Published:Updated:

அறிவை விரிவு செய்வோம்!

அறிவை விரிவு செய்வோம்!
பிரீமியம் ஸ்டோரி
அறிவை விரிவு செய்வோம்!

தமிழின் மிகச்சிறந்த நூல்களை ஆங்கிலத்தில் மொழிபெயர்த்து உலகெங்கும் கொண்டு செல்லும் பணியையும் தமிழ்நாட்டுப் பாடநூல் கழகம் செய்கிறது.

அறிவை விரிவு செய்வோம்!

தமிழின் மிகச்சிறந்த நூல்களை ஆங்கிலத்தில் மொழிபெயர்த்து உலகெங்கும் கொண்டு செல்லும் பணியையும் தமிழ்நாட்டுப் பாடநூல் கழகம் செய்கிறது.

Published:Updated:
அறிவை விரிவு செய்வோம்!
பிரீமியம் ஸ்டோரி
அறிவை விரிவு செய்வோம்!
ள்ளி, கல்லூரியில் படித்த பாடநூல்களை 50 ஆண்டுகள் கழித்துப் பார்க்க நேரிடுவது பலருக்கும் பலவகையான பரவச உணர்வுகளை எழுப்பக் கூடும். அப்படியொரு நினைவை மீட்டியிருக்கிறது தமிழ்நாடு பாடநூல் கழகம்.

தமிழகத்தில் 1960-களின் பிற்பகுதியில், பள்ளிக் கல்விக்குப் பிறகான புதுமுக வகுப்பு என்ற படிப்பு கல்லூரிப் படிப்பாக மேம்படுத்தப்பட்டது. இளங்கலை, முதுகலைப் பட்டப் படிப்புகளுக்கான பாடநூல்கள் அப்போது முதன்முறையாகத் தமிழில் எழுதப்பட்டன. பிராந்திய மொழிகளில் முன்னோடி முயற்சியாக இந்த நூல்களை வெளியிட்டது தமிழ்நாடு பாடநூல் கழகம்.

அறிவை விரிவு செய்வோம்!

தமிழகப் பள்ளி, கல்லூரிகளுக்கான பாடநூல்களை வெளியிடும் ஒரு நிறுவனமாகவே பெரும்பாலும் அறியப்படும் பாடநூல் கழகம், பாடநூல்களைத் தவிர்த்து முக்கியமான பல நூல்களை வெளியிட்டுள்ளது என்பது பலரும் அறியாத செய்தி. வரலாறு, அறிவியல், வணிகம், தாவரவியல், விலங்கியல், உளவியல், தத்துவம் உள்ளிட்ட பல்வேறு துறைகள் சார்ந்த முக்கியமான நூல்களைப் பாடநூல் கழகம் வெளியிட்டுள்ளது. ஆனால் ஒரு கட்டத்தில் பொதுப் பயன்பாட்டிலிருந்து இவை விலகத் தொடங்கின. காலப்போக்கில் இவற்றை அச்சிடுவதும் படிப்படியாக நின்றுபோனது.

அறிவை விரிவு செய்வோம்!

சமீபகாலங்களில் போட்டித் தேர்வுகளுக்குத் தயாராகும் மாணவர்களின் எண்ணிக்கை தமிழகத்தில் தொடர்ந்து அதிகரித்துவருகிறது. அந்த மாணவர்களின் முதன்மைத் தேர்வாகப் பாடநூல் கழக நூல்கள் இருக்கின்றன; வெளியாகி 50 ஆண்டுகள் கடந்துவிட்ட போதிலும், அந்த நூல்களின் தரம், இன்றைக்கும் இன்றியமையாத ஒன்றாக அவற்றை நிலைநிறுத்தியிருக்கிறது. இந்த நிலையில்தான் அனைவரது தேவையையும், எதிர்பார்ப்பையும் நிறைவேற்றும் வகையில் ஆச்சரியம் ஒன்றைப் பாடநூல் கழகம் வழங்கியது. ஆம்! இந்த நூல்களை மறுவெளியீடு செய்யும் திட்டம் ஒன்றைத் தொடங்கி, நடைமுறைப்படுத்திவருகிறது.

