வெளியிடப்பட்ட நேரம்: 11:39 (31/10/2018)

கடைசி தொடர்பு:11:35 (01/11/2018)

புது டிசைன், கிட்டத்தட்ட அதே விலை... ஒன்ப்ளஸ்6T-ன் ப்ளஸ் மைனஸ்! #OnePlus6T

தற்போது 6T-யின் ஆரம்ப விலை 37,999. இந்த விலைக்கு ஏற்றபடி இருக்கிறதா ஒன்ப்ளஸ்?

புது டிசைன், கிட்டத்தட்ட அதே விலை... ஒன்ப்ளஸ்6T-ன் ப்ளஸ் மைனஸ்! #OnePlus6T

ல்லாம் ஏற்கெனவே தெரிந்துவிட்ட போதிலும், டெல்லியில் நேற்று நடந்த ஒன்ப்ளஸ் 6T லாஞ்ச் கொஞ்சம் சுவாரஸ்யமாகவே இருந்தது. Never Settle, Flagship KILLER என்னும் டேக்லைன்களை விடவும் ஒன்ப்ளஸ், இவ்வளவு தூரம் வாடிக்கையாளர்களைப் பெற்றதற்குக் காரணம் அதன்மீது அதன் வாடிக்கையாளர்கள் வைத்திருக்கும் மதிப்புதான். விளம்பரங்களைத் தாண்டி ஒன்ப்ளஸ் இவ்வளவு ஹிட் அடித்ததற்குக் காரணம், அதன் Word Of Mouth-தான். அமேசான் தளத்தில் ஆன்லைன் மூலம் மட்டுமே, பெருமளவிலான விற்பனையைச் செய்யும் ஒன் ப்ளஸ், சாம்சங், ஆப்பிள் போன்ற ப்ரீமியம் மொபைல்களை விடவும், கடந்த ஆறு மாதத்தில் அதிக மொபைல்களை விற்றதற்கும் அதுவே காரணம். கடந்த மே மாதம், ஒன்ப்ளஸ் 6 மொபைலை வெளியிட்டிருந்த நிலையில், தற்போது, ஒன்ப்ளஸ் 6Tயை வெளியிட்டிருக்கிறார்கள். ஒன்ப்ளஸ் 6 சில வாரங்களிலேயே 10 லட்சம் யூனிட்கள் விற்றதாக அதிகாரபூர்வமாகத் தெரிவித்திருக்கிறார்கள். இந்தியாவில் கடந்த இரு காலாண்டுகளிலும், ப்ரீமியம் மொபைல் செக்மென்ட்டில் ஒன்ப்ளஸ்தான் நம்பர் ஒன். #OnePLus6T. இதெல்லாம் ஒன்ப்ளஸ்ஸின் டிராக் ரெக்கார்டு. இதை ஒன்ப்ளஸ் 6T-யிலும் தக்கவைக்குமா? 

 

HighLights  

ஸ்கிரீன் அன்லாக்

அதே ஸ்கிரீன், அதிக டிஸ்ப்ளே

Qualcomm Snapdragon 845

நைட்ஸ்கேப்

ஹெட்ஃபோன் ஜாக்

Smart Boost

இந்த முறையும் இவை மிஸ்ஸிங்

விலை 

ப்ளஸ், மைனஸ்

வெர்டிக்ட் 

 

OnePLus6T

ஒன்ப்ளஸ் 6 ஸ்பெக்ஸ் :

* 177 கிராம்
* 3300 mAh பேட்டரி
* அதிவேக சார்ஜிங்
* 20 MP + 16 MP ரியர் கேமரா (SONY IMX 519/376K )
* 16 MP ஃபிரன்ட் கேமரா
* Qualcomm Snapdragon 845
* 6.28" AMOLED டிஸ்ப்ளே
* கார்னிங் கொரில்லா கிளாஸ் 5
* ஆண்ட்ராய்டு 8.1 இயங்குதளம்

