வெளியிடப்பட்ட நேரம்: 11:40 (19/05/2017)

கடைசி தொடர்பு:12:00 (19/05/2017)

ஏர்செல் - மேக்சிஸ் வழக்கு... மாறன் சகோதரர்களுக்கு நோட்டீஸ்!

ஏர்செல் - மேக்சிஸ் வழக்கில் மாறன் சகோதரர்கள் பதிலளிக்க டெல்லி உயர்நீதிமன்றம் உத்தரவிட்டுள்ளது.

மாறன்

தயாநிதி மாறன் மத்திய அமைச்சராக இருந்தபோது தொழிலதிபர் சிவசங்கரனை மிரட்டி, அவரது ஏர்செல் நிறுவனப் பங்குகளை மலேசியாவைச் சேர்ந்த மேக்சிஸ் உள்ளிட்ட நிறுவனங்களுக்கு விற்க வைத்ததாக புகார் எழுந்தது. இதுதொடர்பான வழக்கு டெல்லி சி.பி.ஐ நீதிமன்றத்தில் நடந்து வந்தது. இதனிடையே கடந்த பிப்ரவரி மாதம் வழக்கில் குற்றம் சாட்டப்பட்ட அனைவரையும் விடுதலை செய்வதாக சி.பி.ஐ நீதிமன்றம் தீர்ப்பளித்தது.

இதையடுத்து கலாநிதி மாறன் மற்றும் தயாநிதி மாறன் விடுவிக்கப்பட்டதை எதிர்த்து அமலாக்கத் துறை தரப்பில் டெல்லி உயர்நீதிமன்றத்தில் மேல்முறையீடு செய்யப்பட்டது. இன்று விசாரணைக்கு வந்த இந்த வழக்கில் நீதிபதிகள், மாறன் சகோதரர்களுக்கு நோட்டீஸ் அனுப்பியுள்ளனர். அந்த மனுவில், இருவரையும் உரிய பதிலளிக்குமாறு டெல்லி உயர்நீதிமன்றம் உத்தரவிட்டுள்ளது.