Published:Updated:

இப்பவோ... எப்பவோ... இரண்டாவது குழந்தைக்குத் திட்டமிடுவோர் கவனத்துக்கு...

இரண்டாவது குழந்தை
பிரீமியம் ஸ்டோரி
இரண்டாவது குழந்தை

#Health

இப்பவோ... எப்பவோ... இரண்டாவது குழந்தைக்குத் திட்டமிடுவோர் கவனத்துக்கு...

#Health

Published:Updated:
இரண்டாவது குழந்தை
பிரீமியம் ஸ்டோரி
இரண்டாவது குழந்தை

முதல் குழந்தை கருத்தரிப்பதற்கு முன் தாயின் ஆரோக்கியம், பிறக்கப்போகும் சேயின் ஆரோக்கியம் என்று முழுமையாகத் திட்டமிடுகிறவர்களுக்கு, இரண்டாவது குழந்தைக்கு எப்படித் திட்டமிடுவது என்று தெரிவதில்லை. வீட்டில் பெரியவர்கள் இல்லாததும் சுற்றியிருப்பவர்களில் பலரும் ஒரு குழந்தையுடன் நிறுத்திவிடுவதும்தான் இதற்குக் காரணம். இரண்டாம் குழந்தைக்குத் திட்டமிடுவோருக்கான மருத்துவ அறிவுரைகள் வழங்குகிறார் மகப்பேறு மருத்துவர் ஸ்ரீகலா பிரசாத்.

குறைந்தபட்சம் இரண்டு வருடங்கள்!

சிசேரியன் பிரசவங்கள்அதிகரித்துவிட்டதால், முதல் குழந்தைக்கும் இரண்டாவது குழந்தைக்கும் இடையே குறைந்தது இரண்டு வருட இடைவெளி இருக்க வேண்டும். அப்போதுதான் இரண்டாவது குழந்தையையாவது நார்மல் டெலிவரிக்கு முயற்சி செய்ய முடியும். ஒருவேளை முதல் குழந்தை சுகப்பிரசவத்தில் பிறந்திருந்தாலும், தாய் உடல் நலம் தேறி நல்ல ஆரோக்கியத்துக்குத் திரும்பிய பிறகுதான் இரண்டாவது குழந்தையைப் பற்றி யோசிக்க வேண்டும். அதற்கு இந்த இடைவெளி அவசியம். சில பெண்கள் இரண்டு வருடங்களுக்குள் கருத்தரித்துவிட்டால், அபார்ஷன் செய்துகொள்கிறார்கள். இது தாயின் உடல்நலத்தை மிகவும் பாதிக்கும். இதற்கு பதில், சத்தாகச் சாப்பிட்டு இரண்டாவது குழந்தையைப் பெற்றுவிடுவதே நல்லது.

இப்பவோ... எப்பவோ...
இரண்டாவது குழந்தைக்குத்
திட்டமிடுவோர் கவனத்துக்கு...

ஹீமோகுளோபின் செக் செய்யுங்கள்!

அடுத்தடுத்த மாதங்களிலோ, ஆறு மாதங்கள் கழித்தோ இரண்டாவது குழந்தை பெற்றுக்கொள்ள விரும்பலாம். ஆனால், அதற்கு முன் ஹீமோகுளோபின் குறைவாக இருந்தால், மருத்துவர் ஆலோசனைப்படி இரும்புச்சத்து மாத்திரைகள் சாப்பிட வேண்டும். தேவைப்பட்டால் இரும்புச்சத்து ஊசிபோட்டுக் கொள்ளலாம்.

ஃபோலிக் ஆசிட் கட்டாயம்!

பிறக்கப்போகிற குழந்தைக்கு பிறவிக்குறைபாடும் முதுகுத் தண்டுவடத்தில் பிரச்னையும் வரக்கூடாது என்றால், அம்மாவின் உடலில் ஃபோலிக் ஆசிட் சத்து போதுமான அளவு இருக்க வேண்டும். அதனால்தான், திருமணத்துக்கு சில மாதங்களுக்கு முன்பிருந்தே ஃபோலிக் ஆசிட் மாத்திரை சாப்பிடச் சொல்வோம். ஆனால்,சில அம்மாக்கள் முதல் கர்ப்பத்துக்கு கொடுத்த கவனத்தை இரண்டாவது கர்ப்பத்துக்கு கொடுப்பதில்லை. ‘முதல் குழந்தை நல்லபடியாதானே பிறந்துச்சு. இரண்டாவதும் நல்லபடியாகத்தான் பிறக்கும்’ என்று நினைத்துக்கொள்கிறார்கள். சிலர் கருத்தரித்து இரண்டு, இரண்டரை மாதங்கள் கழித்துதான் மருத்துவமனைக்கே வருகிறார்கள். இரண்டாவது குழந்தை பெற்றுக்கொள்ள முடிவெடுத்து விட்டால், டாக்டர் ஆலோசனையைக் கேட்டு அன்றிலிருந்தே ஃபோலிக் ஆசிட் மாத்திரை சாப்பிட ஆரம்பித்துவிடுங்கள்.

இப்பவோ... எப்பவோ...
இரண்டாவது குழந்தைக்குத்
திட்டமிடுவோர் கவனத்துக்கு...

தைராய்டு செக்கப்!

முதல் குழந்தை பெறும்போது, உடலில் நிகழ்ந்த ஹார்மோன் ஏற்றத்தாழ்வுகள் காரணமாகப் பெண்களுக்கு ஹைப்போ தைராய்டு வருவதற்கான வாய்ப்பு இருக்கிறது. இரண்டாம் குழந்தைக்கு பிளான் செய்பவர்கள் தைராய்டு நார்மலாக இருக்கிறதா என்பதை ரத்தப்பரிசோதனையில் உறுதி செய்யலாம். ஒருவேளை தைராய்டு பிரச்னை இருந்தாலும் மாத்திரைகளால் கட்டுப்படுத்திக்கொண்டு, பிறகு கருத்தரிக்க முயற்சி செய்யலாம்.

மகப்பேறு நேரத்து நீரிழிவு!

முதல் குழந்தை கருத்தரித்திருந்தபோது நீரிழிவு வந்திருந்தால், இரண்டாவது கர்ப்பத்தின்போதும் வரலாம். இவர்கள் ப்ரீ பிரக்னென்ஸி செக்கப் செய்து கொள்வது நல்லது. ஒருவேளை நீரிழிவு இருந்தால் எடைக் குறைப்பு, டயட், உடற்பயிற்சி என டயாபடீஸை கட்டுக்குள் வைக்க முயற்சி செய்வோம். முடியவில்லையென்றால், மருந்து, மாத்திரைகள், தேவைப்பட்டால் இன்சுலின் ஊசி மூலம் கட்டுப்படுத்தியபிறகு கருவுறுவதே நல்லது.

இரண்டாவது மழலை இனிதே மலரட்டும்!

வெயிட் போட்டுவிட்டீர்களா?

முதல் குழந்தைக்குப் பிறகு உடல் எடை அதிகரித்தவர்கள் உடல் எடையைக் குறைத்துவிட்டு அடுத்த குழந்தைக்கு முயற்சி செய்ய வேண்டும்.