One PLus6T

* 185 கிராம்
* ஸ்கிரின் அன்லாக்
* இன் டிஸ்ப்ளே ஃபிங்கர் பிரின்ட் சென்சார்
* 6.41" AMOLED டிஸ்ப்ளே
* கார்னிங் கொரில்லா கிளாஸ் 6
* Qualcomm Snapdragon 845
* Adreno 630
* 3700 mAh பேட்டரி
* அதி வேக சார்ஜிங்
* 20 MP + 16 MP ரியர் கேமரா (SONY IMX 519/376K )
* 16 MP ஃபிரன்ட் கேமரா
* ஆக்சிஜன் இயங்குதளம், ஆண்ட்ராய்டு 9 பை அப்டேட்
* 402 பிக்ஸல்ஸ் / inch
* 2340 *1080 resolution
* 19.5:9 Aspect ratio

20 நொடி டீசரிலேயே எல்லாவற்றையும் சொல்லிவிட்டார்கள். FASTEST & SMOOTHEST என்பதைவிட BURDENLESS ஆக ஒன்ப்ளஸ் 6T இருக்க வேண்டும் என நினைத்ததாம் ஒன்ப்ளஸ் நிறுவனம். டெக்னிக்கலாகப் படு ஸ்டிராங்காக இருக்கிறது ஒன்ப்ளஸ் 6T. கிட்டத்தட்ட ஒன்ப்ளஸ் 6-ல் இருக்கும் அதே ஸ்பெக்ஸ். அதைவிடக் கொஞ்சம் அதிக விலை. ஒன்ப்ளஸ் 6-ல் இருந்த 64 GB மாடலையும் தற்போது நிறுத்திவிட்டார்கள். ஒன்ப்ளஸ் 6T அறிமுகமாகிவிட்ட நிலையில், தற்போது ஒன்ப்ளஸ் 6-ன் விற்பனையையும் முழுமையாக நிறுத்திவிட்டது இந்நிறுவனம்.

OnePLus6T

 

 

ஸ்கிரீன் அன்லாக் :

மொபைல் போன்களில் அன்லாக் செய்ய, பின் மட்டுமே இருந்த நிலையில், தொடுதிரை மொபைல்கள் அதை பேட்டர்ன் ஆக மாற்றி திரையில் வரைய ஆரம்பித்தார்கள். பிறகு வந்தது ஃபிங்கர்ப்ரின்ட் சென்சார். கை ரேகையை மையப்படுத்தி வந்த இந்த சென்சார், பாதுகாப்பை அதிகரித்தது. சாம்சங் போன்ற நிறுவனங்கள், கண்ணில் இருக்கும் ரெட்டினா சென்சார் வரை சென்றாலும், பல நிறுவனங்கள் ஃபிங்கர் பிரின்ட் சென்சாரை விடவில்லை. ஒன்ப்ளஸ் முன்பக்கம் இருந்த அவர்களது சென்சாரை, 5T மொபைலிலிருந்து பின்பக்கத்துக்கு கொண்டு சென்றார்கள். பின்னர், ஃபேஸ் அன்லாக் முறை வந்தாலும், அது அவ்வளவு பாதுகாப்பானதாக இல்லை. வெறும் புகைப்படங்களை வைத்தே மொபைலை அன்லாக் செய்ய முடியும் என்பதுதான் அதிலிருக்கும் மைனஸ். மற்றுமொரு காரணம் ஆண்ட்ராய்டு மொபைல்கள் அனைத்தும் ஃபேஸ் அன்லாக்கை சாஃப்ட்வேராக மட்டுமே வைத்திருக்கிறார்கள். ஆப்பிள் மட்டுமே அதற்கென ஹார்டுவேரில் மாற்றம் செய்திருக்கிறார்கள்.

