Published:Updated:

28 வங்கிகளில் ரூ.22,800 கோடி மோசடி! - குஜராத் கப்பல் கம்பெனி நிறுவனர் கைது பின்னணி

ரிஷி அகர்வால்

ரூ.22,800 கோடி மோசடி தொடர்பாக ஏபிஜி ஷிப்யார்டு நிறுவனத்தின் உரிமையாளர் கைதுசெய்யப்பட்டுள்ளார்.

28 வங்கிகளில் ரூ.22,800 கோடி மோசடி! - குஜராத் கப்பல் கம்பெனி நிறுவனர் கைது பின்னணி

ரூ.22,800 கோடி மோசடி தொடர்பாக ஏபிஜி ஷிப்யார்டு நிறுவனத்தின் உரிமையாளர் கைதுசெய்யப்பட்டுள்ளார்.

Published:Updated:
ரிஷி அகர்வால்

குஜராத்தை மையமாகக்கொண்டு செயல்பட்டுவந்த ஏபிஜி ஷிப்யார்டு நிறுவனம் எஸ்.பி.ஐ., ஐசிஐசிஐ உட்பட 28 வங்கிகள் மற்றும் நிதி நிறுவனங்களிடம் ரூ.22,800 கோடி அளவுக்குக் கடன் வாங்கியிருந்தது. ஆனால், கம்பெனி நிர்வாகம் இந்தக் கடனைச் சரிவரத் திருப்பிச் செலுத்தவில்லை. இதனால் 2016-ம் ஆண்டு இந்தக் கடன் வராக்கடனாக அறிவிக்கப்பட்டது. 2012 முதல் 2017-ம் ஆண்டு வரையிலான கம்பெனி வரவு செலவு விவரங்களைத் தணிக்கை செய்தபோது கம்பெனி நிர்வாகிகள் பணத்தை வேறு காரணங்களுக்காகத் திருப்பிவிட்டது, நிதியைத் தவறுதலாகப் பயன்படுத்தியது போன்ற குற்றங்களில் ஈடுபட்டது தெரியவந்தது. ஆனாலும் சிபிஐ இந்த விவகாரத்தில் வழக்கு பதிவுசெய்யாமல் இழுத்தடித்துவந்தது.

2019-ம் ஆண்டுதான் இதை சிபிஐ மோசடி என்றே ஒப்புக்கொண்டது. கம்பெனி உரிமையாளர் ரிஷி அகர்வால் மீது நடவடிக்கை எடுக்கப்படாதது குறித்து எதிர்க்கட்சிகள் குற்றம்சாட்டியிருந்தன. 2019-ம் ஆண்டு ஏபிஜி ஷிப்யார்டு நிறுவனத்துக்கு எதிராக எஸ்பிஐ வங்கி சிபிஐ-யில் புகார் செய்தது.

28 வங்கிகளில் ரூ.22,800 கோடி மோசடி! - குஜராத் கப்பல் கம்பெனி நிறுவனர் கைது பின்னணி

அப்படியிருந்தும் சிபிஐ இந்த விவகாரத்தில் வழக்கு பதிவுசெய்யாமல் அதற்குக் கால அவகாசம் கேட்டது. 2020-ம் ஆண்டு, ஆகஸ்ட் மாதம் எஸ்பிஐ வங்கி மீண்டும் சிபிஐ-யில் புகார் செய்தது. அதை ஆய்வுசெய்த பிறகு இந்த ஆண்டு, பிப்ரவரி மாதம்தான் சிபிஐ வழக்கு பதிவுசெய்தது. அப்படியிருந்தும் கம்பெனி உரிமையாளர் ரிஷி அகர்வால் உட்பட யார் மீதும், எந்தவித நடவடிக்கையும் எடுக்கப்படாமல் இருந்தது. இந்நிலையில் தற்போது ரிஷி அகர்வாலை சிபிஐ கைதுசெய்துள்ளது. இந்த வழக்கில் கம்பெனி நிர்வாக இயக்குநர் சந்தானம் முத்துசாமி, இயக்குநர்கள் அஸ்வினி குமார், சுஷில் குமார் அகர்வால், ரவி விமல் ஆகியோரும் குற்றவாளிகளாகச் சேர்க்கப்பட்டுள்ளனர். ரிஷி அகர்வால் இன்று கோர்ட்டில் ஆஜர்படுத்தப்படுவார். நாட்டில் நடந்துள்ள மிகப்பெரிய வங்கி மோசடியாக இந்த மோசடி கருதப்படுகிறது. ஆனால் மோசடி வெளிச்சத்துக்கு வந்த பிறகு ஐந்து ஆண்டுகள் கழித்துத்தான் குஜராத் தொழிலதிபருக்கு எதிராக நடவடிக்கை எடுக்கப்பட்டிருப்பது குறிப்பிடத்தக்கது.