Published:Updated:

செக் ஃப்ரம் ஹோம் - புதிய பகுதி - பற்களின் ஆரோக்கியம் அறிய!

பற்களின் ஆரோக்கியம் அறிய!
பிரீமியம் ஸ்டோரி
பற்களின் ஆரோக்கியம் அறிய! ( Photo: Pixabay )

உங்கள் ஆரோக்கியத்தை நீங்களே பரிசோதிக்கலாம்!

செக் ஃப்ரம் ஹோம் - புதிய பகுதி - பற்களின் ஆரோக்கியம் அறிய!

உங்கள் ஆரோக்கியத்தை நீங்களே பரிசோதிக்கலாம்!

Published:Updated:
பற்களின் ஆரோக்கியம் அறிய!
பிரீமியம் ஸ்டோரி
பற்களின் ஆரோக்கியம் அறிய! ( Photo: Pixabay )

உடல்நலம், மனநலம் எதுவாக இருந்தாலும் ஆரம்பத்திலேயே பிரச்னையைக் கண்டறிந்துவிட்டால் தீவிர பாதிப்பை மட்டுமல்ல, அதிக செலவையும் தவிர்க்கலாம். பிரச்னையை ஆரம்பத்திலேயே கண்டறிந்து தீர்வை நோக்கி உங்களை நகரவைக்க வேண்டும் என்பதற்காகவே இந்தப் பகுதி. வீட்டிலேயே எளிய சுயபரிசோதனையின் மூலம் பிரச்னைகளைக் கண்டறிவதற்கு ஒவ்வோர் இதழிலும் துறை சார்ந்த மருத்துவர்கள் ஆலோசனைகள் அளிக்கவிருக் கின்றனர். இந்த இதழில் பற்களின் ஆரோக்கியம் அறிவோமா..?

உலக அளவில் 350 கோடி பேருக்கும் அதிகமானோருக்கு பல் சார்ந்த பிரச்னைகள் இருக்கின்றன. அதேசமயம் பல் சார்ந்த பிரச்னைகளை எளிதில் தடுக்கவும், ஆரம்ப நிலையிலேயே சிகிச்சையளிக்கவும் முடியும் என்கிறது உலக சுகாதார நிறுவனம். ஆனால், பெரும்பாலானோர் தாங்க முடியாத வலி ஏற்படும்போதுதான் மருத்துவரிடம் செல்கின்றனர்.

பிரியா பிரபாகர்
பிரியா பிரபாகர்

பிரச்னைகளுக்கான பொதுவான காரணங்கள்...

வாய் சுகாதாரம் பேணாதது.

ஆரோக்கியமில்லாத உணவுப் பழக்கம்.

இனிப்புகள் அதிகம் சாப்பிடுவது.

புகையிலை, மதுப்பழக்கம்.

சுய பரிசோதனை...

முகம் பார்க்கும் கண்ணாடியை எடுத்துக் கொள்ளவும் அல்லது செல்போனின் முன் பக்க கேமராவை ஆன் செய்து கொள்ளவும்.

வெளிச்சமான இடத்தில் நின்றுகொண்டு பற்களைப் பரிசோதிக்கத் தொடங்க வேண்டும்.

வாயின் மேற்பகுதி, கீழ்ப்பகுதி இரண்டிலும் பின்வரிசையிலிருந்து முன்வரிசை வரை பொறுமையாகப் பரிசோதிக்க வேண்டும்.

பல் சொத்தை இருந்தால் பற்களின் மேல் பகுதியில் உணவு ஒட்டிக்கொள்ளலாம்.

பற்களின் மேல் கறுப்பாகக் காணப்பட்டால் பல்சொத்தை இருக்கிறது என்று அர்த்தம்.

பற்களைக் கடிக்கும்போது வலி ஏற்பட்டால் பல்சொத்தை அதிகமாகி வேர் வரை பாதித்திருக்கக்கூடும்.

பல்லில் மஞ்சள் அல்லது பழுப்பு நிறத்தில் கறை படிந்திருந்தால் பாக்டீரியா தொற்று ஏற்பட்டுள்ளதாக அர்த்தம். அது கால்குலஸ் (Calculus) அல்லது டார்டார் (Tartar) எனப்படும்.

கறையை நாக்கால் தொட்டுப்பார்த்தால் சொரசொரப்பாக இருக்கும்.

பல்லின் மேற்பகுதியிலோ, அதிக இடை வெளியின் காரணமாக இரண்டு பற்களுக்கும் நடுவிலோ உணவு மாட்டிக் கொண்டிருக் கிறதா என்று பார்க்க வேண்டும்.

இரண்டு பற்களுக்கு நடுவே உணவு மாட்டி னால் ஈறு பிரச்னையாக இருக்கலாம்.

பற்களின் வெளிப்புறத்தில் வெள்ளை நிறத்தில் மெழுகு போன்ற படிவம் படிந்திருந் திருப்பது ஈறுகளின் உள்ளே அழுக்கு சேர்ந்திருப்பதன் அறிகுறியாக இருக்கலாம்.

பிரஷ் செய்யும்போதும், ஆப்பிள் போன்று எதையாவது கடிக்கும்போதும் ரத்தக்கசிவு ஏற்பட்டால் அது ஈறு பிரச்னையின் முதல் நிலையாக இருக்கலாம்.

செக் ஃப்ரம் ஹோம் - புதிய பகுதி -  பற்களின் ஆரோக்கியம் அறிய!

அறிகுறிகளை அலட்சியப்படுத்தினால்...

கால்குலஸ் பிரச்னையை அலட்சியம் செய்தால் ஈறுகள், எலும்பை பாதித்து பல் ஆட ஆரம்பித்துவிடும்.

பல் சொத்தைக்கு முதல் அறிகுறி பல்கூச்சம். ஈறு இறங்கினாலோ, பற்கள் தேய்ந்திருந் தாலோகூட பல்கூச்சம் ஏற்படலாம்.

சாப்பிடும்போது மட்டும் பல் வலிக்கிறது. அதற்குப் பிறகு சரியாகிவிடுகிறது என்றால் சொத்தை அடைக்கிற நிலையில் இருக்கிறது.

இரவில் அதிகரிக்கும் பல்வலி, வீக்கம் போன்றவை பல்லை எடுக்க வேண்டும் அல்லது வேர் சிகிச்சை செய்ய வேண்டும் என்பதற்கான அலர்ட்.

பிரச்னையைக் கண்டறிந்ததும் ஆரம்ப நிலையிலேயே சிகிச்சை எடுத்துக்கொண்டால் பற்களின் ஆரோக்கியத்தையும் ஆயுளையும் காப்பாற்றலாம்.

தகவல்: பல் மற்றும் ஈறு சிகிச்சை மருத்துவர் பிரியா பிரபாகர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism