Published:Updated:

மார்பகப் புற்றுநோய்க்கும் கறுப்புநிற பிராவுக்கும் தொடர்பு உண்டா?

 ஆர்.ரத்னா தேவி
பிரீமியம் ஸ்டோரி
ஆர்.ரத்னா தேவி

ஆன்லைன் ஆலோசனை

மார்பகப் புற்றுநோய்க்கும் கறுப்புநிற பிராவுக்கும் தொடர்பு உண்டா?

ஆன்லைன் ஆலோசனை

Published:Updated:
 ஆர்.ரத்னா தேவி
பிரீமியம் ஸ்டோரி
ஆர்.ரத்னா தேவி

ந்தியாவில் ஒவ்வொரு நான்கு நிமிடங் களுக்கும் ஒரு பெண்ணுக்கு மார்பகப் புற்றுநோய் இருப்பது கண்டறியப்படுகிறது. மார்பகப் புற்றுநோய் கண்டறியப்படும் இரண்டு பெண்களில் ஒருவர் உயிரிழக்கிறார் என்கின்றன புள்ளிவிவரங்கள். பெண்களைத் தாக்கும் புற்றுநோய்களில் மார்பகப் புற்றுநோய்தான் முதலிடத்தில் உள்ளது. மார்பகப் புற்றுநோய் குறித்த விழிப்புணர்வை ஏற்படுத்துவதற்காக அக்டோபர் மாதம் சர்வதேச மார்பகப் புற்றுநோய் விழிப்புணர்வு மாதமாக அனுசரிக்கப்படுகிறது.

அதை முன்னிட்டு அவள் விகடன் சார்பில் ‘மார்பகப் புற்றுநோயை வெல்வோம்!’ என்ற ஆன்லைன் ஆரோக்கிய வழிகாட்டல் நிகழ்ச்சி அக்டோபர் 27-ம் தேதி நடைபெற்றது. மூத்த கதிர்வீச்சு புற்றுநோய் மருத்துவர் ஆர்.ரத்னா தேவி நிகழ்ச்சியில் பங்கேற்று ஆலோசனைகள் வழங்கினார். நிகழ்ச்சியில் பங்கேற்பாளர்களின் சந்தேகங்களுக்கு விடையளித்துப் பேசியதிலிருந்து...

 ஆர்.ரத்னா தேவி
ஆர்.ரத்னா தேவி

மார்பகப் புற்றுநோயை ஆரம்பநிலையில் கண்டறிந்தால் அதை முழுமையாகக் குணப்படுத்த முடியும். பிரச்னையை ஆரம்ப நிலையிலேயே கண்டறிவதற்கு சுய மார்பகப் பரிசோதனை அவசியம். பெண்கள் 20 வயதிலிருந்தே தங்கள் மார்பகத்தை மாதத்துக்கு ஒருநாள் சுயபரிசோதனை செய்ய வேண்டும். மாதம்தோறும் மாதவிடாய் சுழற்சி முடிந்து 5 முதல் 7 நாள்களுக்குப் பிறகு, பரிசோதனை செய்வது சரியாக இருக்கும்.

மெனோபாஸ் நிலையை அடைந்தவர்கள் மாதம்தோறும் ஒரு குறிப்பிட்ட தேதியில் பரிசோதனை செய்துகொள்ள வேண்டும். பரிசோதனையின்போது கட்டி, வீக்கம், அளவில் மாற்றம் போன்ற பிரச்னைகள் தெரிந்தால் தாமதிக்காமல் உடனடியாக மருத்துவரை அணுக வேண்டும். கறுப்புநிற பிரா அணிந்தால் மார்பகப் புற்றுநோய் ஏற்படுமா என்பது பெரும்பாலானவர்களின் சந்தேகமாக இருக்கிறது. கறுப்பு நிறம் அல்ட்ராவயலெட் கதிர்களை (UV Rays) ஈர்க்கும் தன்மை உடையதே தவிர, அதற்கும் மார்பகப் புற்றுநோய்க்கும் சம்பந்தமில்லை. அதனால் பெண்கள் தாராளமாகக் கறுப்புநிற உள்ளாடைகளை அணியலாம்” என்று விளக்கினார்.

ஒட்டுமொத்த விகடனுக்கும் ஒரே ஷார்ட்கட்!

https://www.facebook.com/avalvikatan/videos/365397778039728

ஆண்கள், பெண்கள் என அனைத்து தரப்பினரும் நிகழ்ச்சியில் பங்கேற்றனர். இந்த நிகழ்ச்சியில் பங்கேற்க முடியாதவர்கள் மேலே இருக்கும் link-ஐ க்ளிக் செய்து அவள் விகடன் ஃபேஸ்புக் பக்கத்தில் இந்த வீடியோவைப் பார்க்கலாம்.

அவள் விகடன் சார்பில் கட்டணமில்லா ஆன்லைன் ஆரோக்கிய வழிகாட்டல் நிகழ்ச்சிகள் தொடர்ந்து நடைபெற்று வருகின்றன. அது தொடர்பான தகவல்களைப் பெற தொடர்ந்து எங்களோடு இணைந்திருங்கள்!