Published:Updated:

கன்சல்ட்டிங் ரூம்

ஹெல்த்
பிரீமியம் ஸ்டோரி
ஹெல்த்

ஹெல்த்

கன்சல்ட்டிங் ரூம்

ஹெல்த்

Published:Updated:
ஹெல்த்
பிரீமியம் ஸ்டோரி
ஹெல்த்
கன்சல்ட்டிங் ரூம்

`ஸ்ட்ரெஸ் அதிகமாக இருக்கும் பெண்களுக்கு தைராய்டு பிரச்னை ஏற்படும்’ என்று என் தோழி சொல்கிறார். உண்மையா?

- எஸ்.ராதிகா, சென்னை

``உண்மைதான். பெண்களுக்கு ஸ்ட்ரெஸ் அதிகமாக இருந்தால், சில நேரங்களில் ஹைப்பர்தைராய்டு வரலாம். அதாவது, டி3, டி4 அதிகமாகச் சுரக்கலாம். பரீட்சை நேர மனப்பதற்றம், குடும்பத்துக்குள் ஏதாவது பிரச்னை போன்றவற்றால் ஏற்படும் ஸ்ட்ரெஸ், ஹைப்பர்தைராய்டு வருவதற்குக் காரணமாகலாம். ஆனால் ஹைப்போதைராய்டு, ஸ்ட்ரெஸ்ஸால் வராது. ஹைப்பர்தைராய்டிசம் வந்தால், என்னவிதமான சிகிச்சை அளிப்போமோ அதே சிகிச்சையைத்தான் இந்தப் பிரச்னைக்கும் அளிப்போம். அதே நேரம், எந்தப் பிரச்னை காரணமாக ஸ்ட்ரெஸ் வந்திருக்கிறது என்பதைக் கண்டறிய மனநல மருத்துவரையும் சந்தித்து, சிகிச்சை எடுத்துக்கொள்ள வேண்டும். இந்த நிலையில் வெறும் தைராய்டுக்கான சிகிச்சை மட்டும் அளித்தால், பிரச்னை சரியாகாது. ஸ்ட்ரெஸ்ஸால் தைராய்டு பிரச்னை வந்திருந்தால், அதற்கு வாழ்க்கை முழுக்க தைராய்டு மாத்திரை சாப்பிட வேண்டிய அவசியமில்லை. சிகிச்சையை எடுக்க எடுக்க, பிரச்னையின் தீவிரம் குறைய ஆரம்பிக்கும். அப்போது தைராய்டு மாத்திரையின் அளவைப் படிப்படியாகக் குறைத்துக்கொண்டே வந்து நிறுத்திவிடலாம்.’’

ஒட்டுமொத்த விகடனுக்கும் ஒரே ஷார்ட்கட்!

கன்சல்ட்டிங் ரூம்

ஸ்ருதி, நாளமில்லா சுரப்பியியல் நிபுணர்

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
கன்சல்ட்டிங் ரூம்

எனக்கு 34 வயது. விரைவில் திருமணம் நடக்கவிருக்கிறது. `35 வயதுக்கு மேல் குழந்தை பெற்றுக்கொண்டால், அந்தக் குழந்தைக்கு மூளை வளர்ச்சியில் பிரச்னை வரும்’ என்று கேள்விப்பட்டிருக்கிறேன். அது உண்மையா?

