Published:Updated:

நடுவானில் விமானிக்கு மாரடைப்பு! - நாக்பூரில் அவசரமாகத் தரையிறக்கப்பட்ட வங்கதேச விமானம்

சித்திரிப்பு படம்
சித்திரிப்பு படம்

நடுவானில் விமானிக்கு மாரடைப்பு ஏற்பட்டதால் அவசரமாக நாக்பூரில் விமானம் ஒன்று தரையிறங்கியது.

வங்கதேச விமானம் ஒன்று மஸ்கட்டிலிருந்து டாக்காவுக்கு 126 பயணிகளுடன் வந்துகொண்டிருந்தது. விமானம் இந்திய எல்லைக்குள், அதாவது ராய்பூர் அருகே வந்தபோது விமானிக்கு திடீரென மாரடைப்பு ஏற்பட்டது. இதனால் விமானத்தில் ஒரே பரபரப்பு ஏற்பட்டது. மருத்துவக் காரணங்களுக்காக விமானத்தை தரையிறக்க அனுமதிக்க வேண்டும் என்று கோரி, மற்றொரு விமானி கொல்கத்தா விமான கட்டுப்பாட்டு அறைக்கு தகவல் கொடுத்தார். ஆனால், விமானம் ராய்ப்பூர் அருகில் இருப்பதால் அருகிலுள்ள நாக்பூர் விமான நிலையத்தில் தரையிறங்கும்படி கேட்டுக்கொள்ளப்பட்டது.

சித்திரிப்பு படம்
சித்திரிப்பு படம்

அதோடு கொல்கத்தா விமான கட்டுப்பாட்டுத்தளத்திலிருந்து நாக்பூர் விமான கட்டுப்பாட்டுத்தளத்துக்கு இது தொடர்பாகத் தகவல் தெரிவிக்கப்பட்டது. வங்கதேச விமானியும் இது தொடர்பாக நாக்பூர் விமான நிலையத்துக்குத் தகவல் கொடுத்தார். இதனால் நாக்பூர் விமான நிலையத்தில் அவசர நிலை பிரகடனப்படுத்தப்பட்டு, ஆம்புலன்ஸ் தயார்நிலையில் வைக்கப்பட்டது. விமானம் எந்தவிதப் பிரச்னையும் இன்றி பத்திரமாக நாக்பூர் விமான நிலையத்தில் தரையிறங்கியது.

ஆப்கனிலிருந்து  உக்ரைன் கிளம்பிய மீட்பு விமானம்  கடத்தப்பட்டதா?

உடனே விமானத்திலிருந்த விமானி ஆம்புலன்ஸ் மூலம் மருத்துவமனைக்குக் கொண்டு செல்லப்பட்டார். தக்க நேரத்தில் விமானி விமானத்தை நாக்பூரில் தரையிறக்கியதால் 126 பயணிகள் உயிர் தப்பினர். விமானிக்குத் தக்க சிகிச்சையளிக்கப்பட்டு, அதே விமானத்தில் டாக்காவுக்கு அனுப்பிவைக்கப்பட்டார். சில மணி நேரத்தில் டாக்கா சென்றுவிடும் என்பதால் விமானி அந்த விமானத்திலேயே சொந்த நாட்டுக்குச் சென்றுவிட்டார். கொரோனா கட்டுப்பாடு காரணமாக, குறிப்பிட்ட அந்த வங்கதேச விமான நிறுவனம் இந்தியாவுக்கான விமான சேவையை நிறுத்தியிருந்தது. சமீபத்தில்தான் அந்தநிறுவனம் தனது சேவையை இந்தியாவுக்குத் தொடங்கியிருந்தது என்பது குறிப்பிடத்தக்கது.

அடுத்த கட்டுரைக்கு