Published:Updated:

செக் ஃப்ரம் ஹோம் - 2 - குடல்வால் அழற்சியைக் கண்டுபிடிக்க...

குடல்வால் அழற்சி
பிரீமியம் ஸ்டோரி
குடல்வால் அழற்சி

உரிய நேரத்தில் கவனிக்காமல் குடல்வால் பகுதியில் பொத்தல் ஏற்பட்டு சீழ் வெளியேறினால் ரத்தத்தில் நச்சேற்றம் பரவி உயிரிழப்புகூட நிகழலாம்.

செக் ஃப்ரம் ஹோம் - 2 - குடல்வால் அழற்சியைக் கண்டுபிடிக்க...

உரிய நேரத்தில் கவனிக்காமல் குடல்வால் பகுதியில் பொத்தல் ஏற்பட்டு சீழ் வெளியேறினால் ரத்தத்தில் நச்சேற்றம் பரவி உயிரிழப்புகூட நிகழலாம்.

Published:Updated:
குடல்வால் அழற்சி
பிரீமியம் ஸ்டோரி
குடல்வால் அழற்சி

சிறுகுடலும் பெருங்குடலும் இணையும் இடத்தில் வால் போன்ற அமைப்பு (Appendix) இருக்கும். அந்த வால் பகுதியில் ஏற்படும் தொற்றுதான் `அப்பெண்டிசைட்டிஸ்' எனப் படும் குடல்வால் அழற்சி (Appendicitis). இது பொதுவான பிரச்னைதான் என்றாலும், குடல்வால் அழற்சி பிரச்னை உலக அளவில் அவசர அறுவை சிகிச்சையாக அணுகப்படுகிறது. ஆண், பெண், குழந்தைகள், பெரியவர்கள், வயதானவர்கள் என அனைவருக்கும் இந்தப் பிரச்னை ஏற்படலாம்.

முரளிதரன் பார்த்தசாரதி
முரளிதரன் பார்த்தசாரதி

காரணங்கள்

பிரத்யேக காரணம் கிடையாது.

மலச்சிக்கல்.

மலம் இறுகி கல்போன்று மாறி குடல்வாலின் வாய்ப்பகுதியில் அடைத்துக்கொள்வது.

அறிகுறிகள்

தொப்புளைச் சுற்றி வலி.

வாந்தி வருவது போன்ற உணர்வு அல்லது வாந்தியெடுத்தல்.

பசியின்மை.

லேசான அல்லது மிதமான காய்ச்சல்.

செக் ஃப்ரம் ஹோம் - 2 - குடல்வால் அழற்சியைக் கண்டுபிடிக்க...

சுயபரிசோதனை

படுக்கையில் மல்லாந்து நேராகப் படுத்துக்கொள்ள வேண்டும்.

இரண்டு கால்களையும் லேசாக மடக்கிய நிலையில் வைத்துக் கொள்ள வேண்டும். குத்துக்காலிடும் அளவுக்கு மடக்க வேண்டாம்.

அப்போது வயிறு சற்று தளர்வாக, இயல்பான நிலையில் இருக்கும்.

கைவிரல்கள் நான்கையும் சேர்த்தாற்போல வைத்துக் கொள்ளுங்கள்.

தொப்புளுக்குக் கீழ் அடிவயிற்றில் வலது பக்கத்தில் (Right Lower Abdomen) விரல்களை வைத்து லேசாக அழுத்த வேண்டும்.

அழுத்தும்போது வலித்தாலோ, அழுத்திவிட்டு சட்டென்று விரல்களை எடுக்கும்போது அதிகமான வலியிருந்தாலோ குடல் வால் பிரச்னையாக இருக்கலாம்.

தெர்மாமீட்டர் வைத்து காய்ச்சல் இருக்கிறதா என்றும் பரிசோதிக்கலாம்.

உரிய நேரத்தில் கவனிக்காமல், குடல்வால் பகுதியில் பொத்தல் ஏற்பட்டு சீழ் வெளியேறினால் ரத்தத்தில் நச்சேற்றம் பரவி உயிரிழப்புகூட நிகழலாம். சுயபரிசோதனையின் அடிப்படையில் குடல்வால் அழற்சியாக இருக்கலாம் என்று தெரிந்தால் தாமதிக்காமல் உடனடியாக மருத்துவரை அணுக வேண்டும்.

சரியான நேரத்தில் மருத்துவரை அணுகினால் நுண்துளை அறுவைசிகிச்சையின் மூலம் பாதிக்கப்பட்ட பகுதியை எளிதாக நீக்கிவிடலாம். சில நாள்களில் நோயாளிகள் இயல்பு வாழ்க்கைக்கும் திரும்பிவிடலாம்.

தகவல்: முரளிதரன் பார்த்தசாரதி, இரைப்பை, குடல் அறுவைசிகிச்சை மருத்துவர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism