வெளியிடப்பட்ட நேரம்: 19:15 (03/01/2019)

கடைசி தொடர்பு:19:15 (03/01/2019)

6 மிஸ்டுகால்... ரூ.1.86 கோடி அபேஸ்... - நள்ளிரவில் மும்பை தொழிலதிபருக்கு நேர்ந்த சோகம்!

மும்பையில் தொழிலதிபர் ஒருவரின் வங்கிக் கணக்கில் இருந்து ரூ.1.86 கோடி பணம் மோசடி செய்யப்பட்ட சம்பவம் அதிர்ச்சியை ஏற்படுத்தியுள்ளது.

மோசடி

நாம் எவ்வளவு ஸ்மார்ட்டாக இருக்கிறோமோ, திருடர்கள் அதைவிட ஒருபடி மேலே இருப்பார்கள் என்பதைச் சமீபகாலமாக நடந்து வரும் வங்கிக் கணக்கில் இருந்து பணம் எடுக்கும் தொழில்நுட்ப மோசடிகள் உணர்த்தி வருகின்றன. சமீபத்தில் கோவையில், பத்துக்கும் மேற்பட்டவர்களின் வங்கிக் கணக்கில் இருந்த ஐந்து லட்சம் பணம் ஐந்தே நிமிடத்தில் மற்றொரு அக்கவுண்டுக்கு மாற்றப்பட்டது. இதுபோன்ற மோசடியைக் கண்டுபிடிக்க முடியாமல் போலீஸார், வங்கி அதிகாரிகள் திணறி வருகின்றனர். 

செல்போன்

இதேப்போன்று தினமும் ஒரு சம்பவம் ஏதாவது ஒரு வங்கியில் நடந்துகொண்டுதான் இருக்கிறது. இந்நிலையில், சென்ட்ரல் மும்பை பகுதியைச் சேர்ந்த தொழிலதிபர் மஹிம். ஜவுளி வியாபாரியான இவர் நேற்று சைபர் போலீஸிடம் ஒரு புகார் ஒன்றை அளித்தார். அதில், ``நேற்று முன்தினம் நள்ளிரவு, எனக்கு 6 மிஸ்டுகால்கள் வந்தன. அதன்பின் செல்போன் ஆஃப் ஆகிவிட்டது. காலையில் எழுந்து பார்த்தால் என் வங்கிக் கணக்கில் இருந்து ரூ.1.86 கோடி பணம் வேறு சில வங்கி கணக்குகளுக்கு மாற்றப்பட்டிருந்தது’ என்று கூறப்பட்டிருந்தது. 

செல்போன்

வழக்கை விசாரித்த சைபர் கிரைம் போலீஸார் கூறுகையில், ``மஹிம்மின் வங்கிக் கணக்குகளில் இருந்து டெல்லி, மேற்கு வங்கம், ஜார்க்கண்ட் உள்ளிட்ட வேறுமாநிலத்தில் உள்ள அடையாளம் தெரியாத நபர்களின் வங்கிக் கணக்குக்குப் பணம் மாற்றப்பட்டுள்ளது. சுமார் 14 வங்கிக் கணக்குகளுக்கு 28 முறை பண பரிமாற்றம் நடந்துள்ளன. அனைத்தும் எலக்ட்ரானிக் பண பரிமாற்ற முறையில் RTGS/NEFT மூலம் மாற்றப்பட்டுள்ளது. யாரோ ஒருவர் சிம் இடமாற்று தொழில்நுட்பம் மூலம் இந்த வேலையைச் செய்துள்ளார். இது தொடர்பாக மோசடிப் பிரிவில் வழக்கு பதியப்பட்டுள்ளது. விசாரணை நடத்தி வருகிறோம்" என்றனர்.

முன்னதாக வங்கியைத் தொடர்புகொண்ட மஹிம் பண பரிமாற்றங்களை நிறுத்தச் சொல்லியுள்ளார். ஆனால், வங்கியால் ரூ.20 லட்சம் பண பரிமாற்றத்தை மட்டுமே நிறுத்த முடிந்தது எனக் கூறப்பட்டுள்ளது.

நீங்க எப்படி பீல் பண்றீங்க