Published:Updated:

ஜீரோ பர்சன்ட் வட்டிக் கடன்... என்ன உண்மை? - வியாபார உத்தியா..?

ஜீரோ பர்சன்ட்
பிரீமியம் ஸ்டோரி
News
ஜீரோ பர்சன்ட்

ஜீரோ பர்சன்ட் வட்டியில் கடனளிக்க முன்வரும் நிறுவனங்கள் அதிக தொகையைக் கடனாகத் தருவதில்லை!

ன்றைய வணிக உலகில் பெரும்பாலான நிதி நிறுவனங்கள் ஜீரோ பர்சன்ட் (0%) வட்டியில் கடன் தருவதாகக் கூறி மக்களை ஈர்ப்பதைக் காண முடிகிறது. உண்மையில் ஜீரோ பர்சன்ட் வட்டி பாதுகாப்பானதா... அல்லது மக்களுக்கு விரிக்கப்படும் மாயவலையா... இதன் பின்னிருக்கும் வியாபார உத்திதான் என்ன என்பது குறித்து நிதி ஆலோசகர் என்.விஜயகுமாரிடம் பேசினோம்.

குறித்த காலத்துக்குள் கடனைக் கட்டாவிட்டால்..!

“நீங்கள் உங்கள் வீட்டுக்குத் தொலைக்காட்சியோ, குளிர்சாதனப் பெட்டியோ இதுபோன்ற வேறு ஏதேனும் பொருள்களோ வாங்க விரும்புகிறீர்கள்... ஆனால், உங்களிடம் அதற்கான பணம் இல்லையென்று வைத்துக்கொள்வோம். நீங்கள் பொருள்கள் வாங்கும் கடையுடன் தொடர்பிலிருக்கும் நிதி நிறுவனம் உங்களுக்கு ஜீரோ பர்சன்ட் வட்டியில் கடன் அளிக்க முன்வரும்.

ஜீரோ பர்சன்ட் வட்டிக் கடன்... என்ன உண்மை? - வியாபார உத்தியா..?

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

நீங்கள் வாங்கும் பொருளுக்கான தொகையை உங்களுக்காக அந்த நிறுவனமே கடையிடம் வழங்கிவிடும். நீங்கள் மாதம்தோறும் ஒரு குறிப்பிட்ட தொகையை உங்களின் கடனை அடைக்கும் விதமாக அந்த நிதி நிறுவனத்துக்குத் தவணை கட்ட வேண்டும். இந்தத் தொகையைக் கட்டத் தவறும்பட்சத்தில் உங்களுக்குக் குறிப்பிட்ட தொகை அபராதமாகப் போடப்படும். இதையும் செலுத்தத் தவறினால் எதிர்காலத்தில் நீங்கள் பர்சனல் லோன் போன்றவற்றைப் பெறுவதற்குத் தகுதியற்றவராகிவிடுவதற்கு வாய்ப்புகள் அதிகம்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

குறைந்த அளவே கடன்..!

மேலும், ஜீரோ பர்சன்ட் வட்டியில் கடனளிக்க முன்வரும் நிறுவனங்கள் பெரும்பாலும், அதிக தொகையைக் கடனாகத் தருவதில்லை. இவற்றிட மிருந்து ஜீரோ பர்சன்ட் வட்டிக்குக் குறைந்தபட்சத் தொகையாக ரூ.5,000-லிருந்து அதிகபட்சத் தொகையாக ரூ.2 லட்சம் வரை பெற முடியும்.

ஜீரோ பர்சன்ட் வட்டிக் கடன்... என்ன உண்மை? - வியாபார உத்தியா..?

ஜீரோ பர்சன்ட் வட்டியில் குறைந்தபட்சத் தொகையை மட்டும் கடன் வழங்க முடிவெடுக்கும் குறிப்பிட்ட நிறுவனத்தின் இந்த நிலை ‘கான்சன்ட்ரேஷன் ரிஸ்க் (Concentration risk) எனப்படும். ஒருவருக்கு மட்டும் ரூ.10 லட்சத்தை ஜீரோ பர்சன்ட் வட்டியில் கடன் கொடுப்பதைவிட, அதையே 10 பேருக்கு தலா ரூ.1 லட்சமாகப் பிரித்து, ஜீரோ பர்சன்ட் வட்டியில் கடன் தருவது கடன் கொடுக்கும் நிதி நிறுவனத்தின் ரிஸ்க் எடுக்கும் திறனைக் குறைக்கிறது. இதன் காரணமாகவே நிறுவனங்கள் கொடுக்கும் ஜீரோ பர்சன்ட் வட்டிக்குரிய கடன்களுக்கான தொகை குறைவான அளவிலேயே உள்ளன.