ஒப்போ, விவோ போன்ற மொபைல்களில் வரிசையில், தற்போது ஒன்ப்ளஸ்ஸும் ஸ்கிரீன் அன்லாக் தொழில்நுட்பத்துக்கு முன்னேறி இருக்கிறார்கள். இதை ஒன்ப்ளஸ் 5T மொபைலிலேயே கொண்டுவரத் திட்டமிட்டு இருந்தார்களாம். ஆனால், வாடிக்கையாளர்களின் அனுபவத்தில் அதில் சிறப்பாக இல்லை என்பதால், அதை அப்போது கைவிட்டுவிட்டது ஒன்ப்ளஸ். தற்போது, மீண்டும் அதைச் செயல்படுத்தியிருக்கிறார்கள். ஏற்கெனவே சில மொபைல்களில் இந்தத் தொழில்நுட்பம் இருந்தாலும், ஒன்ப்ளஸ் 6-ல், 0.34 நொடிகளில் இது செயல்படும் என்கிறது ஒன்ப்ளஸ். கூகுள் பே, பிற கிரெடிட் கார்டு பண பரிவர்த்தனைகளுக்கும் இது பாதுகாப்பானது என உறுதி அளிக்கிறது ஒன்ப்ளஸ்.
 

 

 

அதே ஸ்கிரீன், அதிக டிஸ்ப்ளே:

 

ஒன்ப்ளஸ் 6-ல் நாட்ச் டிஸ்ப்ளேவுடன் களமிறங்கிய ஒன்ப்ளஸ், தற்போது டியூ டிராப் டிஸ்ப்ளேவுடன் ஒன்ப்ளஸ் 6T-யை வெளியிட்டிருக்கிறார்கள். ஃபிரன்ட் கேமரா தவிர்த்து மொபைலின் முன்பக்கம் முழுக்க ஸ்கிரீன் மட்டுமே. ஒன் ப்ளஸ்ஸில் 6.28 இன்ச்சாக இருந்த டிஸ்ப்ளேவை இதில் 6.41 இன்ச்சாக உயர்த்தியிருக்கிறார்கள். அதே சமயம் நாட்சின் அளவை இவர்கள் எவ்வளவு குறைத்தாலும், அதில் இன்னமும் கொஞ்சம் நாட்ச் இருப்பது என்பது வருத்தமான விஷயம். குறிப்பாக இப்போது ஒரு கேம் விளையாடும் போது அல்லது வீடியோ பார்க்கும் போது, அந்த நாட்ச் இருக்கும் இடத்தில் அது ஒரு குறைபாடாகவே இருக்கும். முழுமையான அனுபவத்தைப் பெற முடியாது. நாட்ச்சில் இருக்கும் இப்பிரச்னை, டியூ டிராப்பிலும் தொடர்வதுதான் தற்போதைக்கு இருக்கும் சோதனை.
 

 

 

நைட்ஸ்கேப்

 

ஆண்ட்ராய்டு மொபைல்களில் கூகுள் பிக்ஸலுக்கு அடுத்தபடியாக கேமரா பக்காவாக செட் ஆவது ஒன்ப்ளஸ்ஸில்தான். ஒன்ப்ளஸ் 6-ல் இருக்கும் அதே கேமரா ஸ்பெக்ஸைத்தான் இதிலும் கொடுத்திருக்கிறார்கள். நைட் மோட் என்னும் புதிய வசதியை இதில் ஒன்ப்ளஸ் கொடுத்திருக்கிறது. இதன் மூலம் இரவு நேரப் புகைப்படங்களை புரொபஷனல் லுக்கில் பக்காவாக எடுக்க முடியும் என உறுதியளிக்கிறது ஒன் ப்ளஸ். இந்த வசதியைத் தற்போது இருக்கும் ஒன்ப்ளஸ் 6 வாடிக்கையாளர்களுக்கும் அப்டேட் மூலம் தருவதாகச் சொல்கிறது ஒன் ப்ளஸ். கேமரா ஸ்பெக்ஸில் மாற்றம் இல்லை என்றாலும், ஒன்ப்ளஸ் 6-ஐ விடவும் சிறப்பான புகைப்படங்களை எடுக்கிறது ஒன்ப்ளஸ் 6T. அதே போல், ஸ்டுடியோ லைட்டிங் என்ற மற்றுமொரு கேமரா வசதியையும் அறிமுகம் செய்திருக்கிறார்கள்.

