சிந்தனை விருந்து! - மகிழ்ச்சியும் நிம்மதியும்!

அ ந்த ஞானியிடம் வந்த செல்வந்தர் ஒருவர், ``எனக்கு நிம்மதியே இல்லை!’’ என்றார். அதற்கு, ``உங்களுக்கு என்ன குறை? ஏராளமான செல்வம் இருக்கிறது. எங்கு வேண்டு மானாலும் போகலாம்; வரலாம். எதை வேண்டுமானாலும் வாங்கலாமே!’’ என்றார் ஞானி. உடனே, ``இப்போது எனக்கு மகிழ்ச்சி தேவை. வாங்க முடியுமா?’’ என்று கேட்டார் செல்வந்தர்.

``அப்படின்னா, புறப்படுங்க! கால்பந்து விளையாட்டைப் பார்க்கப் போகலாம்’’ என்றார் ஞானி.

.சிந்தனை விருந்து! - 'நீங்க ராமசாமிதானே?' . கிளம்பினர்... பெரிய திடலில், வீரர்கள் உற்சாகமாக கால்பந்து விளையாடிக்கொண்டிருந்தனர். இந்த இருவரும் விளையாட்டைக் கவனிக்க ஆரம்பித்தனர்.

ஞானி சொன்னார், “அவர்கள் என்னமாக விளையாடு கிறார்கள்... பாருங்கள்!’’

உடனே செல்வந்தர், “அந்த பந்து எப்படியெல்லாம் உதை படுகிறது... அதைக் கவனித்தீர்களா?’’ என்றார்.

. ``அதை ஏன் கவனிக்கிறீர்கள்?’’

``எனது நிலைமையும் அப்படித்தான்! ஒருபக்கம் வருமான வரிக்காரர்கள்; இன்னொருபக்கம் தொழிலாளர்கள். இதுல... ‘சொத்தைப் பிரிச்சுக் கொடு’ன்னு பிள்ளைகள் செய்யும் தகராறு வேற! இப்படி, நாலாபக்கமும் உதைபட்டுக்கிட்டு இருக்கேன்!’’ என்று புலம்பினார் செல்வந்தர்.

‘`சரி... இனிமே இங்கே இருக்க வேண்டாம். வேறோர் இடத்துக்குப் போகலாம்!’’ என்ற ஞானி, செல்வந்தரை இசை நிகழ்ச்சி ஒன்றுக்கு அழைத்துச் சென்றார்.

. அங்கே புல்லாங்குழல் இசைத்துக் கொண்டிருந்தனர். அந்த இசை, மனத்துக்கு இதமாக இருந்தது. கொஞ்ச நேரம் நிம்மதி யாகக் கழிந்தது. நிகழ்ச்சி முடிந்து இருவரும் காரில் திரும்பினர்.

ஞானி ஆரம்பித்தார், ``இப்போ சொல்லுங்க... பந்துக்கும் புல்லாங்குழலுக் கும் என்ன வித்தியாசம்?’’

‘`அது பந்து. இது புல்லாங்குழல்... அவ்வளவுதான்!’’

. உடனே, ‘`இந்த இரண்டுக்கும் தேவைப்படறது காற்று. பந்து, தான் வாங்கிய காற்றை, தானே வெச்சிக்குது; வெளியே விடறதில்லை. அதனாலதான் அது உதைபடுது! புல்லாங்குழல் அப்படி இல்லே. ஒருபக்கத்தில் வாங்கும் காற்றை இன்னொரு பக்கமா வெளியே விட்டுடுது. அதனாலேயே அது, மனிதனின் உதடுகளுடன் உறவாடுது!’’ என்ற ஞானி, செல்வந்தரை அர்த்தத்துடன் பார்த்தார்.

.சிந்தனை விருந்து! - கடவுள் இருக்கும் இடம் தெரியுமா?. செல்வந்தர் சிந்திக்க ஆரம்பித்தார். ‘தனது செல்வமும் பந்துக்குள் இருக்கும் காற்று மாதிரியே! அது, புல்லாங்குழலைத் தேடிப் போகவேண்டிய நேரம் வந்து விட்டது!’ என்பதைப் புரிந்துகொண்டார்.