Published:Updated:

ரன்பீர் கபூர் - ஆலியா பட் ஜோடியைக் கோயிலுக்குள் விடாமல் தடுத்த பஜ்ரங் தள் தொண்டர்கள் - நடந்தது என்ன?

ரன்பீர் கபூர்-ஆலியா பட்

நடிகர் ரன்பீர் கபூர், ஆலியா பட் ஜோடியை மத்திய பிரதேசக் கோயிலுக்குள் நுழையவிடாமல் பஜ்ரங் தள் தொண்டர்கள் தடுத்தனர்.

ரன்பீர் கபூர் - ஆலியா பட் ஜோடியைக் கோயிலுக்குள் விடாமல் தடுத்த பஜ்ரங் தள் தொண்டர்கள் - நடந்தது என்ன?

நடிகர் ரன்பீர் கபூர், ஆலியா பட் ஜோடியை மத்திய பிரதேசக் கோயிலுக்குள் நுழையவிடாமல் பஜ்ரங் தள் தொண்டர்கள் தடுத்தனர்.

Published:Updated:
ரன்பீர் கபூர்-ஆலியா பட்

நடிகர் ரன்பீர் கபூர், ஆலியா பட் நடித்த `பிரம்மாஸ்த்ரா’ படம் வரும் 9-ம் தேதி திரைக்கு வருகிறது. தொடர்ச்சியாக பாலிவுட் படங்கள் தோல்வியடைந்துவருவதால் தங்களது படம் எப்படியும் வெற்றி பெற வேண்டும் என்று வேண்டி, கபூர் தம்பதி கோயில்களில் தரிசனம் செய்துவருகின்றனர். மத்தியப் பிரதேச மாநிலம் உஜ்ஜைனி நகரிலுள்ள மகாகாளிஸ்வர் கோயிலுக்கு ரன்பீர் கபூர், ஆலியா பட், இயக்குநர் அயன் முகர்ஜி தரிசனம் செய்ய வந்திருந்தனர். அவர்கள் வருவது குறித்து கேள்விப்பட்டு பஜ்ரங் தள் தொண்டர்கள் கோயிலில் குவிந்திருந்தனர்.

கபூர் தம்பதி சாமி தரிசனம் செய்யச் சென்றபோது, அவர்களைக் கோயிலுக்குள் செல்ல விடாமல் தடுத்தனர். இதனால், பஜரங் தள் தொண்டர்களை போலீஸார் தடியடி நடத்திக் கலைத்தனர். ஆனாலும் கபூர் தம்பதியை பஜ்ரங் தள் தொண்டர்கள் சாமி தரிசனம் செய்ய அனுமதிக்கவில்லை என்று நேரில் பார்த்த ஒருவர் தெரிவித்தார். கபூர் தம்பதி வந்ததும் பஜ்ரங் தள் தொண்டர்கள் `ஜெய்ஸ்ரீராம்’ என்று கூறி கோஷமிட்டனர்.

ரன்பீர் கபூர் - ஆலியா பட் ஜோடியைக் கோயிலுக்குள் விடாமல் தடுத்த பஜ்ரங் தள் தொண்டர்கள் - நடந்தது என்ன?

இதனால் படத்தின் இயக்கநர் அயன் முகர்ஜி மட்டும் கோயிலுக்குள் சென்று வழிபாடு நடத்தியதாக கோயில் பூசாரி ஆசிஷ் தெரிவித்தார். பாதுகாப்புக் காரணங்களைக் கருத்தில்கொண்டு கபூர் தம்பதி உடனே இந்தூர் புறப்பட்டுச் சென்றனர். இது குறித்து பஜ்ரங் தள் நிர்வாகி அங்கிட் சௌபே கூறுகையில், ``ரன்பீர் கபூர் முன்பு தனக்கு சிக்கன், மட்டன், மாட்டு இறைச்சி சாப்பிடப் பிடிக்கும் என்று தெரிவித்திருந்தார். எனவேதான் அவரை தரிசனம் செய்ய நாங்கள் அனுமதிக்கவில்லை. ஆலியா பட்டும் தனது படத்தைப் பார்க்க விரும்புபவர்கள் பார்க்கலாம். விருப்பம் இல்லாதவர்கள் பார்க்க வேண்டியதில்லை என்று கூறியிருந்தார்” என்று தெரிவித்தார். பஜ்ரங் தள் தொண்டர்களின் போராட்டம் காரணமாக கோயிலில் சிறிது நேரம் பரபரப்பு ஏற்பட்டது. ரன்பீர் கபூர் 2011-ம் ஆண்டு சிக்கன், மட்டன், மாட்டிறைச்சி பிடிக்கும் என்று தெரிவித்திருந்தார்.