OnePlus6T

Qualcomm Snapdragon 845

ஒன்ப்ளஸ் 6-ல் இருந்த அதே புராசஸரைத்தான் இதிலும் பயன்படுத்தியிருக்கிறார்கள். ஒன்ப்ளஸ் 6T லாஞ்சில் பேசிய குவால்கம் புராசஸர் அதிகாரி, அடுத்து வர இருக்கும் ஒன் ப்ளஸ் மாடலில் புதிய சிப்செட்டான 675-ஐ எதிர்பார்க்கலாம் எனத் தெரிவித்திருக்கிறார். 675 புராசஸரில் இருந்துதான் 5G சப்போர்ட் தர இருக்கிறது குவால்கம். இந்தியாவில் 5G என்பது வெகுவிரைவில் வரவிருக்கும் சூழலில் 40,000 ரூபாய்க்கு விற்கும் இந்த மொபைல் அது இல்லாமல் இருப்பது சற்று ஏமாற்றமே. அதே சமயம். 6-ன் அப்கிரேடுதான் 6T என்பதால் அதிக மாற்றங்களை இதில் எதிர்பார்ப்பது எல்லாம் சற்று டூ மச். ஆண்ட்ராய்டு 9 pie இயங்குதளம் இதில் இருக்கிறது. 

ஹெட்ஃபோன் ஜாக்

ஒவ்வொரு முறையும், அதன் அதிகாரபூர்வ ட்விட்டர் தளத்தில் ஒன்ப்ளஸ் ஹெட் ஃபோன் ஜாக் குறித்த போலிங் ஒன்றை நடத்தும். ஒவ்வொரு முறை இந்த போலிங் நடக்கும்போதும், ஹெட் ஃபோன் ஜாக் தேவை என்பவர்களின் எண்ணிக்கைதான் அதிகமாக இருந்தது. ஆனால், அது சதவிகித அடிப்படையில் குறைந்துகொண்டே வந்தது. ஒன்ப்ளஸ் 6 மொபைல் வெளியானபோது, ஒயர்லெஸ் ஹெட்செட்களை அறிமுகம் செய்த ஒன்ப்ளஸ் இந்த முறை ஹெட்ஃபோன் ஜாக்கை நீக்கியிருக்கிறது. ஆக, இனி ஐஃபோன் X மொபைலைப் போல், ஒன்ப்ளஸ் 6T மொபைலிலும் சார்ஜிங் போர்ட்டிலேயேதான் ஹெட்செட்டைப் பயன்படுத்த முடியும். ஒரே நேரத்தில் சார்ஜ் போட்டுக்கொண்டு, ஒயர்டு ஹெட்செட்டைப் பயன்படுத்த முடியாது. வழக்கம் போல, ஒயர்டு ஹெட்ஃபோன் வைத்திருப்பவர்களுக்கு கனெக்டர் ஒன்றைத் தந்து ஆறுதல் சொல்லியிருக்கிறது ஒன்ப்ளஸ் நிறுவனம். 40,000 ரூபாய் மொபைலுக்கு அந்த டைப் சி ஹெட்செட்டை கொடுத்திருக்கலாம் என்பதே பலரது வாதம்.

ஹெட்ஃபோன் ஜாக்கை அகற்றிவிட்டதால், அந்த இடத்திலும் பேட்டரியை வைத்து, மொபைலின் பேட்டரியை அதிகப்படுத்தி இருக்கிறார்களாம். ஒன்ப்ளஸ் 6-ல் 3300 mAh பேட்டரியை இதில் 3700 mAh பேட்டரியாக அதிகப்படுத்தியிருக்கிறார்கள். ஒன்ப்ளஸ் 6ஐ விடவும் 23% அதிகம். 

Smart Boost:

கேமர்களுக்கென இந்த மொபைலில் புதிதாக ஸ்மார்ட் பூஸ்ட் என்னும் டெக்னாலஜியை அறிமுகம் செய்திருக்கிறது ஒன்ப்ளஸ். இதன் மூலம் பிற மொபைல்களைவிட ஒன்ப்ளஸ் 6Tல் கேம்கள் அதி வேகமாக லோடு ஆகும். இந்த மோடில் கேம் முழுவதும் ரேமுக்குள்ளேயே செயல்படுகிறது.   

