Published:Updated:

அடிப்படை விஷயங்களை அறிந்து கொள்ளட்டும்! - பெற்றோர்களுக்கும் குழந்தைகளுக்கும்...

அடிப்படை விஷயங்களை அறிந்து கொள்ளட்டும்!
பிரீமியம் ஸ்டோரி
அடிப்படை விஷயங்களை அறிந்து கொள்ளட்டும்!

பாலியல் குறித்த பிள்ளைகளின் சந்தேகங்களைத் தெளிவாக்க, பெற்றோருக்கு அடிப்படை அறிவு வேண்டும்.

அடிப்படை விஷயங்களை அறிந்து கொள்ளட்டும்! - பெற்றோர்களுக்கும் குழந்தைகளுக்கும்...

பாலியல் குறித்த பிள்ளைகளின் சந்தேகங்களைத் தெளிவாக்க, பெற்றோருக்கு அடிப்படை அறிவு வேண்டும்.

Published:Updated:
அடிப்படை விஷயங்களை அறிந்து கொள்ளட்டும்!
பிரீமியம் ஸ்டோரி
அடிப்படை விஷயங்களை அறிந்து கொள்ளட்டும்!

பாலியல் என்பது எல்லோருடைய வாழ்க்கையிலும் முக்கிய அங்கம். ஒவ்வொருவரும் ஆண் அல்லது பெண் பாலாகப் பிறக்கிறார்கள். ஆனாலும், அதைப் பற்றி பேசுபவர்கள் குறைவு. குழந்தைகளுக்கு 13 வயதாகும்போது அவர்களின் உடலில் ஏற்படும் மாற்றங்களைத் தெரிந்துகொள்ள வேண்டும். தன் உடல் கவர்ச்சியாக இருக்கிறதா, தான் அழகாக இருக்கி றோமோ என்பது போன்ற கேள்விகள் அவர்களுக்குள் எழ ஆரம்பிக்கும்.

அடிப்படை விஷயங்களை அறிந்து கொள்ளட்டும்! - பெற்றோர்களுக்கும் 
குழந்தைகளுக்கும்...

பாலியல் குறித்த பிள்ளைகளின் சந்தேகங்களைத் தெளிவாக்க, பெற்றோருக்கு அடிப்படை அறிவு வேண்டும். ஆண்களோ, பெண்களோ... குழந்தை களுக்குக் குறிப்பிட்ட வயதாகும்போது அவர்களின் உடலமைப்பு பற்றிய அடிப்படையான விஷயங்களைப் புரியவைக்க வேண்டியதும் பெற்றோரின் கடமையே. அதையெல்லாம் எப்படிப் பேசுவது... குழந்தைகள் என்ன நினைப்பார்கள் என்றெல்லாம் தயங்கத் தேவையில்லை. இன்னும் சொல்லப்போனால் பல பெற்றோர்களுக்கே பாலியல் உறுப்புகள் மற்றும் அவற்றின் அமைப்பு, செயல்பாடுகள் குறித்த விழிப்புணர்வு முழுமையாக இருப்பதில்லை.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

ஆண் குழந்தைகளின் உடலமைப்பு

ஓர் ஆண் குழந்தை இரண்டு விரைப்பைகள் மற்றும் ஓர் ஆணுறுப்பு எனப் பாலியல் உறுப்புகளோடுதான் பிறக்கிறது. இவை வெளியில் தெரிபவை. குழந்தை பிறந்ததுமே இவை இருக்கின்றனவா எனப் பார்க்க வேண்டும். மருத்துவர்கள் நிச்சயம் கவனிப்பார்கள். சில நேரம் விந்துப்பைகள் இறங்காமலிருக்கலாம். அவை வயிற்றில் உருவாகி, பிறப்பதற்கு முன்புதான் கீழிறங்கி விரைப்பைக்கு வரும். உடலுக்குள் Seminal Vesicle, Prostate, Vas Deferens போன்றவை இருக்கும்.

அடிப்படை விஷயங்களை அறிந்து கொள்ளட்டும்! - பெற்றோர்களுக்கும் 
குழந்தைகளுக்கும்...

