Published:Updated:

“இது எங்கள் தவறல்ல...” சஹாரா விளம்பரத்தில் எவ்வளவு நிஜம்? - முதலீட்டாளர்களே உஷார்!

முதலீட்டாளர்களே உஷார்
பிரீமியம் ஸ்டோரி
News
முதலீட்டாளர்களே உஷார்

CONTROVERSY

ந்தியாவின் பல மாநிலங்களில் சீட்டு நிறுவனம் நடத்தி, பல ஆயிரம் கோடி ரூபாய் மோசடி செய்த சஹாரா குழுமத்தின் தலைவரான சுப்ரதா ராய்க்கு பங்குச் சந்தைக் கட்டுப்பாட்டு ஆணையமான செபி, உச்ச நீதிமன்றம் வாயிலாகக் கடந்த நவம்பர் மாதம் ஒரு சம்மன் அனுப்பியது. அந்த சம்மனில், “செபியிடம் உடனடியாக 8.4 பில்லியன் டாலர் (இந்திய மதிப்பில் சுமார் ரூ.62,600 கோடி) அபராதத் தொகையைச் செலுத்துங்கள். இல்லையெனில், பரோல் ரத்து செய்யப்பட்டு சிறையில் அடைக்கப்படுவீர்கள்” என அதில் குறிப்பிடப்பட்டிருந்தது. இந்த நிலையில், கடந்த சில தினங்களுக்கு முன்பு, பல்வேறு நாளிதழ்களில் ஒரு விளம்பரத்தை வெளியிட்டு பரபரப்பை ஏற்படுத்தியது சஹாரா நிறுவனம்.

கட்டாத பணத்துக்கு 15 வட்டியா..?

ரிசர்வ் வங்கியிடம் உரிய அனுமதி பெறாமல் மக்களிடம் பணம் வசூலித்த குற்றத்துக்காக சஹாரா குழுமத்தின் தலைவர் சுப்ரதா ராய் மீது 2012-ம் ஆண்டு உச்ச நீதிமன்றத்தில் வழக்கு பதிவு செய்தது செபி. சுப்ரதா ராய் மற்றும் சஹாரா குழுமத்தின் இரண்டு நிறுவனங்கள் எட்டு வருடங்களுக்கு முன்பு செலுத்த வேண்டிய தொகை ரூ.25,700 கோடி. உரிய காலத்துக்குள் அந்தத் தொகையைச் செலுத்தாததால் வட்டி, அபராதம் எல்லாம் சேர்ந்து அந்தத் தொகை ரூ.62,600 கோடியாக உயர்ந்துள்ளது. இந்த நிலையில்தான், சுப்ரதா ராய்க்கு உச்ச நீதிமன்றத்தின் மூலம் சம்மன் அனுப்பியது செபி. இந்தச் சம்மனுக்கு பதிலளித்துள்ள சுப்ரதா ராய், “நாங்கள் செலுத்த வேண்டிய நிலுவைத் தொகைக்கு 15% வட்டியை விதித்துள்ளது செபி’’ என்றதுடன், சஹாரா குழுமம் சார்பில் ‘இது எங்கள் தவறா?’ என்ற தலைப்பில் ஒரு விளம்பரத்தையும் வெளியிட்டது.

ஏ.கே.நாராயண்
ஏ.கே.நாராயண்

0.5% பணம் தந்த செபி...

