வெளியிடப்பட்ட நேரம்: 10:40 (09/07/2018)

கடைசி தொடர்பு:10:40 (09/07/2018)

`இந்துத்துவா மட்டுமே பா.ஜ.க-வுக்கு உதவும்' - சுப்ரமணியன் சுவாமி ஓபன் டாக்!

இந்துத்துவா மட்டுமே பா.ஜ.க-வுக்குக் கைகொடுக்கும் என அக்கட்சியின் ராஜ்யசபா உறுப்பினர் சுப்ரமணியன் சுவாமி தெரிவித்துள்ளார்.

இந்துத்துவா

மும்பையில் விராத் இந்துஸ்தான் சார்பில் நடைபெற்ற `இந்தியாவின் மிகப்பெரிய கதை' என்ற நிகழ்ச்சியில் சுப்ரமணியன் சுவாமி  கலந்துகொண்டார். அப்போது பேசிய அவர், `பொருளாதார வளர்ச்சி வாக்குகளைக் கொண்டுவரப்போவதில்லை. இந்தியா ஒளிர்கிறது என்ற பெயரில் முன்னாள் பிரதமர் வாஜ்பாய் மேற்கொண்ட பிரசாரம் தோல்வியில் முடிவடைந்தது.  இந்துத்துவா மற்றும் ஊழலற்ற ஆட்சி என்ற இரண்டு வாக்குறுதிகள் அளித்து கடந்த 2014-ம் ஆண்டு தேர்தலில் பாரதிய ஜனதா கட்சி அதிக இடங்களைப் பிடித்து வெற்றி பெற்றது. இந்துத்துவா மட்டுமே பா.ஜ.க-வுக்கு உதவும். மேலும், தேர்தலில் அளித்த வாக்குறுதிகளை நிறைவேற்றும் பணியை பா.ஜ.க தொடங்கியுள்ளது. அதை நிறைவேற்ற இன்னும் 5 ஆண்டு தேவைப்படும். அதற்கு மக்கள் வாய்ப்பளிக்க வேண்டும்' என்றார். தொடர்ந்து காங்கிரஸ் கட்சியை சாடிய அவர், `காங்கிரஸ் முன்னாள் மத்திய அமைச்சர் ப.சிதம்பரம், அவரின் மனைவி மற்றும் மகனை திகார் சிறைக்கு அனுப்புவேன். காங்கிரஸ் கட்சியின் அடுத்த செயற்குழு கூட்டம் திகார் சிறையில்தான் நடைபெறும்' என்று தெரிவித்தார். மேலும்`நாட்டின் பொருளாதாரம் தற்போது நல்ல நிலையில் இல்லை. அது குறித்துப் பேச நான் நிதி அமைச்சர் அல்ல. மக்கள் மீதான பல்வேறு வரிகளை நீக்க வேண்டும்' என்றார்.