இவர்கள் டீன்ஏஜைத் தொடும்போது செகண்டரி செக்ஸுவல் கேரக்டர்ஸ் உருவாகும். அதாவது... எலும்புகள் பெரிதாகவும் கனமானதாகவும் மாறும். தசை அடர்த்தி அதிகரிக்கும். சருமம் தடிக்கும். குரல் உடையும். மீசை, தாடி, மார்பில் இப்படி உடல் முழுக்க முடி வளரும். பிறப்புறுப்பைச் சுற்றிலும் ரோமங்கள் முளைக்கும். வளர்சிதை மாற்றம் அதிகரிக்கும். அதனால் உணவுத் தேவையும் அதிகரிக்கும். இவை அனைத்துக்கும் சில ஹார்மோன்களின் பங்கும் அவசியம்.

ஹார்மோன்கள் என்பவை ரத்தத்தில் ஓரிடத்தில் உருவாகி, இன்னோர் இடத்தில் வேலைசெய்யும். உதாரணத்துக்கு சர்க்கரையைச் செரிக்கக்கூடிய இன்சுலின் ஹார்மோன், கணையத்தில் உற்பத்தியாகி, ரத்தத்தில் செல்களுக்குள் சர்க்கரையைத் தள்ளும் வேலையைச் செய்யும். இப்படிப் பல ஹார்மோன்கள் உள்ளன. ஆண்மைக்கும் குழந்தைப் பிறப்புக்கும் அவசியமான ஹார்மோன்களும் உள்ளன. ஆணுறுப்பிலிருந்து வரும் சில ஹார்மோன்கள்தாம் அவனுக்குப் பாலியல் விருப்பத்தை ஏற்படுத்துகிறது. குரலை ஆண்தன்மையுடன் மாற்றுகிறது. ஆணுக்குண்டான உடலமைப்பைத் தருவது, ரோம வளர்ச்சி, ஆணுறுப்பு பெரிதாவது போன்ற அனைத்துக்கும் அந்த ஹார்மோன்களே காரணம்.

விந்து உற்பத்தியாகும் இரண்டு விரைப்பைகள், ஓவல் வடிவத்தில் வல, இடப்பக்கங்களில் இருக்கின்றன. இவை இடப்பக்கத்திலிருப்பது சற்றே கீழிறங்கி இருக்கும். இது குழந்தை பிறந்த உடனே தெரியாது. 12, 13 வயதில் தெரிய வரும். இரண்டும் சமமாக இல்லை என பயப்படுகிறவர்கள் இருக்கிறார்கள். அது இயல்பானதுதான் என்பதால் அந்த பயம் தேவையற்றது. இந்தப் பைகளில் விந்து உற்பத்தி செய்யக்கூடிய செல்களும், செக்ஸ் ஹார்மோனை உற்பத்தி செய்யக்கூடிய செல்களும் இருக்கும். விந்தணு உற்பத்தியாகத் தொடங்கி, அது முழு வளர்ச்சியடைய 72 நாள்கள் ஆகின்றன. 12 வயதிலிருந்து இது தொடங்குகிறது.

ஆண் குழந்தைகளின் உடலமைப்பு
ஆண் குழந்தைகளின் உடலமைப்பு

72 நாள்கள் முடிந்ததும், ஒருநாள் தூக்கத்தில் விந்து வெளியேறும். அந்த ஆண் ஆரோக்கியமானவராக இருக்கும்பட்சத்தில்தான் இது நடக்கும். ஆனால், இதை உடலுக்குக் கெடுதலாகப் பார்க்கும் கண்ணோட்டம் பல பெற்றோருக்கும் பிள்ளைகளுக்கும் இருக்கிறது. இது இயல்பானது என்பதை ஆண் குழந்தைகளுக்குச் சொல்லித் தர வேண்டும். போலி மருத்துவர்களை நம்பி இந்த விஷயத்துக்கு சிகிச்சையெல்லாம் எடுக்க முயல வேண்டாம்.

இரண்டு விந்துப்பைகளையும் சேர்த்த பகுதியை `ஸ்கோரட்டம்' என்கிறோம். இந்தப் பைகள் ஏன் உடலோடு ஒட்டாமல் கீழே தொங்கிய நிலையில் இருக்கின்றன? பெண் குழந்தைகளுக்கு கரு முட்டையை உற்பத்தி செய்கிற சினைப்பை இப்படி வெளியில் இருப்பதில்லையே... இது ஏன்?

