காரெத் பலே, பென்ஸிமாயுடன் அணி சேர்வது எப்படி?- எதிர்பார்ப்பில் FIFA 19 கேமின் டெமோ

ஆண்டின் மூன்றாவது காலாண்டு தொடங்கிவிட்டது. முக்கிய கேம்கள் பல ரிலீஸ் ஆகும் காலம் இது. இதில் மிகவும் எதிர்பார்க்கப்படும் கேமான FIFA 19 இரண்டு வாரங்களில் வெளியாகவுள்ளது. இந்நிலையில் இதன் டெமோ வெர்ஷன் நாளை வெளியாகும் என அறிவித்துள்ளது ஈ.ஏ ஸ்போர்ட்ஸ் நிறுவனம்.

 ஈ.ஏ ஸ்போர்ட்ஸ் ட்வீட்டின் மூலம் இந்த டெமோவை ப்ளேஸ்டேஷன், எக்ஸ்பாக்ஸ், பிசி போன்ற தளங்களுக்குப் பதிவிறக்க முடியும். இந்த டெமோவில் தேர்ந்தெடுக்க மொத்தம் 10 அணிகள் இருக்குமாம். ஜுவென்டஸ், ரியல் மட்ரிட், மான்செஸ்டர் யுனைடெட், மான்செஸ்டர் சிட்டி, பேயர்ன் முனிச், பாரிஸ் செயின்ட் ஜெர்மன், அத்லெட்டிகோ மட்ரிட், போர்ஷ்யா டார்ட்மண்டு, எ.எஸ் ரோமா மற்றும் டொட்டேன்ஹம் ஆகியவைதாம் இந்த அணிகள்.

 

FIFA

 

இதைத் தவிர இந்த டெமோவில் தி ஜர்னி என்றழைக்கப்படும் கேம்ப்ளே பகுதியின் மூன்றாவது பாக முன்னோட்டமும் இடம் பெறும். இதில் அலெக்ஸ் ஹண்டர் என்ற கற்பனை வீரரின் வாழ்க்கையை நாம் வாழ்வதாக வடிவமைக்கப்பட்டிருக்கும். இந்த பாகத்தில் ரியல் மட்ரிட்டில் இருந்து ஜுவென்டஸ் அணிக்கு மாறிய கிறிஸ்டினா ரொனால்டோவுக்கு பதிலாக நாம் ஆடும் வீரரான அலெக்ஸ் ஹண்டர் அணியில் எடுக்கப்படுவார். இதன் பின் ரியல் மட்ரிட் அணியின் முக்கிய வீரர்களான காரெத் பலே மற்றும் பென்ஸிமா ஆகியவருடன் எப்படி அணி சேர்கிறோம் என இந்த கேம்ப்ளே நீளும்.

மேலும் முதல்முறையாக இந்த கேமில் UEFA சாம்பியன்ஸ் லீக் போட்டிகள் இடம்பெற்றுள்ளன. இதன் முன்னோட்டமும் டெமோவில் இடம் பெறும் என எதிர்பார்க்கலாம். செப்டம்பர் 28-ம் தேதி வெளியாகும் FIFA 19க்கு கேம் ரசிகர்கள் மத்தியில் பெரும் எதிர்பார்ப்பு நிலவி வருகிறது. அவர்களுக்கு நாளை வெளியாகும் இந்த டெமோ நல்ல விருந்தாக அமையும்.

Do you like the story?

Please Appreciate the Author by clapping!