வெளியிடப்பட்ட நேரம்: 09:33 (19/06/2017)

கடைசி தொடர்பு:10:30 (19/06/2017)

ராகுல் காந்தியை வாழ்த்திய மோடி!

ராகுல் காந்தியின் பிறந்தநாளை முன்னிட்டு, அவருக்குப் பிரதமர் மோடி வாழ்த்துத் தெரிவித்துள்ளார்.

காங்கிரஸ் துணைத் தலைவர் ராகுல் காந்தியின் 47-வது பிறந்தநாள் இன்று கொண்டாடப்படுகிறது. ராகுல் காந்தி தற்போது, இத்தாலியில் உள்ளார். அங்கு தன் உறவினர்களுடன் அவர் பிறந்தநாள் கொண்டாடுகிறார். அவருக்குப் பல்வேறு தரப்பிலிருந்தும் வாழ்த்துகள் குவிந்து வருகின்றன. ராகுல் காந்தியின் பிறந்தநாளை முன்னிட்டு, பல்வேறு நலத்திட்ட உதவிகளைச் செய்ய, காங்கிரஸ் கட்சியினர் திட்டமிட்டுள்ளனர். 


இந்நிலையில், ராகுல் காந்திக்குப் பிரதமர் மோடி வாழ்த்துத் தெரிவித்துள்ளார். இது குறித்து மோடி தனது ட்விட்டர் பக்கத்தில், "ராகுல் காந்திக்கு இனிய பிறந்தநாள் வாழ்த்துகள். அவர் நீண்ட ஆயுள் ஆரோக்கியுடத்துடன் வாழ வாழ்த்துகிறேன்" என்று கூறியுள்ளார். தற்போது, காங்கிரஸ் துணைத் தலைவராக உள்ள ராகுல் காந்தி, விரைவில் காங்கிரஸ் கட்சியின் தலைவராகப் பொறுப்பேற்க உள்ளார் என்பது குறிப்பிடத்தக்கது.