இந்த அமைப்பானது விந்தணுக்களை உற்பத்திசெய்கிற ஃபேக்டரி. ஒருநாளைக்கு ஒரு கோடி அணுக்கள் வரை உற்பத்தியாகும். உடல்சூட்டைவிடவும் இந்த அணுக்களின் சூடு 2 டிகிரி குறைவாக இருக்க வேண்டும். உடல் சூடு 37 டிகிரி. விரைப்பைகளின் சூடு 35 டிகிரி இருக்க வேண்டும். இவையும் உடலோடு ஒட்டிக்கொண்டு அதன் சூட்டிலேயே இருந்தால் விந்தணுக்கள் உற்பத்தியாகாது. வெளியே சூடு அதிகரிக்கும்போது வியர்த்து விந்துப்பைகளின் சூடு அதிகரிக்காமல் பார்த்துக்கொள்ளும். அதே போல அதிக குளிரின்போதும் அதற்கேற்ப அவை தம்மைத் தகவமைத்துக்கொள்ளும். விந்துப்பையைத் தொட்டுப்பார்த்தால் ஓரத்தில் ஒரு கட்டி மாதிரி இருக்கும். அதில் 45 செ.மீ அளவுக்கு ஒரு குழாய் இருக்கும். விந்துக்குழாய் எனப்படும் அது வயிற்றுக்குள்போய், விந்துக்களை வெளியேற்றும் எஜாகுலேட்டரி டக்ட் மற்றும் புராஸ்ட்டேட் சுரப்பியோடு இணைந்திருக்கும். உற்பத்தியாகும் விந்தணுக்கள் அங்கே ஸ்டோர் ஆகும். ஆண்களுக்கான கருத்தடை செய்யும்போது இந்த 45 செ.மீ குழாய் இரு புறங்களிலும் துண்டிக்கப்படும். நிறைய ஆண்கள் இதைச் செய்வதில்லை.

குழந்தைகளைப் பெற்றெடுக்கும் மிகப் பெரிய பொறுப்பைப் பெண் சுமக்கும்போது, கருத்தடைக்கான பொறுப்பை ஆண்கள் எடுத்துக்கொள்ள வேண்டும் என்பதே என் வலியுறுத்தல். ஆணுறுப்பில் முன்தோல் இருக்கும். அதை நீக்கும் வழக்கம் சில இனத்தாரிடம் உள்ளது. இதை நீக்குவது சரியா, தவறா என்ற விவாதம் ஒரு பக்கமிருக்க, `தேவையென்றால், மருத்துவக் காரணங்கள் வலியுறுத்தினால் அதை நீக்குங்கள்' என வலியுறுத்த ஓர் இயக்கமே வந்துள்ளது. `பிரச்னை இருந்தால் நீக்குவதே சரி' என்பதே மருத்துவர்களின் அறிவுரை.

`ஆண்கள் குறிப்பிட்ட அளவு விந்தணு உற்பத்தி கோட்டாவுடன் பிறக்கிறார்கள். நிறைய விந்தணுக்கள் வெளியேறினால் பிற்காலத்தில் விந்தணுக்கள் இல்லாமல் போய்விடும், தூக்கத்தில் விந்து வெளியேறுவது (வெட் ட்ரீம்ஸ்) ஆரோக்கியக் கேடு, முன்தோலை நீக்குவது மட்டும்தான் ஆணுறுப்பைச் சுத்தமாக வைத்துக்கொள்ள ஒரே வழி' போன்ற தவறான தகவல்கள் நிறைய உண்டு. இவையெல்லாம் தவறு என்பதைச் சிறு வயதிலேயே ஆண் குழந்தைகளுக்குப் புரியவைக்க வேண்டும்.

பெண் குழந்தைகளின் உடலமைப்பு

பெண் குழந்தைகளுக்கு உள்ளுறுப்புகள் இடுப்புக்குள் வயிற்றுக்குக் கீழ் இருக்கும். கர்ப்பப்பை, சினைமுட்டைப்பை, கருக்குழாய் போன்றவற்றை பிரதானமானவை. மார்பகங்கள், பெண்ணுறுப்பு போன்றவை வெளியுறுப்புகள். பெண் குழந்தைகளின் உடல் வளர்ச்சியில் ஏற்படும் மாற்றங்களுக்கும் ஹார்மோன்களே முக்கியக் காரணம்.

சருமம் மென்மையாவது, இடுப்பு அகலமாக இருப்பது. பருவ வயதில் மார்பகங்கள் பெரிதாவது, பிறப்புறுப்பைச் சுற்றி ரோமங்கள் வளர்வது, மாதவிலக்கை வரச் செய்வது, கருமுட்டை வெடித்து வெளிவரச் செய்வது, பாலியல் ஆர்வத்தைத் தூண்டுவது, தாய்ப்பால் சுரப்பைத் தூண்டுவது என எல்லாச் செயல்களிலும் ஈஸ்ட்ரோஜென், புரொஜெஸ்ட்டீரான், புரொலாக்டின் போன்ற பல ஹார்மோன்களின் பங்கு உண்டு.