OnePlus6T

இந்த முறையும் மிஸ்ஸிங்

IP ரேட்டிங்குடன் கூடிய வாட்டர் ப்ரூஃப் அங்கீகாரத்தைத்தான் ப்ரீமியம் மொபைல்கள் வழங்குகின்றன. ஆனால், ஒன்ப்ளஸ்ஸில் அது தற்போது வரையில் இல்லை. மழையில் நனைந்தால் ஒன்றும் ஆகாது என உறுதியளிக்கும், ஒன்ப்ளஸ், தண்ணீருக்குள் புகைப்படம் எடுத்தால், குட்பை சொல்லிவிடுங்கள் என்றே சொல்கிறது.

அதே போல் சாம்சங் போன்ற மொபைல்களில் இருக்கும் ஒயர்லெஸ் சார்ஜிங் வசதியும் இதில் இல்லை. ஒன்ப்ளஸ்ஸின் அதிவேக சார்ஜர், 30 நிமிடத்தில் ஒரு நாளுக்குத் தேவையான பேட்டரி சார்ஜிங்கை தந்துவிடுவதால், யாரும் பெரிதாக அதை எதிர்பார்ப்பதில்லை.

ஒன்ப்ளஸ் 6 விலை

6 GB ரேம் + 64 GB இன்டர்னெல் மெமரி - ₹ 34,999
8 GB ரேம் + 128 GB இன்டர்னெல் மெமரி - ₹ 39,999
8 GB ரேம் + 256 GB இன்டர்னெல் மெமரி - ₹ 43,999

ஒன்ப்ளஸ் 6T விலை

6 GB ரேம் + 128 GB இன்டர்னெல் மெமரி - ₹ 37,999
8 GB ரேம் + 128 GB இன்டர்னெல் மெமரி - ₹ 41,999
8 GB ரேம் + 256 GB இன்டர்னெல் மெமரி - ₹ 45,999

OnePlus6T



ப்ளஸ்

* டியூ டிராப் நாட்ச்
* இன் டிஸ்ப்ளே ஃபிங்கர் பிரின்ட் சென்சார்.
* அதிக பேட்டரி
* நைட்மோட் கேமரா

மைனஸ்

* IP ரேட்டிங் வாட்டர் ப்ரூஃப் இல்லை
* ஒயர்லெஸ் சார்ஜிங் இல்லை

யாரெல்லாம் வாங்கலாம்?

ஒன்ப்ளஸ் 3 ஜெனரேசன் வரை வைத்திருப்பவர்கள், பிற மொபைல்களிலிருந்து ப்ரீமியம் செக்மென்ட்டுக்கு மாற நினைப்பவர்கள் தாராளமாக ஒன்ப்ளஸ் 6T வாங்கலாம். 3 ஜெனரேசன் மொபைல் வைத்திருப்பவர்களின் எக்சேஞ்ச் ரேட் அடுத்தாண்டு இன்னும் குறைந்துவிடும். ஆக, அப்கிரேடாக இது நல்ல சமயம். 5G வேண்டும் என யோசிப்பவர்கள் தற்போதைக்கு ரியல்மீ 2 ப்ரோ போன்ற மொபைல்களில் செட்டில் ஆகி, அடுத்த ஜெனரேசனுக்கு வெயிட் செய்யலாம்.

ஒன்ப்ளஸ்ஸின் விலை அதன் அடுத்தடுத்த அப்கிரேடுகளில் கூடிக்கொண்டே செல்கிறது. 30,000 ரூபாயாக இருந்தது ஒன்ப்ளஸ் 3T-யின் ஆரம்ப மாடல். தற்போது 6T-யின் ஆரம்ப விலை 37,999 . 50,000 மார்க்கை தொடாமல் இருப்பதே நல்லது. ஷியோமியின் சைடு நிறுவனமான போகோ மொபைல், தற்போதே அதிக விலை என நக்கல் செய்ய ஆரம்பித்துவிட்டார்கள். ஆனால், தரத்தில் ஒன்ப்ளஸ் போகோவைவிடவும் பல படிகள் மேலே இருக்கிறது என்பதையும் கவனத்தில் கொள்ளுதல் அவசியம்


டிரெண்டிங் @ விகடன்