அதில், “வட்டியுடன் சேர்த்து ஏறக்குறைய ரூ.22,500 கோடியை சஹாரா செபி கணக்கில் வைப்பு வைத்துள்ளோம். மறுபுறம் செபி மூலமாகக் கடந்த எட்டு ஆண்டுகளில் நாடுமுழுவதும் உள்ள 154 செய்தித்தாள்களில் நான்கு சுற்றுகள் விளம்பரம் செய்தும்கூட மதிப்புமிக்க முதலீட்டாளர்களுக்கு வெறும் 106.10 கோடியைத்தான் செபி திருப்பிச் செலுத்தியுள்ளது. அதாவது 0.5% பணம் மட்டுமே செலுத்தப்பட்டுள்ளது. மேலும், தற்போது பணம் கோருபவர்கள் யாரும் இல்லை. இதற்கு மேலும் சஹாராவிடம் இன்னும் அதிக பணத்தை சஹாரா செபி கணக்கில் வைப்பு வைக்கும்படி கோரக் கூடாது. அனைவரின் பணமும் பாதுகாப் பாக உள்ளது. உங்களுக்கு இந்தத் தாமதமாகும் காலத்துக்கு வட்டி கொடுக் கப்படும். கொஞ்சம் பொறுமையாக இருங்கள். 31 மார்ச் 2021-க்குள் நாம் அனைவரும் வெற்றிகரமாக இதிலிருந்து வெளியே வருவோம்” என அந்த விளம்பரத்தில் குறிப்பிடப்பட்டுள்ளது. இது குறித்து முதலீட்டு ஆலோசகர் ஏ.கே.நாராயணிடம் பேசினோம்.

“சஹாரா குழுமத்தின் முதலீட்டுப் பிரச்னை தொடர் பான அனைத்து விவகாரங் களையும் தற்போது செபிதான் கையாள்கிறது. ‘நீங்கள் பாண்டாகவோ, ஃபிக்ஸட் டெபாசிட்டாகவோ, வேறு வகைகளிலோ சஹாராவில் முதலீடு செய்திருந் தால் அதற்கான ஆவணங்களுடன் எங்களுக்குத் தெரியப்படுத்துங்கள். அதைப் பரிசிலீத்து உங்கள் பணத்தைத் திரும்பத் தருகிறோம்’’ என நான்கு முறை செபி விளம்பரப்படுத்தி விட்டது.

சஹாராவின் முதலீட்டாளர் களுக்கு திருப்பிச் செலுத்துவற்காக கடந்த பிப்ரவரி மாதமே 15,448 கோடி ரூபாய் சஹாரா-செபி கணக்கில் இருந்தது. ஏராளமான முதலீட்டாளர்கள் செபியிடம் முறையிடப் போகிறார்கள் என்று அப்போது எதிர்பார்ப்பு கிளம்பியது. ஆனால், நடந்ததோ வேறு மாதிரி ஆகிவிட்டது.

ரூ.15,448 கோடிக்கு மேல் செபியிடம் இருந்த சூழலில், சுமார் 100 கோடி அளவுக்குத் தான் முதலீட்டார்கள் க்ளெய்ம் செய்துள்ளனர். மற்றவர்கள் எல்லாம் க்ளெய்ம் செய்யவில்லை. அவர்கள் ஏன் க்ளெய்ம் செய்யவில்லை, அவர்களிடம் ஆவணங்கள் இல்லையா அல்லது பின்னணியில் வேறு ஏதேனும் சிக்கல் உள்ளதா என்பது தெரியவில்லை.

“இது எங்கள் தவறல்ல...” சஹாரா விளம்பரத்தில் எவ்வளவு நிஜம்? - முதலீட்டாளர்களே உஷார்!

இந்த நிலையில், சஹாரா நிறுவனத்தின் முதலீட்டாளர்கள் தங்கள் முதலீட்டுப் பிரச்னை தொடர்பாக செபியைத்தான் அணுக வேண்டுமே தவிர, சஹாரா நிறுவனத்தைத் தொடர்புகொள்ள வேண்டியதில்லை. காரணம், செபியிடம் பணம் இருக்கிறது அதை க்ளெய்ம் செய்வதற்கு ஆள் இல்லை என்பதே பிரச்னை.