- எல்.கோமதி, கோயம்புத்தூர்

``நீங்கள் கேள்விப்பட்டதில் உண்மை இருக்கிறது என்றாலும், அது குறித்து அதிகம் பயப்படத் தேவையில்லை. 35 வயதுக்குப் பிறகு கருமுட்டைகளின் உருவாக்கம் குறைந்துவிடும் என்பதால், பெண்கள் அந்த வயதுக்கு முன்னதாகவே திருமணம் முடித்து, குழந்தை பெற்றுக்கொள்வது நல்லது என்பது என் தனிப்பட்ட கருத்து. மற்றபடி, உங்கள் கேள்விக்கு என்னுடைய பதில், 35 வயதுக்குப் பிறகு குழந்தை பெற்றுக்கொள்ளும் பெண்களில் 250 பெண்களில் ஒருவருக்கு, குழந்தை மூளை வளர்ச்சி குன்றி பிறக்கலாம். 40 ப்ளஸ்ஸில் குழந்தை பெற்றுக்கொள்பவர்களுக்கு 50-ல் ஒரு பெண்ணுக்கு மூளை வளர்ச்சி குன்றிய குழந்தை பிறக்கலாம். அம்மாக்கள் 20-களில் இருக்கிறார்கள் என்றால், 1,000-ல் ஒருவருக்கு இப்படிப்பட்ட குழந்தை பிறக்கலாம். தவிர, நெருங்கிய ரத்த சொந்தத்துக்குள் திருமணம் செய்துகொள்பவர்களுக்கு இந்தப் பிரச்னையின் தீவிரம் இன்னும் அதிகமாகும். சூழ்நிலை காரணமாக 35 வயதுக்கு மேல்தான் திருமணம் என்றால், கர்ப்பத்தையும் கர்ப்பகாலத்தையும் மருத்துவ ஆலோசனையுடன் திட்டமிட வேண்டும். திருமணம் முடிந்த நாளிலிருந்து 4 முதல் 6 வாரங்களுக்கு தினமும் ஃபோலிக் ஆசிட் மாத்திரை எடுத்துக்கொள்ளலாம். அதையும் மீறி ஒருவேளை கருவுக்கு ஆரோக்கியக் குறைபாடு ஏற்பட்டால், அதை ரத்தப் பரிசோதனை, ஸ்கேன் மூலம் கண்டுபிடித்து, அபார்ஷன் செய்துவிடலாம். எல்லாவற்றுக்கும் மேல், `என் குழந்தை ஆரோக்கியமாக இருக்கும்’ என்று பாசிட்டிவ்வாக நினையுங்கள். 250-ல் ஒருவருக்குத்தான் பிரச்னை ஏற்படும், 249 பெண்களுக்கு எந்தப் பிரச்னையும் ஏற்படுவதில்லையே... நல்லதே நடக்கும்.’’

கன்சல்ட்டிங் ரூம்

கனிமொழி, மகப்பேறு மருத்துவர்

எனக்கு 30 வயதாகிறது. காலை அல்லது மதிய வேளையில் ஓய்வுக்காகச் சிறிது நேரம் தூங்கினால், எழுந்த பிறகும் நாள் முழுவதும் சோர்வாகவே இருக்கிறது. எந்த வேலையிலும் தீவிரமாக ஈடுபட முடிவதில்லை. அதற்கு என்ன காரணம்?

- ஐஷ்வர்யா, கருங்கல்

``இது போன்று ஏற்படும் சோர்வுக்கு எவ்வித மருத்துவக் காரணங்களும் இல்லை. பொதுவாக, அனைவருக்கும் தூக்கத்துக்குப் பிறகு கொஞ்சம் சோம்பல் இருப்பது இயல்புதான். அதிக சோம்பலாக இருக்கும்பட்சத்தில் தூக்கத்துக்குப் பிறகு சிறு சிறு உடற்பயிற்சிகளைச் செய்து புத்துணர்ச்சி பெறலாம். அதிக நேரம் தூங்குவதும் உடல்சோர்வை ஏற்படுத்தலாம். ரத்தச்சோகையாலும் பெண்களுக்கு சோர்வு ஏற்படலாம். எனவே, ரத்தத்தில் ஹீமோகுளோபின் அளவைப் பரிசோதித்துப் பார்ப்பது நல்லது.’’

கன்சல்ட்டிங் ரூம்

- எம்.சாய்ராம், பொது மருத்துவர்.