Published:Updated:

MSD: `மெயின்டெயின் சோசியல் டிஸ்டன்ஸ்' - மும்பை போலீஸின் வேற லெவல் கிரியேட்டிவிட்டி

எம்எஸ்டி
எம்எஸ்டி

``இந்தப் பதிவின் கேப்ஷனில், ``Do it the ‘Mahi Way’ - Stay ‘Not Out’, Stay Cool & Stump” என்று பதிவிட்டு தோனிக்கு தங்களது பிறந்தநாள் வாழ்த்துகளைத் தெரிவித்துள்ளனர்.”

கொரோனா வைரஸ் இந்தியாவில் கடுமையான பாதிப்புகளை ஏற்படுத்தி வருகிறது. இந்த வைரஸைக் கட்டுப்படுத்த முடியாமல் பல மாநிலங்களும் திணறி வருகின்றன. வைரஸ் தொற்றைக் கட்டுப்படுத்த இதுவரை மருந்துகள் எதுவும் கண்டறியப்படவில்லை. உலக சுகாதார அமைப்பு மற்றும் சுகாதார நிபுணர்கள் கூறிவரும் வழிமுறைகளையே அனைவரும் பின்பற்றி வருகின்றனர். அதன்படி வைரஸ் பரவலைக் கட்டுப்படுத்த தனிமனித இடைவெளி, முகக்கவசம் அணிதல் போன்றவையே தீர்வாக இருந்து வருகிறது. இதை மக்கள் கடைப்பிடிக்க வேண்டும் என அரசாங்கம் பல்வேறு வகைகளில் விழிப்புணர்வுகளை ஏற்படுத்தி வருகிறது. இந்த நிலையில், இந்திய கிரிக்கெட் அணியின் முன்னாள் கேப்டன் மகேந்திர சிங் தோனியின் பெயரை பயன்படுத்தி மும்பை காவல்துறையினர் சமூக வலைதளம் வழியாக வித்தியாசமாக விழிப்புணர்வை மேற்கொண்டுள்ளனர்.

இந்திய கிரிக்கெட் அணியின் முன்னாள் கேப்டன் மகேந்திர சிங் தோனி இன்று தனது 39வது பிறந்தநாளைக் கொண்டாடுகிறார். சமூக வலைதளங்களில் பலரும் அவருக்கு தங்களது வாழ்த்துகளைத் தெரிவித்த வண்ணம் உள்ளனர். தோனியை அவரது ரசிகர்கள் எம்எஸ்டி, தல எனப் பல்வேறு பெயர்களில் அழைப்பது உண்டு. இந்த எம்.எஸ்.டி-யைப் பயன்படுத்தி மும்பை காவல்துறையினர் கொரோனா தொடர்பான விழிப்புணர்வை தங்களது ட்விட்டர் பக்கத்தில் வெளியிட்டுள்ளனர். மும்பை காவல்துறையினர் தங்களது ட்விட்டர் பக்கத்தில் வெளியிட்டுள்ள புகைப்படத்தில் பெரிய ஸ்டேடியம் ஒன்று உள்ளது. அதன் நடுவே ஸ்டெம்ப், பேட், பால், கிளவுஸ் உள்ளிட்ட பொருள்கள் வைக்கப்பட்டுள்ளன. அதன் மேலே `MSD' என்று எழுதப்பட்டுள்ளது. இதற்கு விரிவாக்கமாக அதன் கீழே `Maintain Social Distancing' என்று எழுதப்பட்டுள்ளது.

தோனி
தோனி
ICC

இந்தப் பதிவின் கேப்ஷனில், ``Do it the `Mahi Way’ - Stay `Not Out’, Stay Cool & Stump #Coronavirus” என்று பதிவிட்டு தோனிக்கு தங்களது பிறந்தநாள் வாழ்த்துகளைத் தெரிவித்துள்ளனர். இதனுடன் #HappyBirthdayMahi மற்றும் #SocialDistancing என்ற ஹேஷ்டேக்குகளையும் பதிவிட்டுள்ளனர். மும்பை காவல்துறை எப்போதும் வித்தியாசமாகவும் நெட்டிசன்களை ஈர்க்கும் வகையிலும் ட்விட்டரில் பதிவுகளை இடுவது வழக்கம். அவ்வகையில், இந்தப் பதிவும் நெட்டிசன்கள் பலரது கவனத்தையும் பெற்றுள்ளது. நெட்டிசன்கள் இந்தப் பதிவின் கீழே, ``வேற லெவல் கிரியேட்டிவிட்டி, நன்றாக விளையாடுகிறீர்கள் மும்பை போலீஸ், கிரியேட்டிவிட்டியின் அடுத்த லெவல்” போன்ற கமென்டுகளால் காவல்துறையைப் பாராட்டி வருகின்றனர்.

மகேந்திர சிங் தோனி... இந்தப் பேரு போதாதா கட்டுரையைப் படிக்க! #15YearsOfDhoni
அடுத்த கட்டுரைக்கு