Published:Updated:

வெஜிடபிள் கார்விங்: காய்கறிகளில் கலைவண்ணம்!

வெஜிடபிள் கார்விங்
பிரீமியம் ஸ்டோரி
News
வெஜிடபிள் கார்விங்

கார்விங் செய்யத் தேவையான உபகரணங்கள் மற்றும் அவற்றைக் கையாளும் முறைகள்

காய்கறிகளைச் செதுக்கி கலைச்சிற்பங்கள் செய்யும் `வெஜிடபிள் கார்விங்’ பற்றிய அறிமுக உரையைச் சென்ற இதழில் பார்த்தோம். இப்போது கார்விங் செய்வதற்கு முன்பு கவனத்தில் கொள்ளவேண்டிய விஷயங்கள் பற்றியும், கார்விங் செய்யத் தேவையான உபகரணங்கள் மற்றும் அவற்றைக் கையாளும் முறைகள் பற்றியும் விளக்குகிறார் செஃப் உமாசங்கர் தனபால்.

வெஜிடபிள் கார்விங்: காய்கறிகளில் கலைவண்ணம்!

கார்விங் செய்யப் பயன்படும் கத்திகள்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

வெஜிடபிள் கார்விங் கலைக்கு, புத்தியும் கத்தியும் இரண்டு கண்கள் எனலாம். கார்விங் செய்வதற்கு முன்பு நாம் செதுக்கும் வடிவங்களைக் குறித்துத் திட்ட மிடுவதில் நம் புத்தியின் பங்கும் காய்கறி களை லாகவமாகவும் நுணுக்கமாகவும் செதுக்குவதில் நம் கத்தியின் பங்கும் குறிப்பிடத்தக்கவை. எனவே, கார்விங் செய்யத் தேர்ந்தெடுக்கும் கத்தியில் அதிக கவனம் செலுத்த வண்டியது அவசியம். கார்விங் செய்வதற்கு இரண்டு வகையான கத்திகள் நமக்குத் தேவைப்படுகின்றன. ஒன்று, கிச்சனில் காய்கறிகளை நறுக்கப் பயன்படுத்தும் கிச்சன் கத்தி (Kitchen Knife). மற்றொன்று, கார்விங் செய்வதற்கென்று பிரத்யேகமாக உள்ள பேரிங் கத்தி (Paring Knife). இந்த பேரிங் கத்தியின் நுனி மற்ற கத்திகளைப்போல் இல்லாமல் பறவையின் அலகு போல் சிறிது வளைந்திருக்கும். எனவே, காய்களில் மிக நுண்ணிய வேலைப் பாடுகளைச் செய்ய இது மிகவும் உதவியாக இருக்கும்.

வெஜிடபிள் கார்விங்: காய்கறிகளில் கலைவண்ணம்!
வெஜிடபிள் கார்விங்: காய்கறிகளில் கலைவண்ணம்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
வெஜிடபிள் கார்விங்
வெஜிடபிள் கார்விங்

கத்தியைக் கூர்மையாக்கும் முறைகள்

கார்விங் செய்யப் பயன்படுத்தும் கத்தியின் கூர்மையைப் பொறுத்தே இருக்கும் நாம் செய்யும் கார்விங் சிற்பங்களின் நளினம். எனவே, நாம் பயன்படுத்தும் கத்தி மிகவும் கூர்மையாக இருக்க வேண்டும். ஷார்ப்னிங் கல்லை (Sharpening Stone) பயன்படுத்தி கத்தியைக் கூர்மைப்படுத்தலாம். இந்தக் கல் அனைத்து ஹார்டுவேர்ஸ் கடைகளிலும் கிடைக்கும். இந்தக் கல்லில் இரண்டு முக்கியப் பகுதிகள் இருக்கும். அதில் ஒரு பகுதி கத்தியைத் கூர்தீட்டவும், மற்றொரு பகுதி கூர்மைப்படுத்தியதால் கத்தியில் உருவான பிசிறுகளைச் சமன் செய்யவும் பயன்படுகிறது.

கத்தியைக் கூர்மையாக்கும் முறைகள்
கத்தியைக் கூர்மையாக்கும் முறைகள்

ஷார்ப்னிங் கல்லைப் பயன்படுத்துவதற்கு முன்பு சில நிமிடங்கள் அதைத் தண்ணீரில் ஊறவைக்க வேண்டும். பிறகு கல்லில் இருக்கும் கூர்தீட்டும் பகுதியில் கத்தியை மேல்புறமாகவும் கீழ்ப்புறமாகவும் தீட்டி கூர்மைப்படுத்த வேண்டும். பின்பு கல்லின் மற்றொரு பகுதியில் கத்தியை வைத்துத் தீட்டி அதில் உள்ள பிசிறுகளைச் சமன் செய்ய வேண்டும். இவ்வாறு வாரத்துக்கு ஒருமுறை செய்தால் போதுமானது. அப்போது ஷார்ப்னிங் கல்லைப் பயன்படுத்தி கத்தியின் ஒவ்வொரு பக்கத்தையும் கூர்தீட்ட ஏழு நிமிடங்களும், கத்தியில் உள்ள பிசிறுகளைச் சமன் செய்ய ஐந்து நிமிடங்களும் எடுத்துக்கொள்ளலாம். இவ்வாறு கூர்தீட்டப்பட்ட கத்தியை ஈரமின்றி துடைத்து சிறிது எண்ணெய் தடவிவைத்தால் துருப்பிடிக்காமல் இருக்கும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