பெண் குழந்தை, தாயின் வயிற்றில் இருக்கும் போதே அதற்கு 11 லட்சம் கருமுட்டைகள் இருக்கும். பிறக்கும்போது அந்த எண்ணிக்கை 8 லட்சமாகவும், 13 வயதில் அது 5 லட்சமாகவும் குறையும். ஒவ்வொரு மாதமும் ஒரு கருமுட்டைதான் வெளியேறும். வாழ்நாள் முழுவதும் 400 கருமுட்டைகள் வெளியேறும். ஆனால், ஒவ்வொரு மாதமும் 400 கருமுட்டைகள் காணாமல் போய்விடும். 45 வயதில் கருமுட்டைகளே இல்லாத நிலை ஏற்படும். சினைமுட்டைப்பை ஹார்மோன்களை உற்பத்தி செய்வது, சினைமுட்டைகளை வெளியேற்றுவது என இரண்டு வேலைகளைச் செய்கிறது. ஒரு மாதத்தில் ஒரு முட்டை வளர்ந்து பெரிதாகி, வெடித்து கருக்குழாய்க்குள் போகும். கருத்தரித்தால் அது நகர்ந்து கர்ப்பப்பையில் வளரும். கருக்குழாய் என்பது கர்ப்பப்பையிலிருந்து சினைப்பை வரை இருக்கும். குழந்தை வேண்டாம் என்றால் கருக்குழாய் துண்டிக்கப்பட்டு இருபக்கமும் முடிச்சு போடப்படும். இதுதான் நிரந்தரக் கருத்தடை முறை.

கர்ப்பப்பை என்பது பேரிக்காய் வடிவிலான பவுச். இதற்குள்தான் கருமுட்டை ஒட்டி வளர ஆரம்பிக்கும். கீழ்ப்பகுதி கூர்மையாக பெண்ணுறுப்புக்குள் இருக்கும்.

பெண்ணுறுப்பு என்பது கிட்டத்தட்ட எலாஸ்டிக் போன்றது. குழந்தையின் தலையே வெளியே வரும் அளவுக்கு நெகிழ்வுத்தன்மை கொண்டது. வெஜைனா எனப்படும் இது தாம்பத்திய உறவுக்கானது. உறவின்போது விந்தணுக்களை உள்வாங்கி, கர்ப்பப்பைக்குள் செலுத்துவது, மாதவிலக்கின்போது ரத்தப்போக்கும் இதன்வழியேதான் வரும். பிரசவத்தின்போது குழந்தையும் இதன் வழியேதான் வெளியே வருகிறது.

பெண்ணுறுப்பில் சிறிய, பெரிய உதடுகள், க்ளைட்டோரிஸ் போன்றவை இருக்கும். பெண்ணுறுப்பின் உட்பகுதியில் சிறிய திறப்புடன், மாதவிலக்கு வெளியே வர ஏதுவாக இருக்கும் பகுதியை கன்னித்திரை என்கிறோம். சிலருக்கு இந்தத் துவாரம் இல்லாமலிருக்கும். பருவ வயதை எட்டிய பிறகும் அவர்களுக்கு மாதவிலக்கு ஆரம்பித்திருக்காது. ஆனால், மாதவிலக்குச் சுழற்சி போன்று வயிற்றுவலி இருக்கும். ரத்தப்போக்கு இருக்காது. மருத்துவரிடம் ஆலோசனை பெற்று இதைச் சரிசெய்து கொண்டால் மாதவிலக்கு சீராக வரும்.

கன்னித்திரை என்பது காலங்காலமாக சர்ச்சைக்குரிய பேசுபொருளாக இருக்கிறது. சார்லஸ்-டயானா திருமணத்தின்போது கன்னித்தன்மை சோதனை நடத்தியதற்கு உலகம் முழுக்க எதிர்ப்பு கிளம்பியது பலருக்கும் நினைவிருக்கும். கன்னித்திரைதான் பெண்ணின் கற்புக்கான ஆதாரம் என நினைக்கிறார்கள். சைக்கிள் ஓட்டும்போதும், தாண்டி குதிக்கும்போதும் இது கிழியலாம். கிழியாத நிலையிலும் ஒரு பெண் கர்ப்பமாகலாம்.

