வெளியிடப்பட்ட நேரம்: 18:53 (01/10/2018)

கடைசி தொடர்பு:18:53 (01/10/2018)

சர்ச்சை ட்வீட்! - டெஸ்லா தலைவர் பதவியிலிருந்து விலகும் எலான் மஸ்க்

சமீபத்தில், டெஸ்லா நிறுவனத்தின் தலைவர் எலான் மஸ்க் செய்த ட்வீட்டால் பெரும் சர்ச்சை ஏற்பட்டது. இதற்கு, அமெரிக்க பங்கு மற்றும் பரிவர்த்தனை ஆணையம் வழக்குத் தொடர இருந்தது. மஸ்க், தலைவர் பதவியில் இருந்து விலக வேண்டும் என்றும் 20 மில்லியன் டாலர்கள் அபராதமாகச் செலுத்த வேண்டும் என்றும் அவர்களால் வலியுறுத்தப்பட்டது. தற்போது இதை ஏற்றுக்கொண்டு, இரண்டு மாத காலத்துக்குள் பதவி விலகுகிறார் மஸ்க்.

எலான் மஸ்க்

அது என்ன ட்வீட்? டெஸ்லா நிறுவனத்தைப் பங்குச் சந்தையில் இருந்து வெளியே எடுத்து, பிரைவேட் லிமிடெட் நிறுவனமாக மாற்றப் போவதாகக் கடந்த ஆகஸ்ட் மாதத்தில் ட்விட்டரில் அவர் பதிவுசெய்திருந்தார். 420 டாலர்களுக்கு பிரைவேட் மெம்பர்ஷிப் தரப்போவதாகக் கூறினார். இதைத்தான், தவறான பங்குதாரர்களை ஏமாற்றும் ஒரு பதிவு எனக் குற்றம் சாட்டியது அமெரிக்க பங்கு மற்றும் பரிவர்த்தனை ஆணையம். இதைப்பற்றி யாரிடமும் மஸ்க் கலந்தாலோசிக்கவில்லை என்று தெரிவிக்கப்பட்டது. முதலில், இது நியாயமற்ற குற்றச்சாட்டு எனக் கூறிவந்த மஸ்க், தற்போது பதவி விலக ஒப்புக்கொண்டுள்ளார். இனி, பதிவிடும் ட்வீட்களும் நிறுவனத்தின் கொள்கைகளைப் பின்பற்றியே பதிவுசெய்ய வேண்டும் என்பதற்கும் ஒப்புதல் அளித்துள்ளார். புதிய தலைவர் விரைவில் தேர்ந்தெடுக்கப்படுவார் எனத் தெரிகிறது. இன்னும் மூன்று ஆண்டுகளுக்கு, மஸ்க் பெயர் தலைவருக்கான போட்டியில் இடம்பெறக் கூடாது. இருப்பினும், தொடர்ந்து டெஸ்லாவின் தலைமைச் செயல் அதிகாரியாக அவர் நீடிப்பதில் சிக்கல் இல்லை.

நீங்க எப்படி பீல் பண்றீங்க