Published:Updated:

`விவசாயிகளின் தற்கொலைகளைக் கண்டிருப்போம்.. இனி ஆசிரியர்கள்!'- தெலங்கானா ஆசிரியர் வேதனை

Representation image
Representation image

தெலங்கானாவைச் சேர்ந்த ஆசிரியர் ஒருவர் தன் குடும்பத்தினரை கவனிக்க கூலி வேலைகளுக்குச் சென்று வருகிறார்.

கொரோனா ஊரடங்கு பலரின் வாழ்க்கையை புரட்டிப்போட்டுள்ளது. பள்ளிகள், கல்லூரிகள், தொழில் நிறுவனங்கள், சிறு வணிக நிறுவனங்கள் என அனைத்தும் முடங்கின. இதன் காரணமாக பலரின் வாழ்வாதாரம் கேள்விக்குறியானது. தெலங்கானாவைச் சேர்ந்த ஆசிரியர் ஒருவர் தன் குடும்பத்தினரை கவனிக்க வேறு வழியின்றி தற்போது கூலி வேலைகளுக்குச் சென்று வருகிறார்.

கொரோனா
கொரோனா

தெலங்கானா மாநிலத்தைச் சேர்ந்த சிரஞ்சீவி சமூகப்பணியில் முதுகலை படிப்பு படித்துள்ளார். பி.எட் முடித்துவிட்டு கடந்த 12 வருடங்களாக ஆசிரியராகப் பணியாற்றி வருகிறார். இவரின் மனைவி பத்மா எம்.பி.ஏ முடித்துவிட்டு தனியார் பள்ளியில் ஆசிரியராகப் பணியாற்றி வந்துள்ளார். லாக்டெளன் முன்பு இவர்களது இருவரின் மாதவருவாய் சேர்த்து ரூ.60,000 கிடைத்து வந்துள்ளது. ஊரடங்கு காரணமாக பள்ளிகள் மூடப்பட்டுள்ளதால் வருமானம் இன்றி தவித்து வந்துள்ளனர்.

`நின்றுகொண்டே லாரியில் பயணம்; நண்பனின் மடியில் பிரிந்த உயிர்!’ - லாக் டெளன் சோகம்

யாதாத்ரி - புவனகிரி மாவட்டத்தில் வறட்சி தொடர்பான அரசாங்க திட்டத்தின் கீழ் கூலி வேலைக்குச் சென்று வருகிறார் சிரஞ்சீவி. குடும்பத்தை கவனிப்பதற்கு வேறுவழியின்றி அவரின் மனைவி பத்மாவும் அவருடன் இணைந்துள்ளார். கடந்த ஒரு வாரமாக இந்தப் பணிகளை மேற்கொண்டு வருகின்றனர்.

கொரோனா ஊரடங்கு
கொரோனா ஊரடங்கு

இதுகுறித்துப் பேசியுள்ள சிரஞ்சீவி, ``இதுவரை நாம் விவசாயிகளின் தற்கொலைகளைத்தான் கண்டிருக்கிறோம். இனி அதே விகிதத்தில் ஆசிரியர்கள் இருப்பார்கள். ஆயிரத்துக்கும் மேற்பட்ட ஆசிரியர்கள் சிரமத்தில் இருக்கின்றனர். இதில் பலருக்கு ஏப்ரல் மாதச் சம்பளமே இன்னும் வரவில்லை. அக்டோபர் மாதம் வரை நிலையான சம்பளம் இருக்காது என்ற அச்சம் இருக்கிறது.

எனக்கு இரண்டு பெண் குழந்தைகள் மற்றும் வயதான பெற்றோர் உள்ளனர். வெள்ளை நிற ரேஷன் அட்டைதாரர்களுக்கு அரசாங்கம் வழங்கும் ரேஷன் பொருள்களும் 1,500 ரூபாய் நிவாரணமும் கிடைக்காது” என்றார்.

அடுத்த கட்டுரைக்கு