சஹாரா குழுமம் என்ன வேண்டுமானாலும் சொல்லி விட்டுப் போகட்டும். அவர்கள் நிறைய நிறுவனங்களை நடத்தி வருகிறார்கள். அதில் பல்வேறு சிக்கல்கள் இருக்கலாம். ஆனால், ஒருவர் அந்த நிறுவனத்தில் உண்மையாகவே முதலீடு செய்திருந்தால், முதலீடு செய்த தொகையைத் தக்க ஆவணங் களுடன் செபிடம் க்ளெய்ம் செய்யலாம். சஹாரா கணக்கில் செபியிடம் உள்ள தொகையை விட அதிகமான தொகைக்கு முதலீட்டாளர்களின் க்ளெய்ம் இருந்தால் செபி மீண்டும் சஹாராவிடம் பணம் வாங்கி முதலீட்டாளர்களுக்குத் தரும். ஆனால், இருக்கும் தொகையில் கால்வாசிகூட க்ளெய்ம் செய்யப்பட வில்லை என்பதே இதில் உள்ள சிக்கல்’’ என்றவர் முதலீடு செய்வதற்குமுன் கவனிக்க வேண்டிய சில முக்கியமான விஷயங்களையும் பகிர்ந்துகொண்டார்.

“முதலீடு செய்வதற்குமுன், நீங்கள் முதலீடு செய்ய விரும்பும் நிறுவனத்துக்கு ரேட்டிங் ஏஜென்சியில் இருக்கும் ரேட்டிங்கை முதலில் பார்க்க வேண்டும். அதில் நிறைய ரேட்டிங் இருந்தால் அதில் நம்பிக்கையாக முதலீடு செய்யலாம். அடுத்ததாக இன்னொரு முக்கியமான விஷயம். ஒரே ஒரு தொழில் செய்கிற நிறுவனத்தில் முதலீடு செய்வதே சிறந்தது. கூட்டுத்தொழில் செய்கிற நிறுவனங்களில் முதலீடு செய்தால் சஹாராவில் ஏற்பட்டுள்ளதைப் போன்ற பிரச்னைகள் வரலாம்.

நீங்கள் முதலீடு செய்யும் பணம் வேறு கம்பெனிகளில் முதலீடு செய்யப்படுகிறதா என்று பாருங்கள். உதாரண மாக, நீங்கள் A கம்பெனியில் முதலீடு செய்கிறீர்கள் எனில், அந்த நிறுவனம் உங்கள் பணத்தை B, C, D என்று அடுத்தடுத்து கம்பெனிகளிலும் முதலீடு செய்யும். அந்த நிறுவங்களில் நஷ்டம் ஏற்பட்டால் கம்பெனி A-க்கு பணமே இருக்காது. நீங்கள் உங்கள் பணத்தைக் கேட்கும்போது B, C, D-யில் நஷ்டம் ஆகிவிட்டது என்று சொல்வார்களே தவிர, வேறு எங்கிருந் தாவது வாங்கி உங்கள் பணத்தைத் தர மாட்டார்கள். ஆகையால், முதலீடு செய்கிற பணம் அதே நிறுவனத்தில்தான் இருக்கிறதா அல்லது வேறு நிறுவனத்துக்கு மாறுகிறதா என்று ஆராய்வது அவசியம்’’ என்றார்.

எந்த கம்பெனியில் முதலீடு செய்ய வேண்டும், எந்த கம்பெனியில் முதலீடு செய்யக் கூடாது என்பதை சஹாரா நமக்கு சரியாகச் சொல்லித் தந்துவிட்டது. இனி உஷாராக இருக்க வேண்டியது நாம்தான்!

பிட்ஸ்

டந்த ஓராண்டு காலத்தில் நம் நாட்டில் தொடங்கப் பட்ட ஸ்டார்ட் அப் நிறுவனங் களின் எண்ணிக்கை 24,927-லிருந்து 40,729-ஆக உயர்ந்துள்ளது. இது 60 சதவிகிதத் -துக்கும் அதிகம் ஆகும்!

பிட்ஸ்

ள்கட்டமைப் புக்காக ரூ.111 லட்சம் கோடி மதிப்பில் தொடங்கப் பட்ட திட்டங்களில் ரூ.44 லட்சம் கோடி மதிப்புள்ள திட்டங்கள் நடைமுறைப் படுத்தப்பட்டு வருவதாக மத்திய அமைச்சர் நிதின் கட்கரி தெரிவித்து உள்ளார்!