Published:Updated:

ட்விட்டர் சர்வே: இப்போதும் தங்கம் வாங்குவீர்களா?

ட்விட்டர் சர்வே

பிரீமியம் ஸ்டோரி

ங்கம் விலை உச்சத்தைத் தொட்டிருக்கிறது. கடந்த வெள்ளிக்கிழமை அன்று மாலை, 22 காரட் ஒரு கிராம் தங்கம் விலை ரூ.3,569ஆக இருந்தது. கடந்த காலத்தில் இல்லாத அளவுக்குத் தங்கம் விலை கடுமையாக உயர்ந்திருக்கிறது. இந்த நிலையிலும் நீங்கள் தங்கம் வாங்குவீர்களா என்கிற கேள்வியை நாணயம் ட்விட்டரில் (https://twitter.com/NaanayamVikatan) கேட்டிருந்தோம்.

ட்விட்டர் சர்வே: இப்போதும் தங்கம் வாங்குவீர்களா?

இந்த சர்வேயில் 55% பேர், தங்கத்தின் விலை உச்சத்தைத் தொட்டிருக்கும் இந்தச் சமயத்தில் வாங்கமாட்டேன் என்றே சொல்லியிருக்கிறார்கள். தங்கம் விலையானது எப்போதுமே அதிக ஏற்றமோ அல்லது அதிக இறக்கமோ காணாமல் இருந்தது. ஆனால், அண்மைக் காலமாக சர்வதேச நிகழ்வுகளுக்கேற்ப தங்கத்தின் விலையும் அதிக ஏற்றமும் அதிக இறக்கமும் கொண்டதாக மாறி யிருக்கிறது. இப்போதுள்ள விலையில் தங்கம் வாங்கினால், பிற்பாடு அதன் விலை குறைந்துவிடுமோ என்கிற பயம் அனைவரிடமும் இருப்பதால், தங்கத்தை இப்போது வாங்க வேண்டாம் என மக்கள் நினைப்பது தெளிவாகப் புரிகிறது.

இந்த சர்வேயில் 30% பேர், தங்கம் விலை இறங்கிய பிறகு வாங்குவேன் என்று சொல்லி யிருக்கிறார்கள். ஆனால், தங்கம் விலை இறங்குமா, எப்போது இறங்கும், எவ்வளவுக்கு இறங்கும் என்கிற கேள்விக்கெல்லாம் விடையில்லை.

ட்விட்டர் சர்வே: இப்போதும் தங்கம் வாங்குவீர்களா?

வெறும் 15% பேர், தங்கம் உச்சத்தைத் தொட்டிருக்கும் இந்த நிலையிலும் வாங்குவேன் என்று சொல்லியிருக் கிறார்கள். அவசியம் தேவை என்பவர்கள் விலை பார்க்காமல் வாங்கித்தான் ஆகவேண்டும். ஆனால், ஓரளவுக்கு ஏற்கெனவே தங்க நகை வாங்கியவர்கள், கோல்டு இ.டி.எஃப் போன்ற திட்டங் களில் முதலீடு செய்வது புத்திசாலித்தனம்!

- ஆகாஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு