Vikatan.com

www.vikatan.com would like to send you push notifications.

Notifications can be turned off anytime from browser settings.

By clicking Allow you accept ours Privacy Policy and Terms

உ.பி. இடைத்தேர்தலில் பா.ஜ.க-வின் எம்.பி தொகுதியைக் கைப்பற்றுகிறது சமாஜ்வாதி!

உத்தரப்பிரதேச மாநிலத்தில், இரு தொகுதிகளில் நடந்து முடிந்த இடைத்தேர்தலின் வாக்கு எண்ணிக்கை இன்று துவங்கி நடைபெற்றுவருகிறது. 

உத்தரப்பிரதேச மாநிலத்தின் கோரக்பூர் தொகுதியில் பா.ஜ.க எம்.பி-யாக இருந்த யோகி ஆதித்யநாத், கடந்த ஆண்டு அம்மாநிலத்தின் முதல்வராகத் தேர்ந்தெடுக்கப்பட்டதால், அவரின் எம்.பி பதவியை ராஜிநாமா செய்தார். அதேபோல, புல்பூர் தொகுதியின் எம்.பி-யாக இருந்த கேசவ் பிரசாத் மௌர்யா, துணை முதல்வராகத் தேர்ந்தெடுக்கப்பட்டார். இதனால், இவரும் தனது நாடாளுமன்ற உறுப்பினர் பதவியை ராஜினாமா செய்தார்.

இருவரின் ராஜினாமாவைத் தொடர்ந்து, கடந்த 11-ம் தேதி, அந்தத் தொகுதிகளில் இடைத்தேர்தல் நடைபெற்றது. கோரக்பூர் தொகுதியில் கடந்த 5 முறையாக யோகி ஆதித்யநாத் வெற்றிபெற்று ஆதிக்கம் செலுத்திவருகிறார். பா.ஜ.க-வின் பரம எதிர்க்கட்சிகளாக உள்ள பகுஜன் சமாஜ் கட்சியும் சமாஜ்வாதியும் இணைந்துள்ளதால், இந்தத் தேர்தல் மிகவும் முக்கியமானதாகக் கருதப்படுகிறது.

கோரக்பூர் தொகுதியில் 10  வேட்பாளர்களும், புல்பூர் தொகுதியில் 22 வேட்பாளர்களும் களத்தில் உள்ளனர். காலை 8 மணிக்கு துவங்கிய வாக்கு எண்ணிக்கை தொடர்ந்து நடைபெற்றுவருகிறது. தற்போதைய நிலவரப்படி, கோரக்பூர் தொகுயில் பா.ஜ.க-வும், புல்பூர் தொகுதியில் சமாஜ்வாதியும் முன்னணியில் உள்ளன. புல்பூர் தொகுதியில் சமாஜ்வாதி கட்சி 12,231 வாக்குகள் முன்னிலையில் உள்ளது. 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement
Advertisement

MUST READ

Advertisement