Published:Updated:

மேற்கு வங்கம்: தண்டவாளத்தைக் கடக்க முயன்ற யானை - ரயிலை நடுவழியில் நிறுத்தி வழிவிட்ட மோட்டார்மேன்!

தண்டவாளத்தைக் கடக்கும் யானை

மேற்கு வங்கத்தில் யானை ஒன்று ரயில் தண்டவாளத்தைக் கடைக்க முயன்றது. அதைக் கண்ட மோட்டார்மேன் ரயிலை நிறுத்தி யானை தண்டவாளத்தைக் கடந்து செல்ல உதவினர்.

மேற்கு வங்கம்: தண்டவாளத்தைக் கடக்க முயன்ற யானை - ரயிலை நடுவழியில் நிறுத்தி வழிவிட்ட மோட்டார்மேன்!

மேற்கு வங்கத்தில் யானை ஒன்று ரயில் தண்டவாளத்தைக் கடைக்க முயன்றது. அதைக் கண்ட மோட்டார்மேன் ரயிலை நிறுத்தி யானை தண்டவாளத்தைக் கடந்து செல்ல உதவினர்.

Published:Updated:
தண்டவாளத்தைக் கடக்கும் யானை

மேற்கு வங்கம், சத்தீஸ்கர், ஜார்க்கண்ட் போன்ற மாநிலங்களில் அடிக்கடி யானைகள் ரயில் தண்டவாளத்தைக் கடந்து செல்வது வழக்கம். சில நேரங்களில் யானைகள் ரயிலில் அடிபட்டு உயிரிழப்பதும் உண்டு. மேற்கு வங்கத்தில் அது போன்று தண்டவாளத்தைக் கடக்க முயன்ற யானையை ரயில் மோட்டார்மேன் காப்பாற்றியிருக்கிறார். மேற்கு வங்கத்தின் வடக்குப் பகுதியிலுள்ள குல்மா-சிவோக் பகுதியில் யானை ஒன்று ரயில் தண்டவாளத்தின் ஓரத்தில் நடந்து சென்றுகொண்டிருந்தது. அந்த நேரம் அந்த வழியாக ரயில் ஒன்று வந்தது. ரயிலை ஓட்டி வந்த மோட்டார்மென் ஆர்.குமார், எஸ்.குந்து ஆகியோர் யானை மிகவும் அபாயகரமான முறையில் தண்டவாளத்தையொட்டி நடந்து செல்வதை கவனித்து, ரயிலின் வேகத்தைக் குறைத்தனர். அவர்கள் நினைத்தபடி யானை திடீரென ரயில் தண்டவாளத்தைக் கடந்தது.

தண்டவாளத்தைக் கடக்கும் யானை
தண்டவாளத்தைக் கடக்கும் யானை

இதனால் ரயிலை மோட்டார்மேன்கள் பிரேக் போட்டு நிறுத்தினர். தண்டவாளத்தை யானை கடந்து சென்ற பிறகு, மீண்டும் ரயிலை ஓட்டிச் சென்றனர். இது தொடர்பான வீடியோவை மண்டல ரயில்வே பொதுமேலாளர் சமூக வலைதளத்தில் வெளியிட்டிருந்தார். அதற்கு நெட்டிசன்கள் பாராட்டு தெரிவித்துள்ளனர். இதற்கு முன்பு இதே மேற்கு வங்கத்தின் வடக்குப் பகுதியில் ஜல்பைகுரி மாவட்டத்தில் தண்டவாளத்தைக் கடந்து சென்ற யானையை தக்க நேரத்தில் பிரேக் பிடித்து ரயில் மோட்டார்மேன் காப்பாற்றினார். ரயில் தண்டவாளத்தை யானைகள் கடந்து செல்லும் பகுதியில் ரயிலின் வேகத்தை குறைக்க ரயில்வே நிர்வாகம் உத்தரவிட்டிருக்கிறது. மகாராஷ்டிராவில் மும்பை-நாக்பூர் விரைவு நெடுஞ்சாலையில் வன விலங்குகள் கடந்து செல்வதற்காக சிறப்பு பாதைகள் அமைக்கப்பட்டுள்ளன என்பது குறிப்பிடத்தக்கது.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism