலீடு செய்யும்போது முதல் விண்ணப்பதாரருக்கு உச்சவரம்பு பொருந்தும்.’’

தங்க நகை, தங்கக் கட்டி, தங்கக் காசுகள் போன்றவற்றின் மீதான முதலீட்டுக்கும், எஸ்.ஜி.பி-யின் மீதான முதலீட்டுக்கும் என்ன வித்தியாசம்?

‘‘தங்க நகையோ, தங்கக் கட்டிகளோ வாங்கும்போது அதன் மீது செய்கூலி, சேதாரம் போன்றவை உண்டு. ஆனால், தங்கப் பத்திரங்கள் வாங்கும்போதும் சரி, விற்கும்போதும் சரி, சந்தையின் தங்க விலைக்கு ஒப்பாக மட்டுமே வர்த்தகம் நடைபெறுகிறது. மற்ற செலவினங்கள் எதுவும் கிடையாது என்பது குறிப்பிடத் தக்கது. இது தவிர, பிசிக்கல் தங்கமாக இருக்கும்போது, அதைப் பாதுகாப்பது கடினம். எஸ்.ஜி.பி என்பது பாதுகாப்பு அம்சத்தை உள்ளடக்கியதாக இருக்கிறது.’’

எஸ்.ஜி.பி-யில் முதலீடு செய்வது ரிஸ்க்கானதா அல்லது லாபம் கிடைக்குமா?

‘‘தங்கச் சந்தையில் காணப்படுகிற விலை ஏற்ற இறக்கங்கள் ஆபரணத் தங்கமாக இருந்தாலும், எஸ்.ஜி.பி-யாக இருந்தாலும், இரண்டிலுமே பொதுவான அம்சமாகவே இருக்கும். முதலீடு செய்யப் பட்ட யூனிட் அளவுகளில் எந்த மாற்றமும் இருக்காது. இதில் செய்யப்படும் முதலீட்டின் மூலம் நீண்டகாலத்தில் லாபம் கிடைக்க வாய்ப்புண்டு.’’

குடும்பத்தில் உள்ளவர்கள் இணைந்து (ஜாயின்ட்டாக) முதலீடு செய்யலாமா?

‘‘தாராளமாகச் செய்யலாம். வங்கி களில் ஜாயின்ட் அக்கவுன்ட் இருப்பது போல, இதிலும் கூட்டாக முதலீடு செய்யலாம். இணைந்து விண்ணப் பித்தாலும், விண்ணப்பத்தில் குறிப் பிட்டுள்ள முதல் நபருக்கு மட்டுமே அதிகபட்ச முதலீட்டு அளவுகள் பொருந்தும்.’’

18 வயதுக்குக் குறைவான நபர்கள் முதலீடு செய்யலாமா?

‘‘18 வயதுக்குக் குறைவாக இருக்கும்பட்சத்தில், அவர்களின் கார்டியன் மூலம் முதலீடுகளை மேற்கொள்ளலாம்.’’

எஸ்.ஜி.பி-யில் முதலீடு செய்வதற்கு விண்ணப்பப் படிவங்கள் எங்கு பெறலாம், எவ்வாறு விண்ணப்பம் செய்வது?

‘‘வங்கிகள், தபால் நிலையங்கள் மற்றும் ஸ்டாக் ஹோல்டிங் கார்ப்பரேஷன் இந்தியா லிட் ஆகிய இடங்களில் விண்ணப்பப் படிவங்கள் பெற்று, அங்கேயே முதலீடு செய்யலாம். ரிசர்வ் வங்கியின் இணையதளத்திலும் படிவங்களைப் பதிவிறக்கம் செய்யலாம். வங்கிக் கணக்குகள் பற்றிய விவரங்களை முறையாகப் பூர்த்திசெய்து விண்ணப் பிக்கலாம்.’’