பெண் குழந்தைகளின் உடலமைப்பு
பெண் குழந்தைகளின் உடலமைப்பு

கவர்ச்சிப் பொருளாகப் பார்க்கப்படும் மார்பகங்கள் உண்மையில் அப்படியானவையல்ல என்பதையும் சிறு வயதிலேயே ஆண், பெண் குழந்தைகளுக்குப் புரியவைக்க வேண்டும். மார்பங்களில் தசைகள், அவற்றின் மேல் கொழுப்பு, அதன் மேல் பால் சுரப்பிகள் இருக்கும். 16 வயதுக்கு மேலான பெண் குழந்தைகளுக்கு ஒவ்வொரு மாதமும் மார்பகங்களை சுயபரிசோதனை செய்து கட்டிகள் ஏதும் தென்படுகின்றதா எனப் பார்க்க கற்றுத் தர வேண்டும்.

சுய பரிசோதனையை எப்படிச் செய்ய வேண்டும்?

  • கண்ணாடி முன் நின்று மார்பகங்களில் ஏதேனும் சுருக்கங்களோ, கட்டிகளோ, வித்தியாச தோற்றமோ தென்படுகிறதா எனப் பார்க்க வேண்டும்.

  • கையை உயர்த்தி, மார்பங்களை வட்ட வடிவில் அழுத்திப் பார்க்க வேண்டும்.

  • மார்பகக் காம்புகளில் சீழ் அல்லது திரவக் கசிவு இருக்கிறதா எனப் பார்க்க வேண்டும். வடிவத்தில் மாற்றமிருக்கிறதா, ஒன்று கீழிறங்கியும் ஒன்று மேலேயும் இருக்கிறதா, உள்பக்கம் இழுத்தபடி இருக்கிறதா எனப் பார்க்க வேண்டும்.

  • இந்தத் தலைமுறைப் பெண் குழந்தைகள் எட்டு வயதில்கூட பூப்பெய்துகிறார்கள். எனவே அதற்கு அவர்களைத் தயார்படுத்த வேண்டியது அம்மாக்களின் கடமை. மாதவிலக்கின்போது திடீரென ரத்தப்போக்கைப் பார்த்து குழந்தை பயப்படாமலிருக்க அதைப் பற்றிச் சொல்லித் தர வேண்டும்.

  • மாதவிலக்கின்போது நான்கு முதல் ஐந்து நாள்களுக்கு ரத்தப்போக்கு இருக்கும். எட்டு முதல் 10 டீஸ்பூன், 120 முதல் 150 மி.லி அளவு ரத்தம் வெளியேறலாம். இதில் ரத்தமும் கர்ப்பப்பையின் திசுக்களும் சேர்ந்து வரும்.

  • 28 நாள்களுக்கொரு முறை வரும். 14 - 15வது நாள் கருமுட்டை வெடித்து வெளியே வரும். முறையற்ற மாதவிடாய் சுழற்சி, அதிகமான ரத்தப்போக்கு அல்லது வராமலே இருப்பது இவையெல்லாம் இருக்கலாம். சிலருக்குத் தாங்க முடியாத வலி இருக்கலாம்.

  • கால்களில் தசைப்பிடிப்பு, முதுகுவலி வரலாம். மருத்துவ ஆலோசனையுடன் பெண் குழந்தைகளுக்கு வலி நிவாரணிகளைக் கொடுக்கலாம்.

மாதவிலக்கு நாள்களில்...

  • தினமும் குளிக்க வேண்டும்.

  • உடலிலிருந்து வரும் வாடையைப் போக்க அடிக்கடி பிறப்புறுப்பைச் சுத்தப்படுத்த வேண்டும்

  • காய்கறி, பழங்கள் அதிகம் சேர்த்துக்கொள்ள வேண்டும்.

  • நாப்கின்களை அடிக்கடி மாற்ற வேண்டும்

  • ஓரளவு உடற்பயிற்சி செய்யலாம்... உடல் ஒத்துழைத்தால் விளையாடலாம்.

  • தரமான நாப்கின்களை உபயோகிக்கப் பழக்க வேண்டும்.

இவற்றையெல்லாம் பெண் குழந்தைகளுக்குச் சொல்லித் தருவதோடு, ஆண் குழந்தைகளுக்கும் புரியவைத்தால் வீட்டிலும் பள்ளியிலும் பெண்களின்மீதான அவர்களின் அணுகுமுறை மாறும்.