‘‘போட்டித் தேர்வு எழுதும் மாணவர்கள், பேராசிரியர்கள், ஆர்வலர்கள் ஆகியோரின் தேவையை நிறைவேற்றும் வகையில் 2017-ம் ஆண்டு புதிய திட்டம் ஒன்று தொடங்கப்பட்டது. அத்திட்டத்தின் மூலம் தமிழ்நாடு பாடநூல் கழகம் வெளியிட்ட அரிய நூல்களை மீண்டும் அச்சிடுவது என்று முடிவுசெய்யப்பட்டது. தேவை அடிப்படையில் அச்சிடுதல் (POD) முறையில் முதலில் அச்சிடப்பட்ட நூல்கள், கடந்த மூன்று ஆண்டுகளாகச் சென்னைப் புத்தகக் காட்சியில் விற்பனைக்கு வைக்கப்பட்டதன் மூலம் பரவலான கவனம் பெற்றிருக்கின்றன” என்று இத்திட்டம் உருவாகி, வளர்ந்த பின்னணியையும் விளக்குகிறார் தமிழ்நாடு பாடநூல் கழகத்தின் துணை இயக்குநர் டாக்டர் சங்கர சரவணன்.

அறிவை விரிவு செய்வோம்!

மாணவர்களையும், புத்தக ஆர்வலர்களையும் பரவசத்தில் ஆழ்த்தியிருக்கும் இந்தத் திட்டம் கடந்த மூன்று ஆண்டுகளாக வெற்றிகரமாகச் செயல்பட்டுவருகிறது. தொடங்கப்பட்ட காலத்திலிருந்து பாடநூல்களுடன் துறை சார்ந்த நூல்களாக 900 நூல்களுக்கு மேல் பாடநூல் கழகம் வெளியிட்டிருக்கிறது. இவற்றின் பிரதி கிடைப்பதே அரிதாகிவிட்ட சூழ்நிலையில், தமிழகமெங்கும் உள்ள நூலகங்கள், தனிநபர்கள் ஆகியோரிடமிருந்து இந்த நூல்களில் 875 நூல்களை கடந்த மூன்று ஆண்டுகளில் சேகரித்துத் தொகுத்தோம். இவற்றிலிருந்து 636 நூல்கள் சீரான முறையில் இப்போது மறுபதிப்பு செய்யப்பட்டிருக்கின்றன. இவை ஒவ்வொன்றிலும் 100 நூல்கள் ஆவணப் பதிப்பாக அச்சிட்டு தமிழகத்தின் மாவட்ட நூலகங்கள், முக்கியக் கல்வி நிலையங்கள் உள்ளிட்ட இடங்களுக்கு அனுப்பி வைக்கப்பட்டுள்ளன.

அறிவை விரிவு செய்வோம்!

தமிழின் மிகச்சிறந்த நூல்களை ஆங்கிலத்தில் மொழிபெயர்த்து உலகெங்கும் கொண்டு செல்லும் பணியையும் தமிழ்நாட்டுப் பாடநூல் கழகம் செய்கிறது. ‘செம்பருத்தி’, ‘கரிசல் கதைகள்’, ‘வாடிவாசல்’ எனத் தமிழிலக்கியத்தின் இலக்கியச் சாதனைகளை, ஆக்ஸ்போர்டு, பெங்குயின் உள்ளிட்ட பதிப்பகங்களுடன் புரிந்துணர்வு ஒப்பந்தம் மேற்கொண்டு ஆங்கிலத்துக்குக் கொண்டு சென்றுள்ளது. போலவே, ‘அறியப்படாத தமிழகம்’, ‘தமிழ்நாட்டில் காந்தி’ போன்ற முக்கியமான நூல்களும் ஆங்கிலத்தில் விரைவில் வெளிவரவிருக்கின்றன.

