Published:Updated:

கார்ப்பரேட் வரி குறைப்பு... தொழில் துறைக்குச் சாதகமா?

வாகனத்துறை
பிரீமியம் ஸ்டோரி
News
வாகனத்துறை

வாகனத்துறை

கார்ப்பரேட் வரி குறைப்பு நடவடிக்கை பாசிட்டிவ்வான கருத்துகளை வெளிக்கொண்டுவந்த அதே நேரத்தில், சில விமர்சனங்களையும் ஏற்படுத்தியிருக்கிறது. மத்திய நிதி அமைச்சரின் இந்த நடவடிக்கை யால் ஆட்டோமொபைல் துறைக்கு என்ன சாதகம் என ஆடிட்டர் கோபால கிருஷ்ண ராஜுவிடம் கேட்டோம். அவர் விளக்கமாக எடுத்துச்சொன்னார்.

கார்ப்பரேட் வரி குறைப்பு...
தொழில் துறைக்குச் சாதகமா?

“வளர்ந்துவரும் பொருளாதார நாடுகளில், புரக்ரஸிவ் (Progressive) வரி முறையைத்தான் பின்பற்றுவார்கள். அதாவது, குறைவான வருமானம் கொண்டவர்களுக்கு குறைவான வரி விதிப்பும் அதிக வருமானம் கொண்டவர்களுக்கு அதிக வரி விதிப்பும் விதிக்கப்படும். இதைத்தான் தற்போதைய மத்திய அரசாங்கம் கார்ப்பரேட் வரிவிதிப்பில் கையாண்டிருக்கிறது. இந்தியப் பொருளாதாரம் பாசிட்டிவ் பாதையில்தான் செல்கிறது என்பதற்கு இதுவே சிறந்த உதாரணம்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

ரூ.2 கோடிக்கும் குறைவான வருமானம் கொண்ட நிறுவனங் களுக்கு, வருடந்தோறும் ஜி.எஸ்.டி வரி தாக்கல் செய்வதில் சலுகை வழங்கப்பட்டுள்ளது. அதாவது, நடப்பு நிதி ஆண்டிலிருந்து இரண்டு ஆண்டுகளுக்கு ஜி.எஸ்.டி வரி தாக்கல் செய்யத் தேவை யில்லை. இரண்டு ஆண்டுகளுக்குப்பிறகு தாக்கல் செய்து கொள்ளலாம். அக்டோபர் 1-ம் தேதிக்குப்பிறகு புதிதாகத் தொழில் தொடங்க இருக்கும் நிறுவனங்களுக்கான கார்ப்பரேட் வரியை 15 சதவிகிதமாகக் குறைத்திருப்பதால், முதலீடுகள் அதிகரிக்கும்’’ என்றார் ஆடிட்டர் கோபால கிருஷ்ண ராஜு.

கோபால கிருஷ்ண ராஜு
கோபால கிருஷ்ண ராஜு

பாசிட்டிவ் கருத்துகள் இப்படி இருக்க, இது தொடர்பாக எழுந்த சில விமர்சனங்களும் கவனிக்கத்தக்கவையே. சென்னையைச் சேர்ந்த ஒரு ஆடிட்டருடன் பேசினோம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

‘‘இப்போதைக்கு முக்கியமான பிரச்னை, சப்ளை சைடில் அல்ல. டிமாண்ட் சைடில்தான். மக்களிடம் பணப்புழக்கம் இல்லை. அதற்கு வழிசெய்து தந்தால்தான், மக்கள் பொருள்களை வாங்குவார்கள். அதை விட்டு, நிறுவனங்களுக்கான வரியை மட்டும் குறைத்து என்ன பிரயோஜனம்?

கார்ப்பரேட் வரி குறைப்பு...
தொழில் துறைக்குச் சாதகமா?

கார் விற்பனை குறைந்துவிட்டது, டுவீலர் விற்பனை குறைந்துவிட்டது என்பதற்காக தொழில் வரியைக் குறைத்திருக்கிறார்கள். ஆனால், அதிக விலை இல்லாத கார்கள் விற்பனை ஆகிக்கொண்டுதான் இருக்கின்றன. தவிர, பி.எஸ். 6 தொழில்நுட்பத்துக்கு மாறிய கார் நிறுவனங் களுக்குப் பிரச்னை இல்லை. மற்ற நிறுவனங் களுக்குத்தான் பிரச்னை. இந்தப் பிரச்னைக்கு கார் நிறுவனங்கள் தீர்வு காணவேண்டுமே தவிர, அவர்களுக்கான தொழில் வரியைக் குறைப்பது எப்படிச் சரியாக இருக்கும்’’ என்று கேட்டார் பெயர் சொல்ல விரும்பாத அந்த ஆடிட்டர்.

‘‘நிறுவனங்களுக்கான தொழில் வரியைக் குறைப்பதற்குப் பதிலாக, தனி நபர்களின் வருமான வரி வரம்பை மாற்றியமைத்திருக்கலாம். ரூ.5 லட்சம் முதல் ரூ.10 லட்சம் வரை சம்பாதிப் பவர்களுக்கு 10 சதவிகிதமும், ரூ.10 லட்சம் முதல் ரூ.20 லட்சம் வரை சம்பாதிப்பவர்களுக்கு 20 சதவிகிதமும், ரூ.20 லட்சத்துக்குமேல் சம்பாதிப்பவர்களுக்கு 30 சதவிகிதமும் வரி விதித்திருந்தால், நடுத்தர வர்க்கத்தினரிடம் சிலபல ஆயிரங்கள் மிச்சமாகி யிருக்கும். இந்தப் பணத்தை அவர்கள் செலவு செய்யத் தொடங்கியிருந்தாலேபோதும், பொருளாதாரம் மீண்டும் சீர்படத் தொடங்கி யிருக்கும். இனியாவது இந்த நடவடிக்கையை எடுக்க மத்திய அரசாங்கம் பரிசீலிக்க வேண்டும்’’ என்றார் இன்னொரு ஆடிட்டர். கார்ப்பரேட் வரிக் குறைப்பால் என்ன விளைவுகள் நடக்கும் என்பதைப் பொறுத்திருந்து பார்ப்போம்!