Published:Updated:

iஅக்கா

iஅக்கா
பிரீமியம் ஸ்டோரி
News
iஅக்கா

பாத்ரூமின் தரையில் கொஞ்சம் தண்ணீரை ஊற்றிவிட்டு பின் பாத்ரூம் கதவுகளைக் கொஞ்ச நேரம் திறந்து வைக்கலாம். இதுவும் வீடு குளிர்ச்சியைப் பெற உதவும்

மார்கழி முடிந்து கொஞ்ச காலம் தொடர்ந்த பனியும் முடிந்துவிட்டது. திடீரென வெயில் அதிகமானதைப் போல உணர முடிகிறது. பருவநிலை மாற்றங்களால் குளிர்காலம் அதிக குளிராகவும், கோடைக்காலம் அதிக வெப்பமாகவும் இருக்கும் என்கிறார்கள் வல்லுநர்கள். நாம் என்ன செய்வது? கூடுதல் தயாரிப்புடன் இருக்க வேண்டியதுதான். அதைதான் இங்கே சொல்லப்போகிறேன். வெயிலை வெல்ல தயாரா தோழிகளே...
  • கோடைக்காலம் என்றாலே ஃப்ரிட்ஜுக்கு ஓவர் டைம்தான். ஆனால், அடிக்கடி திறந்து மூடுவதால், அதன் வேலை அதிகரிக்கும். மின்சாரம் செலவாகும் என்பது ஒருபக்கம்; அதன் மோட்டார் அதிக வெப்பத்தை வெளியிடும் என்பதுதான் இங்கே சிக்கல். எனவே, ஃப்ரிட்ஜைத் திறப்பதைக்கூட திட்டமிட்டுச் செய்யவும் தோழிகளே.

  • ஜன்னலின் அருகே இடமிருப்பவர் களுக்கு இந்த டெக்னிக். இலைகள் அதிகம் இருக்கும் செடிகளை ஜன்னல் அருகில் வைப்பது வெப்பத்தைச் சமாளிக்க உதவும். உள்ளே வரும் காற்றின் வெப்பத்தை உறிஞ்சி, மிதமான காற்றை வீட்டுக்குள் அனுப்பும்.

  • பாத்ரூமின் தரையில் கொஞ்சம் தண்ணீரை ஊற்றிவிட்டு பின் பாத்ரூம் கதவுகளைக் கொஞ்ச நேரம் திறந்து வைக்கலாம். இதுவும் வீடு குளிர்ச்சியைப் பெற உதவும்.

  • இதுவும் கர்ட்டன் டெக்னிக்தான். தரை வரை தொங்கும் கர்ட்டன்களின் முனையைத் தண்ணீர் நிரம்பிய பக்கெட்டுக்குள் போட்டுவிடுங்கள். தண்ணீர் மெள்ள அதில் ஏறி, வீசும் காற்று மூலம் குளிர்ச்சியைப் பரப்பும். காட்டன் கர்ட்டனாக இருக்க வேண்டும்.

  • ஃபேன்களைக்கூட வெயிலை விரட்டும் கருவியாக புத்திசாலித்தனமாகப் பயன்படுத்தலாம். அறைக்கு நடுவில் ஒரு பாத்திரத்தில் ஐஸ்கட்டிகளைப் போட்டு ஃபேனை ஆன் செய்துவிடுங்கள். மற்றதை ஃபேன் பார்த்துக்கொள்ளும். ஆனால், ஐஸ்கட்டிகளை எங்கே வைக்கிறோம் என்பது முக்கியம். அது ஃபேனுக்கு ஏற்ற இடமாக இருக்க வேண்டும். இது அறையைக் குளிர்ச்சியாக்கும்.

  • ஒரு மொபைல் சார்ஜர் என்ன மின்சாரத்தை எடுத்து விடப்போகிறது? ஹோம் தியேட்டர் ரிமோட்டில் ஆஃப் செய்தால் போதாதா? இந்த எண்ணங்களையெல்லாம் அழித்துவிடுங்கள். சின்ன சின்ன மின்சார சாதனமும் வெப்பத்தைக் கொஞ்சமாவது உமிழ்ந்துகொண்டுதானிருக்கும். எனவே பயன்படுத்தாதபோது ஸ்விட்ச் ஆஃப் செய்துவிடுவது நல்லது.

  • தண்ணீரைவிட வெயிலுக்கு வேறு எது முதல் மருந்தாக முடியும்? உங்கள் வாசற்கதவுகளில் தொங்கும் திரைச்சீலைகளில் இருந்து (கர்ட்டன்) ஆரம்பிப்போம். முடிந்தவரை ஒளி ஊடுருவாத டார்க் நிற கர்ட்டன்களுக்கு மாறி விடுங்கள். வெயிலின் தாக்கம் அதிகம் இருக்கும் நேரத்தில் கர்ட்டன்கள் ஜன்னலை மூடியிருக்கட்டும். கொஞ்சம் இருள் படர்ந்தாலும் அது வீடு வெப்பமாகாமல் இருக்க உதவும்.