Published:Updated:

`வெட்டப்பட இருக்கும் 2.7 லட்சம் மரங்கள்.. உயிரினங்களின் நிலை?’ -நீர்சக்தி திட்டத்துக்கு வலுக்கும் எதிர்ப்பு

அருணாச்சல் பிரேதசம்
அருணாச்சல் பிரேதசம்

அருணாசல பிரேதசம் டிபங்க் பள்ளத்தாக்கில், எடாலின் நீர்சக்தி திட்டத்திற்காக 2.7 லட்சம் மரங்கள் வெட்டப்பட உள்ளன. இந்த திட்டத்திற்கான ஒப்புதல், சுற்றுச்சூழல் அமைச்சகத்தின் வன ஆலோசனைக் குழுவால் இன்னும் வழங்கப்படவில்லை.

அருணாசல பிரேதசம் டிபங்க் பள்ளத்தாக்கில், எடாலின் நீர்சக்தி திட்டத்திற்காக 2.7 லட்சம் மரங்கள் வெட்டப்பட உள்ளன. இந்த திட்டத்திற்கான ஒப்புதல், சுற்றுச்சூழல் அமைச்சகத்தின் வன ஆலோசனைக் குழுவால் இன்னும் வழங்கப்படவில்லை. ஆனால், இந்த திட்டத்திற்கு எதிராகப் பல எதிர்ப்புக் குரல்கள் தற்போது எழுந்துள்ளன. இதை எதிர்க்கும் ஆராய்ச்சியாளர்கள், இதன்மூலம் ஏற்படும் விபரீதத்தை இன்னும் அரசு கண்டுகொள்ளவில்லை எனக் கூறிவருகின்றனர். இதற்கு முன்னரே, 2,880 மெகா வாட்ஸ பல்நோக்கு திட்டத்திற்கான ஒப்புதல் வழங்கப்பட்டுள்ளது. இந்தத் திட்டம் செயல்படும் ஆற்றோரத்தில்தான் புதிய 3,097 மெகா வாட் திட்டமும் செயல்பட உள்ளது. இவை இரண்டும் ஒரே இடத்தில் செயல்பட்டால், இதனால் டிபங்க் பள்ளத்தாக்கிற்கு மிகப்பெரிய பாதிப்பு ஏற்படும் என நேஷனல் ஹெரால்டின் ஆய்வுத் தகவல்கள் தெரிவிக்கின்றன.

அருணாச்சல் பிரேதசம்
அருணாச்சல் பிரேதசம்
HT

இந்த திட்டத்தைச் செயல்படுத்தவிருக்கும் எடாலின் ஹைட்ரோ எலெக்ட்ரிக் நிறுவனம், அருணாசல பிரதேசத்தின் ஹைட்ரோபவர் வளர்ச்சி நிறுவனம் மற்றும் ஜின்டால் பவர் லிமிடெட் ஆகியவற்றுடன் இணைந்து செயல்பட உள்ளது. இந்த திட்டத்திற்காக தேர்வுசெய்யப்பட்டுள்ள இடம், அடர்ந்த மரங்கள் நிறைந்த மழைக் காடுகளாகும். இந்த இடம், பல்லுயிர் வாழும் இடங்களில் ஒன்றாக வன ஆலோசனைக் குழுவால் அங்கீகரிக்கப்பட்டுள்ளது. இந்த இடத்தில் ஏற்படும் மரங்களின் இழப்பீட்டிற்காக, அந்த பள்ளத்தாக்கிலேயே 25 வெவ்வேறு இடங்களில் தோட்டங்கள் ஏற்படுத்தப்படவுள்ளன.

Vikatan

ஆனால், இதனால் 413 செடி வகைகள், 159 பட்டாம்பூச்சி இனங்கள், 113 சிலந்தி இனங்கள், 31 ஊர்வனங்கள், 14 நிலம் மற்றும் நீரில் வாழும் உயிரினங்கள், 230 பறவைகள் மற்றும் 21 பாலூட்டிகள் என அதிகளவில் உயிரினங்கள் பாதிக்கப்படும் என இந்திய வனவிலங்குக் கழகம் தெரிவித்துள்ளது. கடந்த 2019-ம் ஆண்டு, வன ஆலோசனைக் குழு இந்த திட்டத்திற்காகத் தேர்வு செய்யப்பட்ட இடம், உலகிலேயே அதிக பல்லூயிர் வாழும் இடம் எனக் கூறியிருந்தது குறிப்பிடத்தக்கது.

பட்டாம்பூச்சி
பட்டாம்பூச்சி

இதனால் அங்கு வாழும் இடு மிஸ்மி (idu mismi) இனக்குழு மக்கள் மற்றும் சுற்றுச்சூழல் ஆர்வலர்கள், இந்த திட்டத்திற்கு எதிராக தொடர்ந்து குரல்கொடுத்து வருகின்றனர். மேலும், இந்த திட்டத்தினால் ஏற்படும் இழப்பீட்டிற்கு வழங்கப்பட்டுள்ள இடங்கள், அதே சுற்றுச்சூழல் மதிப்பை ஏற்படுத்தாது எனவும் கூறி வருகின்றனர். இதுதொடர்பாக, ஏப்ரல் 23-ம் தேதி அன்று ஒரு முடிவு எடுக்க வன ஆலோசனைக் குழு கூடியது. ஆனால், இதுவரை அந்தக் கூட்டம் பற்றிய எந்தவொரு தகவலும் வெளிவரவில்லை. இதனால் இந்தத் திட்டம் பற்றி மேலும் பல சந்தேகங்களும் குற்றச்சாட்டுகளும் அருணாசல மக்கள் மத்தியில் எழுந்துவருகின்றன. உலகம் முழுவதும் பருவநிலை மாற்றம் ஏற்பட்டுவரும் இந்தச் சூழ்நிலையில், இம்மாதிரியான செயல்கள் நிச்சயம் மோசமான விளைவுகளையே ஏற்படுத்தும். இந்த உலகம் எல்லா உயிர்களுக்கும் பொதுவானதுதான் என்பதை மனிதன் உணர்ந்து செயல்படவேண்டிய தருணம் என்று சமூக ஆர்வலர்கள் தங்களது கருத்துகளைத் தெரிவித்துவருகின்றனர்.

Vikatan
அடுத்த கட்டுரைக்கு