தங்கப் பத்திரங்களை வாங்குவதற்கு என்னென்ன அடையாள அட்டைகள் வேண்டும்?

‘‘வீட்டு முகவரிக்காக அடையாள அட்டையாக ஆதார் எண்ணைக் கொடுத்து விண்ணப் பிக்கலாம். நேரடியாக விண்ணப் பித்தாலும் ஆன்லைனில் விண்ணப்பம் செய்யும்போதும் வருமான வரி அட்டை பான் கார்டு அவசியம். முதல் முறை விண்ணப்பிக்கும்போது தரப் பட்ட அடையாள அட்டை சான்றிதழ்களை, அதற்குப் பிறகு மறுமுறை விண்ணப்பிக்கும் போதும் அதே தகவல்களைக் கொடுத்து விண்ணப்பிப்பது கட்டாயமாகும்.’’

தங்கப் பத்திரங்கள் எப்படி அலாட்மென்ட் செய்யப்படுகின்றன?

‘‘தங்கப் பத்திரங்கள் பேப்பர் வடிவத்திலோ, டீமேட் வழியா கவோ எப்படி வேண்டு மானாலும் முதலீட்டாளர்கள் தேர்வு செய்யலாம். விண்ணப்பம் செய்யும்போதே அதற்கான டீமேட் எண்ணைக் குறிப்பிட வேண்டும். பேப்பர் வடிவத்தில் (பிசிக்கலாக) தேர்வு செய்யும் பட்சத்தில், அதை முதிர்வுக்காலம் வரை பத்திரமாக வைத்துக் கொள்ள வேண்டும்.எலெக்ட் ரானிக் வடிவத்தில் வேண்டும் என்று தேர்வு செய்தால், டீமேட் கணக்கு அவசியம் வைத்திருக்க வேண்டும். டீமேட்டில் இருக்கும் யூனிட்டுகளைப் (1 யூனிட் என்பது 1 கிராம்) பங்குச் சந்தையில் விற்கவும் வாங்கவும் செய்ய முடியும். பிசிக்கலாகப் பத்திரங்களைப் பங்குச் சந்தையில் விற்கவோ, வாங்கவோ முடியாது.’’

தங்கப் பத்திரங்கள் மீது செய்யப்படும் முதலீடுகளுக்கு வட்டி உண்டா, அது எவ்வாறு அளிக்கப்படும்?

‘‘முதலீடு செய்யப்படும் தொகைக்கு ஆண்டுக்கு 2.5% வட்டி வழங்கப்படும். அது ஒவ்வொரு நிதியாண்டிலும், இரண்டு முறை நேரடியாக முதலீட்டாளர்கள் வங்கிக் கணக்கில் வரவு வைக்கப்படும். இப்படி அளிக்கப்படும் 2.5% வட்டிக்கு வருமான வரி உண்டு.

தங்கப் பத்திரங்களின் முதிர்வுக் காலம் எட்டு ஆண்டுகள். முதிர்வின்போது அப்போதைய சந்தை விலைக்கு நிகராக வங்கிக் கணக்கில் பணம் வரவு வைக்கப்படும். முதிர்வுக் காலத்துக்கு முன்பாகவே பத்திரங்களைப் பணமாக மாற்றிக்கொள்ள வேண்டு மானால், முதலீடு செய்யப்பட்ட தேதியிலிருந்து ஐந்து வருடங்கள் கழித்து திரும்பப் பெறலாம்.’’

சாவரின் கோல்டு பாண்டு... தங்கப் பத்திர முதலீடு லாபம் தருமா?

தங்கப் பத்திரங்களை ஆன்லைன் மூலமாக வாங்க முடியுமா?