கார்விங் செய்யும் கத்தியைப் பிடிக்கும் முறைகள்

கார்விங் கத்தியைப் பிடிக்கும்போது மூன்று விரல்கள் முக்கியமாகச் செயலாற்றுகின்றன. அவை சுட்டுவிரல், கட்டைவிரல், நடுவிரல். படத்தில் காட்டியுள்ளவாறு சுட்டுவிரல் மற்றும் கட்டைவிரலைப் பயன்படுத்தி மட்டுமே கத்தியைப் பிடிக்க வேண்டும். இதில் நடுவிரல் கார்விங் செய்யும் காய்களில் எந்த அளவுக்குக் கத்தியை உள் இறக்கி கோடு போட வேண்டுமோ அந்த அளவுக்குக் கத்தியை உட்செலுத்தி அதன் முடிவில் நடுவிரலை வைத்து கோடு போடும்போது அந்த அளவு சரியாகவும், துல்லியமாகவும் இருக்கும். மேலும், இந்த மூன்று விரல்கள் போக மற்ற இரண்டு விரல்களை கார்விங் செய்யும் காய் அல்லது கனியின் மேற்பரப்பில் நமக்கு வசதியாக இருப்பதுபோல் வைத்துக் கொள்ளலாம். இது கார்விங் செய்யும்போது கைகளில் ஏற்படும் நடுக்கத்தைக் குறைக்கும்.

கார்விங் செய்யும் கத்தியைப் பிடிக்கும் முறைகள்
கார்விங் செய்யும் கத்தியைப் பிடிக்கும் முறைகள்
வெஜிடபிள் கார்விங்
வெஜிடபிள் கார்விங்

கார்விங் ஸ்கில் பிராக்டீஸ்

தேவையானவை: கேரட் மற்றும் கார்விங் கத்தி கார்விங் செய்வதற்கான இந்த அடிப்படை பயிற்சியில் முதலில் அளவில் நடுத்தரமான ஒரு கேரட்டை எடுத்துக்கொண்டு அதன் தோலைச் சீவி, நடுப்பகுதியில் இருந்து ஒரு துண்டை குறுக்குவெட்டில் வெட்டி எடுத்துக் கொள்ள வேண்டும்.

பிறகு கேரட்டை இடது கையில் எடுத்துக் கொண்டு, ஏற்கெனவே கூறிய முறைகளில் கார்விங் கத்தியை வலது கையில் எடுத்துக் கொள்ள வேண்டும். பிறகு கத்தியின் நுனியை மட்டுமே பயன்படுத்தி கேரட்டில் கத்தியின் நுனியை 2 அல்லது 3 மில்லி மீட்டர்வரை இறக்கி 90 டிகிரியில் நேராக ஒரு கட் செய்ய வேண்டும்.

கார்விங் ஸ்கில் பிராக்டீஸ்
கார்விங் ஸ்கில் பிராக்டீஸ்

அடுத்து கத்தியைப் பக்கவாட்டில் சாய்த்து 45 டிகிரியில் வைத்து முன்பு செய்ததுபோல கத்தியின் நுனிப்பகுதியை செலுத்தி மற்றொரு கட் செய்ய வேண்டும். இதுபோல ஸ்ட்ரைட் கட் (Straight Cut ) மற்றும் ஸ்லான்ட் கட் (Slant Cut) செய்து படத்தில் காட்டியுள்ளவாறு கேரட்டின் பகுதிகளை வெட்டி எடுக்க வேண்டும். ஒரு வாரத்துக்கு இந்தப் பயிற்சியைத் தினமும் அரை மணி நேரத்திலிருந்து ஒரு மணி நேரம் வரை செய்து பழகினால் கார்விங் கத்தியைக் கையாளும் லாகவமும், காய்கனிகளில் நாம் நினைத்த வடிவங்களைச் செதுக்குவதற்கான திறனும் எளிதில் நம் வசப்படும். இந்த கார்விங் ஸ்கில் பிராக்டீஸைத் தொடர்ந்து பயிற்சி செய்து கொண்டேயிருங்கள்...

அடுத்த இதழில் உங்களுக்காகக் காத்திருக்கிறது காய், கனிகளிலிருந்து வரும் பூக்களும்... இலைகளும்..!