Published:Updated:

மனைவியைக் கொலை செய்த புகாரில் சிறையில் கணவன்... மனைவியோ காதலனுடன் தலைமறைவு வாழ்க்கை - நடந்தது என்ன?

காதலனுடன் மறைந்து வாழ்ந்த பெண்

பீகாரில் மனைவியைக் கொலை செய்துவிட்டதாக கணவன் சிறையில் அடைக்கப்பட்டுள்ள நிலையில், அவரின் மனைவி தன் காதலனுடன் வாழ்ந்துவந்தது கண்டுபிடிக்கப்பட்டது.

மனைவியைக் கொலை செய்த புகாரில் சிறையில் கணவன்... மனைவியோ காதலனுடன் தலைமறைவு வாழ்க்கை - நடந்தது என்ன?

பீகாரில் மனைவியைக் கொலை செய்துவிட்டதாக கணவன் சிறையில் அடைக்கப்பட்டுள்ள நிலையில், அவரின் மனைவி தன் காதலனுடன் வாழ்ந்துவந்தது கண்டுபிடிக்கப்பட்டது.

Published:Updated:
காதலனுடன் மறைந்து வாழ்ந்த பெண்

பீகார் மாநிலம், மோதிஹரி மாவட்டத்தில் உள்ள லட்சுமிபூர் என்ற இடத்தைச் சேர்ந்தவர் தினேஷ் ராம். இவர் சாந்தி தேவி என்ற பெண்ணை கடந்த 2016-ம் ஆண்டு திருமணம் செய்துகொண்டார். திருமணமாகி ஆறு ஆண்டுகள் ஆகிவிட்ட நிலையில் திடீரென சாந்திதேவி கடந்த மாதம் வீட்டைவிட்டு வெளியேறினார். இந்த நிலையில் சாந்திதேவியின் தந்தை யோகேந்திர யாதவ் தன் மகளை அவரின் வீட்டுக்குச் சென்று பார்த்துவிட்டு இல்லை என்பதைத் தெரிந்துகொண்டு தனது மருமகன் தினேஷ் ராம் மீது போலீஸில் புகார் செய்தார். கடந்த ஆண்டு தன் மகளிடம் மோட்டார் பைக் மற்றும் 50 ஆயிரம் பணம் கேட்டு தினேஷ் ராம் சித்ரவதை செய்ததாகவும், அவர்கள் தங்கL மகளைக் கொலை செய்துவிட்டதாகவும் போலீஸில் புகார் செய்தார். உடனே போலீஸார் தினேஷ் ராமைக் கைதுசெய்து சிறையில் அடைத்தனர்.

காதலனுடன் மறைந்து வாழ்ந்த பெண்
காதலனுடன் மறைந்து வாழ்ந்த பெண்

இதனிடையே, சாந்திதேவி இறந்துவிட்டதாகத் தகவல் வெளியானது. ஆனால் சாந்தியின் உடல் கண்டுபிடிக்கப்படவில்லை. இதனால் போலீஸார் சாந்தி பயன்படுத்திய மொபைல் போன் எங்கு இருக்கிறது என்பதைக் கண்காணிக்க ஆரம்பித்தனர். அந்த மொபைல் சிக்னல் பஞ்சாப்பின் ஜலந்தரில் இருப்பது தெரியவந்தது. இதையடுத்து தனிப்படை போலீஸார் ஜலந்தருக்கு விரைந்து சென்றனர். அங்கு தீவிர தேடுதலுக்கு பிறகு சாந்தி இருக்கும் இடம் கண்டுபிடிக்கப்பட்டது. சாந்தி தனது காதலனுடன் வாழ்ந்துவந்தது கண்டுபிடிக்கப்பட்டது. உடனே சாந்தியை போலீஸார் பீகாருக்கு அழைத்து வந்தனர். அதன் பிறகே சாந்தியின் கணவர் தினேஷ் விடுவிக்கப்பட்டார். சாந்தியிடம் போலீஸார் நடந்தது குறித்து விசாரித்துவருகின்றனர்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism