Published:Updated:

ரூ.50 லட்சம் இன்ஷூரன்ஸ் பணத்துக்கு ஆசை... திட்டமிட்டு கணவரைக் கொலைசெய்த மனைவி! - என்ன நடந்தது?

குற்றம், கொலை

ரூ.50 லட்சம் இன்ஷூரன்ஸ் தொகைக்காகக் கணவனைக் கொலைசெய்த மனைவியின் செயல் அதிர்ச்சியை ஏற்படுத்தியிருக்கிறது.

ரூ.50 லட்சம் இன்ஷூரன்ஸ் பணத்துக்கு ஆசை... திட்டமிட்டு கணவரைக் கொலைசெய்த மனைவி! - என்ன நடந்தது?

ரூ.50 லட்சம் இன்ஷூரன்ஸ் தொகைக்காகக் கணவனைக் கொலைசெய்த மனைவியின் செயல் அதிர்ச்சியை ஏற்படுத்தியிருக்கிறது.

Published:Updated:
குற்றம், கொலை

ராஜஸ்தான் மாநிலம், நாகெளர் மாவட்டத்திலுள்ள குந்தியா கிராமத்தில் நேமாராம் மகத் (67), சாரதா (47) என்ற தம்பதியர் வசித்துவந்தனர். இந்தத் தம்பதிக்கு ஒரு மகன், ஒரு மகள் இருக்கின்றனர். இந்த நிலையில், சாரதா தன்னுடைய கணவன் பெயரிலிருந்த ரூ.50 லட்சம் மதிப்புள்ள நிலத்தைத் தன்னுடைய பெயரில் மாற்றச்சொல்லி அடிக்கடி அவரை துன்புறுத்திவந்ததாகக் கூறப்படுகிறது. இதற்காக ஒருமுறை சண்டை ஏற்பட்டபோது, நேமாராம் தன் மனைவியின் காலை உடைத்திருக்கிறார். அதையடுத்து நேமாராமின் மனைவி அவர்மீது போலீஸில் புகாரளித்திருக்கிறார். இது தொடர்பான வழக்கு இன்னும் நிலுவையில் இருப்பதாகச் சொல்லப்படுகிறது.

இந்த நிலையில், சாரதா மூன்று மாதங்களுக்கு முன்பு தன் கணவர் பெயரில் ரூ.30 லட்சம் இன்ஷூரன்ஸ் செய்திருக்கிறார். அதேபோல, தம்பதியர் தங்கள் மகனுக்காக ரூ.20 லட்சத்தில் டிராக்டர் ஒன்றையும் வாங்கியிருக்கின்றனர். சாரதா மூன்று வருடங்களுக்கு முன்பு, நேமாராம் பெயரிலிருந்த 15 (பிகாஸ்) நிலத்தைத் தன்னுடைய பெயருக்கு மாற்றிருக்கிறார். மேலும், தன் கணவனையும் கொல்ல, சதித்திட்டமும் தீட்டிவந்திருக்கிறார் எனக் கூறப்படுகிறது. அதனால், இருவருக்குமிடையே கருத்து வேறுபாடு ஏற்பட்டிருக்கிறது.

கைது
கைது

இந்த நிலையில், கடந்த செவ்வாய்க்கிழமை நேமாராம் குடிபோதையில் வீட்டுக்கு வந்திருக்கிறார். அப்போது நேமாராமுக்கும் சாரதாவுக்குமிடையே வாக்குவாதம் ஏற்பட்ட நிலையில், நேமாராம் சாரதாவைக் கடுமையாகத் தாக்கியிருக்கிறார். அதன் பிறகு போதையில் மயங்கி விழுந்த அவரை சாரதா கழுத்தை நெரித்துக் கொலைசெய்துவிட்டார். இன்ஷூரன்ஸ் பணத்துக்காகத்தான் இந்தக் கொலையை அவர் செய்திருப்பதாக நேமாராம் உறவினர்கள் குற்றம்சாட்டிவருகின்றனர்.

மேலும், இந்தச் சம்பவம் தொடர்பாக போலீஸாருக்குத் தகவல் கொடுக்கப்பட்டது. தகவலறிந்த போலீஸார் சம்பவ இடத்துக்குச் சென்று விசாரணை நடத்தினார்கள். அப்போது அவர் தன்னுடைய கணவரைக் கொலைசெய்த குற்றத்தை ஒப்புக்கொண்டார். இதையடுத்து போலீஸார் அவர்மீது வழக்கு பதிவுசெய்து அவரைக் கைதுசெய்தனர். இன்ஷூரன்ஸ் தொகைக்காக, கணவனை மனைவியே கொலைசெய்த சம்பவம் அதிர்ச்சியை ஏற்படுத்தியிருக்கிறது.