பிராசஸிங் பீஸ் உஷார்..!

அடுத்ததாக, இந்த நிதி நிறுவனங்கள் ஜீரோ பர்சன்ட் வட்டியில் கடன் தருவதாகக் கூறினாலும், உங்களுக்குப் பணத்தைக் கடன் வழங்கிய உடனேயே பிராசஸிங் ஃபீஸ் (Processing fees) என்று ஒரு குறிப்பிட்ட தொகையைக் கட்டணமாக வசூலித்துவிடும். இந்தத் தொகை முழுவதும் அந்த நிதி நிறுவனத்தின் லாபக் கணக்கில் சேரும். மேலும், இதுபோன்று ஜீரோ பர்சன்ட் வட்டியில் கடன் தருவதாகக் கூறும் நிறுவனங்கள் பல்வேறு நிறுவனங்களுடன் ஒப்பந்தத் தொடர்பில் இருக்கும். அந்தத் தொழில் நிறுவனங்கள் தயாரிக்கும் பொருள்கள் மக்களிடையே அதிக எண்ணிக்கையில் விற்பனையாவதற்கு அதனுடன் தொடர்பில் இருக்கும் இந்த நிதி நிறுவனங்களின் ஜீரோ பர்சன்ட் வட்டிக் கடன் முக்கியமான காரணமாக உள்ளது. இதனால் அந்த நிறுவனங்களிடமிருந்து கணிசமான தொகையை இந்தக் கடன் வழங்கும் நிதி நிறுவனங்கள் பெற்றுவிடும் என்பதால், ஜீரோ பர்சன்டில் கடன் தர முடிகிறது.

நிதி நிறுவனங்கள் ஜீரோ பர்சன்ட் வட்டியில் கடன் தருவதாகக் கூறினாலும், உங்களுக்குப் பணத்தைக் கடன் வழங்கிய உடனேயே பிராசஸிங் ஃபீஸ் என ஒரு குறிப்பிட்ட தொகையைக் கட்டணமாக வசூலித்துவிடும்!

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

கவனத்தில் கொள்ள வேண்டியவை..!

* நீங்கள் ஒரு குறிப்பிட்ட தொகையை வட்டியில்லாக் கடனில் பெற்ற பிறகு, அதை அவர்கள் அனுமதித்துள்ள காலக்கெடுவுக்குள் திரும்பிச் செலுத்த முடியுமா என்பதை உறுதி செய்துகொள்வது நல்லது.

ஜீரோ பர்சன்ட் வட்டிக் கடன்... என்ன உண்மை? - வியாபார உத்தியா..?

* பொருள்களை வாங்கும் நிறுவனமும் அதனுடன் தொடர்பில் இருக்கும் கடன் தரக்கூடிய நிதி நிறுவனமும் நம்பத்தகுந்தவையா என்பதை ஒருமுறைக்கு இருமுறை பரிசீலனை செய்துகொள்வது நல்லது.

* நிதி நிறுவனத்திடமிருந்து கடன் பெற்ற பிறகு, ஏதாவது ஒரு மாத தவணையைச் செலுத்த இயலாவிட்டால் முன்பே அந்த நிறுவனத்திடம் அறிவித்து சலுகை இருப்பின் பயன்படுத்திக்கொள்ளவும். அவர்கள் குறிப்பிட்டிருக்கும் தேதிக்குள் தவணையைச் செலுத்தாவிட்டால், அபராதமாகக் குறிப்பிட்ட தொகையைச் செலுத்த நேரிடும் அல்லது சட்ட ரீதியாக ஏதேனும் பிரச்னைகளை சந்திக்க நேரிடலாம்’’ என்றார் நிதி ஆலோசகர் விஜயகுமார். ஜீரோ பர்சன்டில் கடன் வாங்குபவர்கள் உஷார்!