Published:Updated:

எழும்பூர் மருத்துவமனையில் ஒரேநாளில் 100-க்கும் மேற்பட்ட குழந்தைகள் அனுமதி? பின்னணி என்ன?

எழும்பூர் குழந்தைகள் மருத்துவமனை

எழும்பூர் அரசு மருத்துவமனையில் இன்று ஒரேநாளில் 100-க்கும் அதிகமான குழந்தைகள், காய்ச்சலால் அனுமதிக்கப்பட்டுள்ளனர் என்ற செய்தி அதிர்ச்சியை ஏற்படுத்தியுள்ள சூழலில், அதன் பின்னணியை மருத்துவர்கள் விளக்கியுள்ளனர்.

எழும்பூர் மருத்துவமனையில் ஒரேநாளில் 100-க்கும் மேற்பட்ட குழந்தைகள் அனுமதி? பின்னணி என்ன?

எழும்பூர் அரசு மருத்துவமனையில் இன்று ஒரேநாளில் 100-க்கும் அதிகமான குழந்தைகள், காய்ச்சலால் அனுமதிக்கப்பட்டுள்ளனர் என்ற செய்தி அதிர்ச்சியை ஏற்படுத்தியுள்ள சூழலில், அதன் பின்னணியை மருத்துவர்கள் விளக்கியுள்ளனர்.

Published:Updated:
எழும்பூர் குழந்தைகள் மருத்துவமனை

சென்னை, எழும்பூர் அரசு குழந்தைகள் மருத்துவமனையில் இன்று ஒரேநாளில் 100-க்கும் அதிகமான குழந்தைகள் காய்ச்சல் காரணமாக அனுமதிக்கப்பட்டிருப்பதாக செய்தி பரவி வருகிறது. சமீப நாள்களில் டெங்கு உள்ளிட்ட காய்ச்சல்கள் பெருகி வருகிற நிலையில் வெளியாகியிருக்கும் இச்செய்தி குறித்து  அதன் இயக்குநர் எழிலரசியிடம் பேசினோம்... 

``ஆகஸ்ட் - செப்டம்பர் மாதங்களில் வழக்கமாகவே பருவநிலை மாற்றம் உள்ளிட்ட காரணங்களால் காய்ச்சல் ஏற்படுவது இயல்பானது. டெங்கு காய்ச்சலும் இந்தக் காலகட்டத்தில்தான் அதிக அளவில் பரவும். இதைக் கருத்தில் கொண்டு ஆகஸ்ட் மாதத்திலேயே அதற்கான தயாரிப்போடு செயல்படுவோம். கோவிட் தொற்று காரணமாக கடந்த இரண்டு ஆண்டுகளாக குழந்தைகள் எங்கும் வெளியே செல்லாததால் காய்ச்சல் பாதிப்புகள் பெருமளவில் ஏற்படவில்லை. 

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

கோவிட்டுக்கு முந்தைய ஆண்டுகளில் ஆகஸ்ட் மற்றும் செப்டம்பர் மாதங்களில் காய்ச்சல் சீஸனாக இருந்திருப்பதைப் பார்த்திருப்போம். 2020 - 21 ஆகிய ஆண்டுகளில் இல்லாமல் தற்போது காய்ச்சல் பரவுவதால் அது பெரும் அதிர்ச்சியாகப் பார்க்கப்படுகிறது. இதில் அதிர்ச்சி கொள்ள எதுவுமில்லை.

காய்ச்சல்
காய்ச்சல்

இந்தக் காலநிலைக்கே உண்டாகும் சாதாரண வைரஸ் காய்ச்சல்தான் இது. எழும்பூர் குழந்தைகள் மருத்துவமனையில் அனைத்துப் பிரிவுகளிலும் சேர்த்து மொத்தம் 837 படுக்கைகள் இருக்கின்றன. காய்ச்சல் வந்து அனுமதிக்கப்படும் குழந்தைகளுக்கு உரிய சிகிச்சைகள் வழங்கப்பட்டு அவர்கள் குணமாகிச் சென்றுகொண்டிருக்கின்றனர். இது வழக்கத்துக்கு மாறானது இல்லை என்பதால் யாரும் அச்சம் கொள்ளத் தேவையில்லை" என்கிறார் எழிலரசி.