Vikatan.com

www.vikatan.com would like to send you push notifications.

Notifications can be turned off anytime from browser settings.

வீதிக்கு வந்த அதிகார மோதல்... சவால் போட்டி நடத்தும் ஆளுநர், முதல்வர்!


புதுச்சேரியில் கடந்த ஆண்டு நடைபெற்ற சட்டமன்றப் பொதுத்தேர்தலில் காங்கிரஸ், தி.மு.க கூட்டணி வெற்றி பெற்றது. தொடர்ந்து முன்னாள் மத்திய அமைச்சர் நாராயணசாமியை முதல்வராக அறிவித்தது கட்சி மேலிடம். அந்த சந்தோஷத்தைக் கொண்டாடக் கூட அவருக்கு நேரம் கொடுக்காமல் கிரண்பேடியை புதுச்சேரியின் துணைநிலை ஆளுநராக நியமித்தது மத்திய பா.ஜ.க அரசு. இரு தரப்பினருக்கும் அன்று தொடங்கிய அதிகார மோதல் இன்றுவரை ஓய்ந்தபாடில்லை. சமீபத்தில் தனியார் மருத்துவக் கல்லூரிகளில் அரசு ஒதுக்கீட்டு மருத்துவ முதுநிலை சீட் விவகாரத்தில், கிரண்பேடியும் நாராயணசாமியும் மாறி மாறி சவால் விட்டு வருகின்றனர்.

Narayana Samy


இந்நிலையில் ஆளுநர் கிரண்பேடியின் அதிகாரத்தைக் குறைக்க சட்டமன்றத்தில் தீர்மானம் நிறைவேற்றி அதிரடி காட்டினார் முதல்வர் நாராயணசாமி. மேலும் புதுச்சேரியில் ஆளுநருக்கு எந்தவித அதிகாரமும் இல்லை என்றும் மாநில அரசின் மீது நம்பிக்கை இல்லா விட்டால் கிரண்பேடி புதுச்சேரியை விட்டு சென்று விடலாம் என்றும் கூறி பரபரப்பை ஏற்படுத்தினார். இந்நிலையில் நாராயணசாமிக்கு பதிலடி கொடுக்கும் விதமாக வாட்ஸ்அப் மூலம் காரசார அறிக்கையை வெளியிட்டிருக்கிறார் ஆளுநர் கிரண்பேடி.


”துணைநிலை ஆளுனரின் அதிகாரங்களைப் பற்றி பத்திரிகைகளில் வெளிவந்திருக்கும் செய்திகளுக்கு எனது சிறிய பதில் இது. ஆளுநராக நான் செய்யும் ஒவ்வொரு பணியும் என் பொறுப்புகளுக்கு உட்பட்டவை என்று முதலில் புரிந்து கொள்ள வேண்டும். புதுச்சேரி யூனியன் பிரதேசம் என்பதால்தான், நான் ஒரு ஆளுநராகவும், நிர்வாகியாகவும் நியமிக்கப்பட்டிருக்கிறேன். துணைநிலை ஆளுநருக்கு அதிகாரம் இல்லையென்றால் ஏன் நிதி ஒப்புதல்கள், இடமாற்றங்கள், கேபினட் முடிவுகளுக்கு ஒப்புதல், கொள்கை ஒப்புதல்கள் ஆகியவற்றுக்கான கோப்புகளை என்னிடத்தில் கொண்டு வருவதன் அவசியம் என்ன? நீண்ட இடைவெளிக்குப் பிறகு புதுச்சேரியில் முழுநேரம் செயல்படும் ஆளுநராக நான் இருக்கிறேன்.

Kiran Bedi

யூனியன் பிரதேசத்தில் 24 மணி நேரமும் பணியில் கவனம் செலுத்துபவர்தான் ஆளுநர். மக்கள் கவலையை கேட்பதற்காகவும், கவனம் செலுத்தப்பட வேண்டிய  இடங்களை பார்வையிடவும், கவனமாக கோப்புகளை பரிசோதித்து நுட்பமாக கவனிப்பதும், சூழ்நிலைக்கு ஏற்றவாறு அறிக்கைகளைக் கேட்டு செயல்படுத்துவதும், ஒருங்கிணைப்பு மற்றும் தகவல் தொடர்பு முதலிய சேவைகளுக்காகத்தான்  ஆளுநர் அலுவலகம் திறக்கப்பட்டது. இது எனது பொறுப்பின் முன்னோட்டத்துக்கு உட்பட்டது. அதிகாரிகள் மற்றும் மக்களை ஊக்குவிப்பதற்காகவும் மக்களுக்கு தூண்டுதலளிக்கவும் இத்தகவலை தெரிவிக்கிறேன்.


என்னுடைய பொறுப்புகளில் இதுவும் ஒரு பகுதி.  தேர்ந்தெடுக்கப்பட்ட பிரதிநிதிகள் காலை நேர ஆய்வுகளுக்கு என்னுடன் சேர்ந்து செயல்புரிய வேண்டிய கட்டாயத்தில் இருந்த போதிலும் அதற்கு ஒத்துழைக்க அவர்கள் மறுத்துவிட்டனர். இது அவர்களின் முடிவு என்றால் வார இறுதியில் காலை நேர ஆய்வுகளில் நான் கடந்த விவரங்களின் தொகுப்புகளை வெளியிடுவதும் என் முடிவு. புதுச்சேரியின் மேம்பாட்டிற்காக என் வார இறுதி நாள்களில் நான் பணி செய்வதால் புதுவையின் வளர்ச்சிகளைக் கண்கூடாக பார்ப்பதில் எனக்கு மிகுந்த சந்தோஷம்.

ராஜ் நிவாஸை ஊக்குவிக்கவும், மேம்படுத்தவும் நான் இங்கு இருக்கிறேன் என்பதைச் சொல்லிக் கொள்ள விரும்புகிறேன். சரியான நிதி நிர்வாகத்தை உறுதிப்படுத்துவேன். இது என் கடமை மற்றும் பொறுப்பும் கூட. என் நோக்கத்தையும், ஆர்வத்தையும் புரிந்து கொள்ளப்படாததை குறித்து மிகவும் வருந்துகிறேன். நான் கவலைப்படுவதற்கான ஒரே காரணம் இதுவே. எனக்கு அளிக்கப்பட்ட  நிர்வாக பொறுப்புகளை உணர்ந்து என் கடைசி நாள் வரை பொறுப்புடன் செயல்படுவேன்” என்று பேசுகிறது கிரண்பேடியின் செய்தியறிக்கை.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement