சீனாவுக்கு ஆதரவாகச் செயல்படுகிறதா உலக சுகாதார நிறுவனம்?

ஏப்ரல் 6-ம் தேதி உலக சுகாதார நிறுவனம் வெளியிட் டிருக்கும் தரவுகளின்படி, உலகில் 209 நாடுகளில் 11,36,851 பேர் கொரோனா வைரஸ் தொற்றால் பாதிக்கப் பட்டுள்ளனர். 62,955 பேர் பலியாகியுள்ளனர். இந்த Covid-19 கொரோனா வைரஸ், `உலகளாவிய பெருந்தொற்று நோய்’ (Pandemic) என அறிவித்துவிட்டது உலக சுகாதார நிறுவனம் (WHO). . அந்தந்தத் தேசத்தின் தலைவர்களும் அதிபர்களும் என்ன சொல்லப்போகிறார்கள் என்பதைத் தாண்டி, உலக சுகாதார நிறுவனம் என்ன சொல்கிறது என்பதைத்தான் உலகமே உற்றுநோக்கிக்கொண்டிருக்கிறது. இந்த நேரத்தில், அதன்மீது ஒரு புதிய பழியும் விழுந்திருக்கிறது.

. மொத்தம் 194 உறுப்பு நாடுகளைக்கொண்ட உலக சுகாதார நிறுவனம், உலக சுகாதாரம் பேணுவதற்காகக் கட்டமைக்கப்பட்ட ஐ.நா சபையின் சிறப்பு அங்கம். சர்வதேச நாடுகளின் சுகாதாரத் துறையும் இதுவே. இதுவரை ஹெச்.ஐ.வி, எபோலா, மலேரியா உள்ளிட்ட தொற்றுநோய்களைக் கட்டுப்படுத்துவதில் பெரும் பங்காற்றியிருக்கிறது உலக சுகாதார நிறுவனம். இதற்காகவே பிரத்யேகமாக நூற்றுக்கணக்கான சுகாதார வல்லுநர்களைக் கொண்டு உலகளாவிய பெருந்தொற்று நோய் முன்தயாரிப்புத் (global pandemic preparedness plan) திட்டத்தை 1999-லேயே தயார்செய்தது.

. இந்த நிலையில், சீனாவில் வூஹான் நகரில் புதிய வைரஸ் ஒன்று பரவுவதாக டிசம்பர் மாதம் 31-ம் தேதி உறுதிசெய்தது உலக சுகாதார நிறுவனம். தொடர்ந்து இந்த நோய்குறித்த ஆராய்ச்சியில் இறங்கி, இந்த நோய் உலகுக்கு எவ்வளவு ஆபத்தானது என்பதை கணிக்கத் தொடங்கியது.

இந்த வைரஸுக்கு `கொரோனா வைரஸ் டிசீஸ்-19’ (Covid-19) எனப் பெயரிட்ட உலக சுகாதார நிறுவனம், உலக நாடுகள் என்ன செய்ய வேண்டும் என்பதுகுறித்த வழிகாட்டுதல்களை வெளியிடத் தொடங்கியது. உலக நாடுகளின் தலைவர்களை ஒன்றிணைத்து அவசர கூட்டங்கள் நடத்தியது. கொரோனா வைரஸ் பற்றிய சந்தேகங் களுக்கு அதிகாரபூர்வ விளக்கங்கள் அளித்தது. பொய்யான தகவல்கள் பரவாமல், உண்மைத் தகவல்களை எடுத்துரைத்தது. மேலும் இந்த வைரஸுக்கு மருந்து கண்டுபிடிப்பதற்கான ஆராய்ச்சியையும் தீவிரப்படுத்தி யிருக்கிறது.

. தவிர வாட்ஸப், டிக் டாக், வைபர் உள்ளிட்ட சமூக வலைதளங்களுடன் இணைந்து மக்களுக்கு விழிப்புணர்வு ஏற்படுத்துவது, தகவல் பரிமாறுவது, பல்வேறு நாடுகளுடன் கரம் கோத்து மீட்பு மற்றும் பாதுகாப்பு நடவடிக்கைகளுக்கு வழிகாட்டுவது எனப் பல பணிகளைச் செய்கிறது உலக சுகாதார நிறுவனம்.

. இந்த நிலையில்தான், ‘உலக சுகாதார நிறுவனம் சரியான நேரத்தில் உலக நாடுகளை எச்சரிக்கை செய்யவில்லை’ என்ற சர்ச்சை வெடித்திருக்கிறது.

‘‘டிசம்பர் மாத இறுதியில் இந்தத் தொற்று குறித்த தகவல் கிடைத்தும், எந்த நடவடிக்கையையும் உலக சுகாதார நிறுவனம் எடுக்கவில்லை. `இந்த வைரஸ், பெரும் ஆபத்தை விளைவிக்கும்’ என தைவான் எச்சரித்தும் அதையும் கேட்க வில்லை. ஆரம்பம் முதலே சீன ஆதரவுபோக்கையே அது கடைப் பிடித்து வந்தது. ஒருவேளை அப்போதே சுதாரித்திருந்தால், சீனாவிலிருந்து பிற நாடுகளுக்கு தொற்று பரவாமல் கட்டுப்படுத்தியிருக்கலாம். சீனாவின் வர்த்தக நலனைக் கருத்தில் கொண்டே உலக சுகாதார நிறுவனம் இப்படிச் செய்தது’’ என அதன்மீது குற்றச்சாட்டு வைக்கின்றனர் அரசியல் பார்வையாளர்கள்.

. சமீபத்தில் உலக சுகாதார நிறுவனத்தின் இயக்குநர் டெட்ராஸ் அதோனாம் கெப்ரேயேஸஸ், உலக நாடுகள் எடுத்துவரும் நடவடிக்கைகள் குறித்துப் பேசுகையில் ‘‘எந்த ஒரு பயங்கரவாதத் தாக்குதலைவிடவும் அரசியல், பொருளாதாரம் மற்றும் சமூகரீதியான அதிக பாதிப்புகளை ஒரு வைரஸால் ஏற்படுத்த முடியும். எனவே, பொதுமக்களின் முதல் எதிரியாக இந்த வைரஸை பாவித்து, அதற்கு எதிரான தடுப்பு நடவடிக்கை களை நாம் மேற்கொள்ள வேண்டும்’’ என்றார்.

டெட்ராஸ் சொல்வது சரிதான்... ஆனால், உலக சுகாதார நிறு வனம் செய்தது சரிதானா?

சீனாவுக்கு ஆதரவாகச் செயல்படுகிறதா உலக சுகாதார நிறுவனம்?

ஜெனிஃபர்.ம.ஆ