தமிழ்வழிக் கல்வி பயிலும் பிளஸ் 1, பிளஸ் 2 மாணவர்கள், நீட் தேர்வைத் தமிழில் எழுதும் தகுதியுடன் தயாராகச் சிரமப்படுகிறார்கள். இவர்களுக்கு உதவும் வகையில் பியர்சன் பதிப்பகத்துடன் இணைந்து நீட் பாடநூல்கள் தமிழில் வெளியிடப்பட்டிருக்கின்றன. மேலும் உயர்கல்வி நூல்கள் பிரிவில் ஃபாலி நாரிமனின் India’s Legal System, குருசரண் தாஸின் India Unbound போன்ற முக்கியமான நூல்கள் தமிழ் மாணவர்கள், வாசகர்களை விரைவில் வந்தடைய உள்ளன.

“அரசு ஒட்டுமொத்தமாக இத்திட்டத்துக்கு ரூபாய் பத்துக் கோடி ஒதுக்கியிருக்கிறது. பழைய பாடநூல்கள் மறுபதிப்பு, நாட்டுடைமை ஆக்கப்பட்ட அச்சில் இல்லாத நூல்களின் பதிப்பு, ஆங்கிலப் பதிப்பகங்களுடன் இணைந்து நீட் மற்றும் உயர்கல்விப் பாடநூல்கள் மொழிபெயர்ப்பு, தமிழ் இலக்கிய ஆக்கங்களை ஆங்கிலத்தில் மொழிபெயர்ப்பது ஆகிய பணிகள் இத்திட்டத்தின் மூலம் நடைபெற்று வருகின்றன” என்று சங்கர சரவணன் கூறுகிறார்.

“இத்திட்டத்தின் அடுத்த கட்டமாக, குழந்தைகளுக்கான நூல்களை அதிகம் வெளியிடத் திட்டமிட்டிருக்கிறோம்” என்றார், இதன் வெளியீட்டுப் பிரிவு ஆலோசகர் அப்பணசாமி. சங்கர சரவணன், அப்பணசாமி, இத்திட்டத்தின் ஆலோசகர்களில் ஒருவரான ஓய்வுபெற்ற ஐ.ஏ.எஸ். அதிகாரி ஆர்.பாலகிருஷ்ணன் ஆகியோர் கல்லூரியில் தமிழ்நாடு பாடநூல் கழகம் வெளியிட்ட நூல்களைப் படித்தவர்கள் என்பது குறிப்பிடத்தக்கது.

அரிய நூல்களும் அகராதியும்!

சென்னை நந்தனம் ஒய்.எம்.சி.ஏ மைதானத்தில் பிப்ரவரி 24 தொடங்கி மார்ச் 10 வரை நடைபெறும் 44-வது சென்னைப் புத்தகக் காட்சியில் தமிழ்நாடு பாடநூல் மற்றும் கல்வியியல் பணிகள் கழகத்தின் அரங்குகள் 72, 73. இத்திட்டத்தில் வெளியான அனைத்து நூல்களையும் இந்த அரங்கில் வாங்கலாம். www.textbookcorp.in என்ற தளத்தில் Rare book login வசதி மூலம் இணையம் வழியாகவும் இந்த நூல்களை வாங்கலாம். வரலாறு, அறிவியல், அரசியல், வணிகம், உளவியல் உள்ளிட்ட பல்வேறு தலைப்புகளோடு, இந்த நூல்களில் இடம்பெற்றிருக்கும் கலைச் சொற்களைத் தொகுத்து உருவாக்கப்பட்டிருக்கும் அகராதிகளும் இந்த வெளியீடுகளின் சிறப்பம்சங்களுள் ஒன்று!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism