Published:Updated:

இது கருவியல்ல... கங்காணி!

Yandex
பிரீமியம் ஸ்டோரி
Yandex

ஹெல்த்

இது கருவியல்ல... கங்காணி!

ஹெல்த்

Published:Updated:
Yandex
பிரீமியம் ஸ்டோரி
Yandex

லா, ஊபர் போன்ற செயலிகளுக்கு மவுசு கூடியிருப்பதால் ஓட்டுநர்களின் தேவையும் அதிகமாகிவருகிறது. பலர் தாங்கள் பார்க்கும் மாதச் சம்பள வேலையை விட்டுவிட்டு, டாக்ஸி ஓட்டுநராக மாறத் தயாராக இருக்கிறார்கள். ‘வேலைக்குப் போனா மேனேஜர் தொல்லை, அதனால நான் நிம்மதியா டாக்ஸி ஓட்டப் போறேன்’ என்று நினைப்பவர்களின் கவனத்துக்குத்தான் இந்தக் கட்டுரை.

ஆபீஸ் வேலையில் நீங்கள் தூங்கினால், மேனேஜர் பார்த்தால்தான் பிரச்னை. ஆனால், இனி டாக்ஸி ஓட்டுநர் தூக்கக் கலக்கத்தில் இருந்தாலே பிரச்னை. அவர்களுக்காக வந்திருக்கிறது ஒரு புதிய கருவி. இது, தூங்கும் ஓட்டுநர்களைக் காட்டிக்கொடுத்துவிடும்.

`Yandex’ எனும் ரஷ்ய பன்னாட்டு நிறுவனம், ஊபர் நிறுவனத்துடன் இணைந்து போக்குவரத்து செயலி ஒன்றை இயக்கிவருகிறது. ரஷ்யாவில் டாக்ஸியால் ஏற்படும் விபத்துகள் நாளுக்கு நாள் அதிகரித்துக்கொண்டே வருகின்றன. விபத்துகளின் எண்ணிக்கை, கடந்த வருடத்தைவிட இந்த வருடம் 25 சதவிகிதம் அதிகரித்திருப்பதால், ரஷ்ய ஆட்சியாளர்கள் விபத்துகளைக் குறைக்க நடவடிக்கை எடுக்குமாறு டாக்ஸி நிறுவனங்களுக்கு அழுத்தம் கொடுத்திருக்கிறார்கள். இதற்கான வழிகளை யோசித்தபோது உதித்த ஐடியாதான் இந்தக் கருவி. இது, காரின் விண்ட்ஷீல்டில் பொருத்தப்பட்டிருக்கும். இது கண்ணிமைப்பது, கொட்டாவிவிடுவது, தூக்கக் கலக்கத்தில் சாய்ந்து விழுவது... என அனைத்தையும் கண்டுபிடித்துவிடும். `மேனேஜரே பரவாயில்லை’ என நினைக்கும் அளவுக்கு உற்று கவனிக்கும், `கங்காணி’ இந்தக் கருவி.

இது கருவியல்ல... கங்காணி!

இது, 68 முக அசைவுகளைக் கணிக்கும்திறன் படைத்தது. தற்போது இந்தக் கருவி சுபாரு ஃபாரெஸ்டர் 2019 மற்றும் காடிலாக் சிடிசி செடான் ஆகிய கார்களில் பொருத்தப்பட்டிருக்கிறது. இன்ஃப்ராரெட் ஒளியின் உதவியுடன் ஓட்டுபவர்களைக் கண்காணிக்கும் இது, தற்போது 100 கார்களில் மட்டுமே பொருத்தப்பட்டிருக்கிறது. அதிபர் விளாடிமர் புதினின் ஒப்புதலையும் பெற்றிருக்கிறது. விரைவிலேயே பல்லாயிரக்கணக்கான கார்களில் பொருத்தப்படவிருக்கிறது. இந்தக் கருவி உருவாக முக்கியக் காரணம், சாலை விபத்துகளைத் தவிர்ப்பதும், டாக்ஸி ஓட்டுநருக்கு சரியான இடைவெளியில் போதிய ஓய்வு கிடைக்கச் செய்வதுமே. இந்தியாவுக்கும் இது, விரைவில் வரும் என எதிர்பார்ப்போம்.

உயிர்ச்சேதம் தடுக்க ஓய்வு அவசியம் பாஸ்!

ஒட்டுமொத்த விகடனுக்கும் ஒரே ஷார்ட்கட்!