‘‘தங்கப் பத்திரங்களை ரிசர்வ் வங்கியால் அங்கீகரிக்கப்பட்ட பொதுத்துறை மற்றும் தனியார் வங்கிகளின் இணையதளங்கள் வாயிலாக முதலீடு செய்யலாம். ஆன்லைன் மூலமாக விண்ணப் பிக்கும்போது கிராம் ஒன்றுக்கு ரூ.50 தள்ளுபடியும் உண்டு. தங்கப் பத்திரங்கள் வாங்க ரூ.20,000 வரை ரொக்கமாகச் செலுத்தி முதலீடு செய்ய முடியும். அதற்குமேல் முதலீடு செய்ய வேண்டுமானால், டிமாண்ட் டிராஃப்ட், காசோலை, ஆன்லைன் பேமென்ட் வழியாகச் செலுத்தி முதலீடுகளை மேற்கொள்ளலாம்.’’

தங்கப் பத்திரங்களை வங்கிகளில் அடமானம் வைத்து கடன் வாங்க முடியுமா?

‘‘வங்கிகள், வங்கிசாரா நிதி நிறுவனங் கள் தங்கப் பத்திரங்களுக்கு நிகராக சுமார் 65% வரை கடன் பெறமுடியும். கடன் உச்சவரம்பு, அதற்கான வட்டி, கால வரம்பு, சேவைக் கட்டணம் ஆகியவை அந்தந்த வங்கிகளின் அதிகாரத்துக்கு உட்பட்டவை ஆகும். பொதுவாக, தங்க நகைக் கடன் எந்த அளவுக்கு வங்கிகளால் தரப்படுகிறதோ, அதே அளவுக்கு எஸ்.ஜி.பி-யின் மீதும் கடன் கொடுக்க வகை செய்யப்பட்டுள்ளது. அடமானம் வைக் கப்பட்ட காலத்திலும், இதற்குத் தரப்படும் 2.5% வட்டி நிச்சயமாக உண்டு.’’

தங்கப் பத்திரங்களில் முதலீடு செய்த நபர் எதிர்பாராதவிதமாக இறந்துவிட்டால்..?

‘‘எஸ்.ஜி.பி.யில் முதலீடு செய்த நபர் விண்ணப்பிக்கும்போதே நாமினியை நியமித்துவிடலாம். ஒருவேளை, நாமினியை நியமனம் செய்யவில்லை எனில், வாரிசுச் சான்றிதழ் மூலம் இறந்த நபரின் வாரிசுதாரர்கள் முதலீட்டுத் தொகையைப் பெற்றுக்கொள்ளலாம்.’’

தங்கப் பத்திரங்களின் சேவை தொடர்பான விவரங்களுக்கு யாரை அணுக வேண்டும்?

‘‘முகவரி மாற்றம், திரும்பப் பெறுதல், நாமினேஷன், புகார்கள், பத்திரங்களை பெயர் மாற்றம் செய்தல் ஆகியவற்றை அந்தந்த வங்கிகள், தபால் நிலையங்கள், ஸ்டாக் ஹோல்டிங் கார்ப்பரேஷன், அங்கீகரிக்கப்பட்ட பங்கு பரிவர்த்தனை செய்யும் எக்‌ஸ்சேஞ்சுகளை அணுகி தேவையான சேவைகளைப் பெற்றுக் கொள்ளலாம்.’’

பிட்ஸ்

ஸ்.ஐ.பி.யில் மாதம்தோறும் முதலீடாகும் தொகை கடந்த 31 மாதங்களில் இல்லாத அளவுக்கு ரூ.7,302 கோடியை அடைந்து உள்ளது. கடந்த அக்டோபரில் ரூ.7,800 கோடி வசூலானதாக ஆம்ஃபி சொல்கிறது!

பிட்ஸ்

டந்த மார்ச் மாதத்தில் 5,000 டாலர் வரை இறங்கிய பிட்காயின் இப்போது 20,000 டாலரைத் தொடவிருப்பதால், பே பால் (Paypal) போன்ற சில நிறுவனங்கள் பிட்காயினை ஏற்று, அங்கீகரிக்கத் தொடங்கி உள்ளன!